၁. ဘယ်အရွယ်ကို ခေါ်သလဲ

၃၇ ပတ်မပြည့်ခင်မွေးသော မွေးကင်းစကို တရားဝင် ခေါ်သည်။ သို့သော် ၃၆ ပတ်နှင့်မွေးသော ကလေး အများစုတွင် ပြဿနာမရှိလှပါ။

ဖွံ့ ဖြိုးပြီးနိုင်ငံများတွင် ခေတ်မီ စက်ကိရိယာ၊ နည်းပညာများသုံး၍ ၂၃ ပတ်အရွယ် စောထွက်လာသော ကလေးကို ဆရာဝန်များက အသက်ရှင်အောင် ကြိုးစားပေးနိုင်သည်။

မြန်မာနိုင်ငံတွင် ကျေးလက်တောရွာနှင့် နေရာဒေသအမျိုးမျိုးရှိ ဆေးရုံအများစုတွင် " မွေးကင်းစ အထူး ကြပ်မတ်ဆောင်" မရှိသေး၍ စောမွေးသော ကလေးကို အသက်ရှင်အောင်ကုဖို့ ကလေးဆရာဝန်အတွက် ခက်ခဲလှသည်။ အထူးသဖြင့် ၂၃ ပတ်နှင့် ၃၄ ပတ်ကြားကလေးများ အသက်ရှင်ဖို့ ခဲယဉ်းသည်။ စောလေ ခက်လေဖြစ်သည်။

လမစေ့သော မွေးကင်းစ အသက်မဆုံးရှုံးရန် အကောင်းဆုံးနည်းလမ်းက လမစေ့ဘဲ မွေးခြင်းကို ကာကွယ်ရန်ဖြစ်သည်။

READ - ကိုယ်ဝန်ဆောင်များ မွေးဖွားရလွယ်ကူစေရန် လိုက်နာသင့်သော အချက်များ

၂. စောမမွေးအောင် ကာကွယ်၍ရသော အကြောင်းရင်းများ

အချို့မိခင်များတွင် ကျန်းမာလျက်နှင့် အကြောင်းမရှိဘဲ စောမွေးတတ်သည်။ ကာကွယ်၍ မရပါ။

ကာကွယ်၍ရသောအကြောင်းရင်းများမှာ

- ကိုယ်ဝန်ဆောင်မိခင်က ကိုယ်ဝန်မအပ်ဘဲ ကျန်းမာရေး စစ်ဆေးစောင့်ရှောက်မှု မယူခဲ့ခြင်း

- ကိုယ်ဝန်ဆောင်မိခင် အာဟာရချို့တဲ့လွန်းခြင်း၊ ပိန်လွန်းခြင်း၊ ဝလွန်းခြင်း

- ကိုယ်ဝန်ဆောင်မိခင် ဆီးလမ်းကြောင်း၊ မွေးလမ်းကြောင်းနှင့် အထွေထွေကူးစက်ရောဂါများရှိလျှင် အချိန်မီ မကုသခြင်း

- ကိုယ်ဝန်ဆောင်မိခင်တွင် သွေးတိုး၊ ဆီးချိုရောဂါကို မစစ်၍ ရှိမှန်းမသိခြင်း၊ သိသော်လည်း မကုသခြင်း

- ကိုယ်ဝန်ဆောင်မိခင်တွင် စိတ်ဖိစီးမှုများခြင်း၊ စိတ်ဓာတ်ကျရောဂါရှိခြင်း၊ စိုးရိမ်ပူပန်မှု လွန်ကဲခြင်း

- ကိုယ်ဝန်ဆောင်မိခင်က ကိုယ်လက်လှုပ်ရှားမှု လွန်ကဲပြီး ခန္ဓာကိုယ် ပင်ပန်းစေသော အလုပ်များ လုပ်ရခြင်း
(အချို့မိခင်များ အသက်မွေးဝမ်းကျောင်းဖို့ လုပ်ရကြောင်း နားလည်ပါသည်။)

- ကိုယ်ဝန်ဆောင်မိခင်နား ဆေးလိပ်သောက်သူရှိခြင်း၊ မိခင်ကိုယ်တိုင် ဆေးလိပ်၊ အရက်သောက်ခြင်း

၃. ဘယ်လိုကာကွယ်မလဲ

- ကိုယ်ဝန်စရှိကတည်းက လက်မှတ်ရ သားဖွားဆရာမ (သို့) မိသားစုဆရာဝန် (သို့) သားဖွားအထူးကု ဆရာဝန်နှင့် လိုအပ်သည်များကို ပုံမှန်စစ်ဆေးကုသပါ။

- အာဟာရပြည့်ဝအောင်စားပါ။

- ဖျားခြင်း၊ နာခြင်းကို ဆေးမြီတိုနှင့် စမ်းပြီး အချိန်မဆွဲပါနှင့်။ နည်းမှန်လမ်းမှန် ကုသနိုင်သော ဆရာဝန်နှင့်ပြသပါ။

- သွေးတိုး၊ ဆီးချိုရှိမရှိ စစ်ဆေးပါ။ ရှိလျှင် ဆေးကုပါ။

- စိတ်ကျန်းမာအောင်နေထိုင်ပါ။ ခင်ပွန်း၊မိသားစုနှင့် ယုံကြည်ရသော မိတ်ဆွေများကို မကြာခဏစကားပြောပါ။ စိတ်ပိုင်းဆိုင်ရာ ခံစားမှုများပြင်းထန်လာလျှင် စိတ်ရောဂါဆရာဝန်နှင့် တိုင်ပင်ကုသပါ။

READ - ကိုယ်ဝန်သည် ခွဲမွေးခြင်းနှင့် ပတ်သက်သော လွဲမှားသည့် အယူအဆများ

Source: နေနေမိုးဆွေ (Child Health Myanmar Page)