အရက်ဟာ ဆေးအတော်များများနဲ့ အပြန်အလှန် ဓာတ်ပြု သက်ရောက်မှု (Interaction) ရှိပါတယ်။ အဲဒီ သက်ရောက်မှုကနေ ဘေးဥပါဒ် ဖြစ်စေတဲ့ အာနိသင်တွေ ထွက်လာတာ များပါတယ်။
အင်္ဂလိပ် ဆေးတွေနဲ့ သာမက တိုင်းရင်းဆေး အချို့နဲ့လည်း ဒီလို ဆိုးကျိုးမျိုး ရတတ်ပါတယ်။ မိမိရဲ့ ကျန်းမာရေးကြောင့် ဆေးတစ်ခုခု စွဲသောက်နေရသူတွေဟာ အရက်ကြောင့် ဆေးအာနိသင် မရတော့ခြင်း၊ ဘေးထွက်ဆိုးကျိုး ခံစားရခြင်းတွေ မဖြစ်ရအောင် ဒီဆောင်းပါးကို ရေးသား တင်ဆက်ပေးလိုက်ပါတယ်။
အသည်း အဆီဖုံး၊ အသည်းခြောက်၊ လေဖြတ်ခြင်း၊ အသည်းကင်ဆာစတဲ့ ဆိုးရွားတဲ့ရောဂါတွေ မဖြစ်အောင် အရက်ပုံမှန်သောက်ခြင်း၊ အလွန်အကျွံသောက်ခြင်း တို့ကို လုံးဝ ရှောင်ကြဉ်နိုင်မယ်ဆိုရင်တော့ အကောင်းဆုံးလို့ ပြောချင်ပါတယ်။ အရက်နဲ့ ဆေးတွေရဲ့ အပြန်အလှန် ဓာတ်ပြု သက်ရောက်ခြင်းကြောင့် ဖြစ်ပေါ်လာနိုင်တဲ့ ဆိုးကျိုး အချို့ကတော့ ပျို့တက် အော်ဂလီဆန်ခြင်း၊ အန်ခြင်း (အရက် အလွန်အကျွံ သောက်ရင် အန်တတ်ပေမယ့် ဆေးတစ်ခုခု သောက်ပြီး အရက်သောက်သူ နည်းနည်းလေး သောက်ရုံနဲ့ အန်ပြီဆိုရင် ဒါကို သတိထားရပါမယ်) ခေါင်းကိုက်ခြင်း၊ အလွန်အမင်း အိပ်ချင်ခြင်း၊ မေ့လဲကျသွားခြင်း၊ ခန္ဓာကိုယ်ဟန်ချက်နှင့် အသိတရား ထိန်းချုပ်နိုင်မှု ကင်းလွတ်သွားခြင်း စတာတွေ ဖြစ်လာနိုင်ပါတယ်။ ဆေးနဲ့အရက် မတည့်ခြင်း ပိုပြင်းထန်ရင် အသက်အန္တရာယ်အထိ ရှိနိုင်ပါတယ်။ ဒါကြောင့် အရက်နဲ့ မတည့်တဲ့ လူသုံးများသော ဆေးဝါးအချို့နဲ့ သက်ဆိုင်ရာဆိုးကျိုးများကို စုစည်း ယှဉ်တွဲ ဖော်ပြပေးလိုက်ပါတယ်။ တစ်ပြိုင်နက် တွဲသောက်မှ ယှဉ်တွဲ သုံးစွဲတယ်လို့ မခေါ်ပါဘူး။ တစ်ခုရဲ့ အာနိသင် မကုန်သေးခင် နောက်တစ်ခု သောက်တာကို ဆိုလိုပါတယ်။ အရက်နဲ့ ယှဉ်တွဲ သုံးစွဲရင် အောက်ပါဆေးများဟာ ဖော်ပြပါဆိုးကျိုးများ အသီးသီး ဖြစ်လာနိုင်ပါတယ်။
(၁) ဓာတ်မတည့်ခြင်း၊ နှာစေးခြင်း စတာတွေမှာ သုံးတဲ့ ဘာမီတွန် (Chlorpheniramine)၊ စီထရင်းလို့ လူသိများတဲ့ Cetirizine, Loratadine, Fexofenadin စတဲ့ ဆေးတွေဟာ မူးဝေအိပ်ချင်မှု ပြင်းထန်ခြင်း၊ ဆေးပမာဏ လွန်ကဲ အဆိပ်သင့်ခြင်းတွေ ဖြစ်လာနိုင်ပါတယ်။
(၂) ရင်ဘတ်အောင့် နှလုံးရောဂါရှိသူတွေ အရေးပေါ် လျှာအောက်ငုံဆေး (Isosorbide Nitroglycerin) က နှလုံးခုန်နှုန်း အလွန်မြန်လာခြင်း၊ သွေးပေါင်ကျခြင်း၊ သတိလစ် မေ့မြောခြင်းတွေ ဖြစ်တတ်ပါတယ်။
(၃) အကိုက်အခဲ ပျောက်ဆေးတွေကတော့ အစာအိမ်၊ အူသိမ်အနာ (Gastric/ Duodenal Ulcer) တွေ ဖြစ်စေသလို ရှိပြီးသားကိုလည်း ပြန်ထစေပါတယ်။ အသည်းကိုလည်း ထိခိုက်မှု ဖြစ်စေပါတယ်။
(၄) ချောင်းဆိုးပျောက်ဆေးများရဲ့ ဆိုးကျိုးကတော့ နံပါတ် (၁) အတိုင်းပါပဲ။
(၅) သွေးကျဲဆေး (Warfarin) နဲ့ အရက်ဟာ လုံးဝ မတည့်ပါဘူး။ ကိုယ်တွင်း သွေးယိုစီးမှုတွေ ဖြစ်နိုင်သလို အရက်ပမာဏ များသွားရင် ဆန့်ကျင်ဘက် အာနိသင်အနေနဲ့ သွေးခဲပိတ်လို့ လေဖြတ်ခြင်း၊ နှလုံးသွေးကြောပိတ်ရောဂါ ထကြွခြင်း (Heart Attack) ပေါ်လာနိုင်ပါတယ်။
(၆) စိတ်ကျရောဂါ (Depression) ဝင်နေလို့ ဆရာဝန်ပေးသော ဆေးများ သောက်နေရရင် စိတ်ညစ်လို့ အရက်သောက်တယ် ဆိုတာမျိုး လုံးဝ မလုပ်သင့်ပါ။ ဒီဆေးတွေကြောင့် နံပါတ် (၁) က ဆိုးကျိုးမျိုးတွေအပြင် အဆိုးရွားဆုံးက မျှော်လင့်ချက်မဲ့ စိတ်ဓာတ်ကျခြင်း ခံစားချက် ပိုပြင်းထန်လာစေကာ ကိုယ့်ကိုယ်ကိုယ် သတ်သေချင်စိတ် ပေါ်လာတတ်တာ လေ့လာ တွေ့ရှိထားပါတယ်။
(၇) ဆီးချိုရောဂါဆေးများ ဖြစ်တဲ့ Metformin, Tolbutamide, Glyburide စတာတွေဟာ သွေးတွင်းသကြားဓာတ် ရုတ်တရက် ကျဆင်းစေခြင်း၊ ထို့အတွက် နောက်ဆက်တွဲ ကတုန်ကယင်ဖြစ် သတိလစ် မေ့မြောခြင်းတွေ ဖြစ်လာနိုင်ပါတယ်။ ပျို့/အန်ခြင်း၊ နှလုံးခုန်မြန်ခြင်း၊ ခေါင်းကိုက်ခြင်း၊ သွေးပေါင် အတက်အကျ ရုတ်တရက် ဖြစ်ခြင်းတွေ ဖြစ်လာနိုင်ပါတယ်။
(၈) အစာအိမ်နာ အူသိမ်နာတွေအတွက် သုံးတဲ့ Ranitidine, Cimetidine, Nizatidine စတဲ့ ဆေးတွေနဲ့ မက်ဇလွန်လို့ လူသိများတဲ့ အပျို့အအန် ပျောက်ဆေး Metoclopramide ဟာ နှလုံးခုန် မြန်ခြင်း၊ ရုတ်တရက် သွေးပေါင်အတက်အကျ ဖြစ်ခြင်း၊ အရက်ရဲ့ အာနိသင်ကို ပိုဆိုးစေခြင်း စတာတွေ ဖြစ်စေပါတယ်။
(၉) သွေးတိုးကျဆေးများ ဖြစ်တဲ့ Hydralazine, Enalapril, Thiazide, Lorsatan, Prazosin စတာတွေဟာ မူးဝေခြင်း၊ ငိုက်မြည်းခြင်း၊ သတိလစ်ခြင်း၊ ပုံမှန် နှလုံးခုန်နှုန်း ပျောက်ဆုံး၍ နှေးလိုက်မြန်လိုက် ဖြစ်ခြင်းတွေ ဖြစ်လာစေနိုင်ပါတယ်။ ဒီအနေအထားဟာ arrhythmia လို့ ခေါ်ပြီး အန္တရာယ် ရှိပါတယ်။
(၁၀) သွေးတွင်း ကိုလက်စထရောများလို့ ညဖက် တစ်လုံး သောက်ရလေ့ရှိတဲ့ Statin အုပ်စုဝင် ဆေးများဟာ အရက်နဲ့ ယှဉ်တွဲမိသွားရင် အသည်း ထိခိုက်ခြင်း၊ ယားယံခြင်း၊ အစာအိမ် ထိခြင်းတွေ ဖြစ်လာနိုင်ပါတယ်။
(၁၁) ပဋိဇီဝဆေး (အရပ်အခေါ် ပိုးသတ်ဆေး) တွေဟာ အုပ်စုများစွာ ရှိပါတယ်။ အဲဒီ အထဲကမှ တီဘီရောဂါမှာ သောက်တဲ့ Isoniazid, Rifampicin စတဲ့ ဆေးများ၊ မက်ထရို (Meronidazole)၊ မှိုရောဂါဆေး Ketokonazole စတဲ့ ဆေးများ အပါအဝင် ပဋိဇီဝဆေး အတော်များများဟာ အရက်နဲ့ တွေ့ရင် ဆိုးရွားတဲ့ ဓာတ်မတည့်ခြင်း လက္ခဏာတွေ ပေါ်လာစေပါတယ်။ မက်ထရိုကတော့ အဆိုးဆုံးပါပဲ။ ဒါ့အပြင် ဗိုက်အောင့်ခြင်း၊ ဝမ်းပျက်ခြင်း၊ ခေါင်းကိုက်ခြင်းတွေ ဖြစ်စေနိုင်ပါတယ်။
(၁၂) ပျို့အန်ခြင်း၊ ကားမူးခြင်းတို့မှာ သောက်ရတဲ့ဆေး Meclizine, Dimenhydrinate တို့ဟာ မူးဝေ အိပ်ချင်မှု ပြင်းထန်ခြင်းတွေ ဖြစ်စေပါတယ်။ Dimenhydrinate ဟာ အဝေးပြေး ကားဂိတ်တွေက ဈေးသည်လေးတွေ ကားမူးပျောက်ဆေးလို့ လိုက်ရောင်းနေတဲ့ ပလတ်စတစ် အကြည်လေးတွေနဲ့ ပါကင်ပိတ်ထားသော အဝါရောင် ဆေးလေးတွေ ဖြစ်ပါတယ်။
(၁၃) အတက်ရောဂါ ရှိလို့ Phenytoin, Phenobarbital အုပ်စုဝင် ဆေးများ သောက်နေရရင် အရက်ကို ရှောင်ရပါမယ်။ အတက် အကြိမ်အရေအတွက် ပိုစိတ်ခြင်း၊ မူးဝေအိပ်ချင်ခြင်း စတာတွေ ပြင်းထန်စွာ ပေါ်လာတတ်ပါတယ်။
(၁၄) ဒါ့အပြင် အိပ်ဆေးများ အားလုံးဟာ အရက်နဲ့တွေ့ရင် နှစ်ခုလုံးရဲ့ အာနိသင်ကို ပိုဆိုးစေပြီး မူးဝေ အိပ်ပျော်၊ အသက်ရှူရပ်တဲ့အထိ ဖြစ်စေနိုင်လို့ ရှောင်ကြဉ်သင့်ပါတယ်။
(၁၅) တိုင်းရင်းဆေးအချို့လည်း အရက်နဲ့ မတည့်ကြပါဘူး။ တိုင်းရင်းဆေးအချို့ကို အရက်နဲ့ တွဲသောက်တဲ့ အလေ့ရှိတာနဲ့ တိုင်းရင်းဆေးတိုင်း အရက်နဲ့တည့်တယ်လို့ မဆိုလိုပါဘူး။ ဒါကြောင့် အရက်နဲ့သောက်လို့ ရတယ်လို့ သက်ဆိုင်ရာ တိုင်းရင်းဆေး ကျွမ်းကျင်သူက ထောက်ခံချက် မပေးသော ဆေးများကို အရက်နဲ့ တွဲသောက်ခြင်း ရှောင်ကြဉ်ပါ။
အချုပ်ပြောရရင် ဆေးဝါးအများစုဟာ အရက်နဲ့ အပြန်အလှန် ဓာတ်ပြုတတ်ကြပြီး မကောင်းတဲ့ ဘေးထွက်ဆိုးကျိုးကိုပဲ ပေးတတ်ကြတာများလို့ ဆေးသောက်ခြင်းနဲ့ အရက်သောက်ခြင်း နှစ်ခု တွဲလုပ်ခြင်းဟာ မသင့်ပါဘူး။ ကိုယ်သောက်နေတဲ့ ဆေးနဲ့ အရက်နဲ့ ဘယ်လို ဆက်စပ်မှုရှိသလဲ ဆိုတာ ပေးတဲ့ဆရာဝန်ကို မေးပါ။ အကြမ်းဖျင်းတော့ အရက်နဲ့ဆေးတိုင်းကို အနည်းဆုံး ၁၂ နာရီလောက် ခြားသင့်ပါတယ်။
Source:ဆက်ပိုင်လင်းခန့် (ဆေး-၂)(yatanarpon)
Read: ကိုယ်ဝန်ရှိစ ပျို့အန်သူများအတွက် ရိုးရှင်းလွယ်ကူသော ဖြေရှင်းနည်းများ