အစာအိမ်မကောင်းသူတွေဟာ အစပ်များတဲ့အစားအစာ၊ ချဉ်လွန်းတဲ့အစာ၊ ဗိုက်ပွစေမယ့်အစာ၊ တော်ရုံအစာမကြေ အစားအစာတွေကို မစားသင့်ပါဘူး။

ယင်းကဲ့သို့ အစာတွေ စုံလွန်းတာ၊ အစာစုံသွားခြင်းကြောင့် အစာအဆိပ်သင့်တာ၊ ကဖင်းပါတဲ့ ဖျော်ရည်တွေသောက်တာ၊ အကိုက်အခဲပျောက်ဆေးကို ပုံမှန်စွဲသောက်တာ၊ အရက်သောက်တာ စတဲ့အခြေခံ အကြောင်းရင်းတွေကြောင့် အစာအိမ် ရောင်ရခြင်းဖြစ်ပါတယ်။

အစာအိမ်ရောင်နာဟာ မပြင်းထန်ဘူးဆိုရင် အစားအသောက်ကို ပြန်လည်ဂရုစိုက်ပေးရုံနဲ့ ဝေဒနာ သက်သာသွားနိုင်တယ် ဆိုပေမယ့် အစားအသောက်ကို အဖြစ်သဘောမျိုး အနည်းအကျဉ်းပြုပြင်စားသောက်လိုက်ရုံသာ မလုပ်သင့်ပါဘူး။

မိမိစားတဲ့ အစားအစာတိုင်းကို အသေးစိတ်စနစ်တကျ ဂရုစိုက်ပေးသင့်ပါတယ်။ ဥပမာအားဖြင့် အစာကြေလွယ်စေမယ့်အစာ၊ အရသာမစူးရှတဲ့အစာကိုရွေးချယ်စားရမှာဖြစ်ပြီး အစာစားတဲ့အခါမှာလည်း နည်းနည်းချင်းစီနဲ့ မကြာမကြာစားပေးရမှာဖြစ်တဲ့အပြင် ရေဓာတ်ကိုလည်း ဖြည့်ပေးဖို့လိုအပ်ပါတယ်။

ဒါကြောင့် အစာအိမ်နာနေချိန်မှာ ဘယ်လိုအစားအစာတွေကို အားပြုစားပေးသင့်လဲဆိုတာနဲ့ပတ်သက်ပြီး လေ့လာထားသင့်ပါတယ်။

၁. အရည်ကြည်

- အရည်ကြည်ဆိုရာမှာ သစ်သီးဖျော်ရည်သောက်မယ်ဆိုပါကလည်း အသီးဖတ်တွေကို စစ်ထုတ်ထားတဲ့ သစ်သီးအရည်ကြည်ကို ဆိုလိုခြင်းဖြစ်ပြီး အသီးရွေးချယ်တဲ့အခါမှာလဲ အချဉ်ဓာတ်ပြင်းတဲ့ ဖျော်ရည်တွေကို မသောက်သင့်ပါဘူး။

- သောက်ရေသန့်၊ အားကစားသမားတွေသောက်တဲ့ အချိုရည်၊ ကဖင်းမပါတဲ့ဆော်ဒါ၊ ကဖင်းဓာတ်ဖယ်ထားတဲ့ လက်ဖက်ရည် (decaffeinated tea) ကိုလည်းသောက်လို့ရပါတယ်။

- ရောဂါခံစားနေရတဲ့အချိန် 24 နာရီမှ 36 နာရီအတွင်း အရည်ကြည်တစ်မျိုးတည်းကိုသာ သောက်သင့်ပါတယ်။

READ - အစာအိမ် အက်စစ်ဓာတ်လျော့ပါးစေသော ဆေးများကြောင့် ကျောက်ကပ်ထိခိုက်ပျက်စီးနိုင်

၂. အနှစ်အရသာပြည့်ဝတဲ့အရည်

- အနည်းဆုံးတစ်ရက်လောက် အရည်ကြည်သောက်လိုက်ပြီးလို့ ခံစားနေရတဲ့ဝေဒနာကို တိုးတက်ကောင်းမွန်လာပြီ ဆိုရင် အနှစ်ပါတဲ့ အစာကို တစ်ဆင့်တိုးပြီးစားလို့ရပါတယ်။

- အနှစ်ပါတဲ့ အရည်ဆိုရာမှာ သစ်သီးဖတ်တွေကို ကြေနေအောင်ကြိတ်ခြေထားတဲ့ အသီးဖျော်ရည်၊ ကြက်စွပ်ပြုတ်ရည်၊ Cereal ကိုဆိုလိုခြင်းဖြစ်ပြီး အနှစ်သားပျော့တဲ့အသီးဖြစ်တဲ့ ငှက်ပျောသီးကိုလည်း စားလို့ရပါတယ်။

- အစာအိမ်ရောင်နာဖြစ်တဲ့သူဟာ နွားနို့နှင့် နို့ထွက်ပစ္စည်းအစားအသောက်တွေစားတဲ့အခါ ၀မ်းလျှောခြင်း (lactose intolerance) ဖြစ်နိုင်တာကြောင့် နို့ထွက်အစားအစာတွေကို တစ်ပတ်၊ နှစ်ပတ်လောက်မစားဘဲနေသင့်ပါတယ်။

၃. ပျော့ပျောင်းတဲ့ အစားအစာ

အနှစ်သာရပြည့်ဝတဲ့အရည်ကို တစ်ရက်တာ စားသောက်ပြီးနောက်မှာတော့ ပျော့ပျောင်းတဲ့အစာကို တစ်ဆင့်တိုးပြီးစားလို့ရပါတယ်။

- ထမင်းပျော့ပျော့၊ ပေါင်မုန့်မီးကင်၊ Cereal ၊ ခရက်ကာမုန့်၊ အသီးအရွက်ကြော်၊ အာလူးပြုတ်၊ အာလူးထောင်း၊ ကြက်ဥပြုတ်၊ ကြက်ဥမွှေကြော်၊ ငါး၊ ကြက် စတဲ့နူးညံ့တဲ့အစားအစာတွေကိုစားပေးသင့်ပြီး အချဉ်၊ အစပ်ပါတဲ့အစာတွေ၊ အကြော်စာတွေနဲ့ အဆီများစာတွေကို ရှောင်ကျဉ်သင့်ပါတယ်။

၎. ပုံမှန်စားနေကျအစားအစာ

- တစ်ရက်၊ နှစ်ရက်လောက်စားပြီးနောက်မှာတော့ ပုံမှန်စားနေကျအစာကို ပြန်စားလို့ရပါပြီ။ ဒါပေမယ့် အစာအိမ် ရောင်ဖူးသူဟာ မိမိစားချင်တာမှန်သမျှကို စိတ်အလိုလိုက်ပြီး စားလို့မရပါဘူး။ စားချင်တာထက် စားသင့်တာကို ဦးစားပေးဖို့ အရေးကြီးပါတယ်။

READ - အစာအိမ်ရောင်ရမ်းနေစဉ် ရှောင်ရှားရမည့် အစားအစာများ

Source: drmyanmar.com