နေ့စဉ် စားသောက်မှုတွေက နှလုံးသွေးကြော ကျန်းမာရေးအပေါ် အများကြီး သက်ရောက်နေတယ်ဆိုတာကို ကြားဖူးပြီးသား ဖြစ်မယ် ထင်ပါတယ်။ ဒါကြောင့် နှလုံး ကျန်းမာပြီး နှလုံးသွေးကြောဆိုင်ရာ ရောဂါတွေ ကင်းစေဖို့ဆိုရင် အစားအစာတွေကို သေချာလေး စိစစ် စားသုံးဖို့ လိုပါမယ်။
အစားအစာတွေကို သေချာ ဂရုစိုက် စားသောက်တာက နှလုံးသွေးကြောတွေထဲ အညှိတက်ပြီး သွေးကြောကျဉ်းတာ၊ သွေးကြောပိတ်တာတွေ အပါအဝင် နှလုံးနဲ့ ပတ်သက်တဲ့ ကျန်းမာရေး ပြဿနာတွေ မဖြစ်စေဖို့ ကာကွယ်ပေးပါတယ်။
နှလုံးသွေးကြောကျဉ်းရင် ဒါတွေကို နေ့စဉ် စားသုံးမှုမှာ မပါအောင် ရှောင်ဖို့ လိုပါမယ်။
ပြည့်ဝဆီ
ပြည့်ဝဆီက သွေးကြောထဲမှာ အနယ်အနှစ်တွေ စုပုံစေတဲ့ အဓိက အစားအသောက်တစ်ခုပါ။ ဒါကြောင့် နေ့စဉ် စားသုံးမှုမှာ ပြည့်ဝဆီ ပါဝင်မှုကို ၇ ရာခိုင်နှုန်းအောက် လျှော့ချဖို့ လိုပါမယ်။ ပြည့်ဝဆီ အဓိက ပါဝင်နေတာကတော့ တိရစ္ဆာန်ကနေရတဲ့ အစားအစာတွေပါ။ စားသုံးဆီ အချို့ကလည်း ပြည့်ဝဆီ များစွာ ပါဝင်နေတတ်ပါတယ်။
ဒါကြောင့် နှလုံးသွေးကြောကျဉ်းနေတယ်ဆိုရင် နေ့စဉ် စားသုံးမှုမှာ
အဆီပြည့်နို့
နို့ခရင်မ်
အဆီပြည့် ချိစ်
အဆီနဲ့တွဲနေတဲ့ အနီရောင် အသား
ကြက်အူချောင်း၊ ဝက်အူချောင်း၊ ဝက်ပေါင်ခြောက်ဆို့လိုမျိုး ပြုပြင်ထားတဲ့ အစားအစာတွေ
ရေခဲမုန့်
စားအုန်းဆီ၊ အုန်းဆီ
ကွတ်ကီး၊ ဒိုးနတ်စ် စတာတွေကို မစားဖို့ လိုပါမယ်။
အသွင်ပြောင်း အဆီ
အသွင်ပြောင်း အဆီက လူလုပ် အဆီ တစ်မျိုးပါ။ ဒီအဆီတွေကို များသောအားဖြင့်
အသင့်စား၊ အမြန်စား အစားအစာတွေ
ဆီကြော်စာတွေမှာ
ကိတ်မုန့်
ကွတ်ကီး
ပီဇာတွေမှာလည်း ပါဝင်ပါတယ်။
ပြောင်းဖူး ပေါက်ပေါက်တွေမှာလည်း ပါဝင်နေတတ်ပါတယ်။ တာရှည်ခံအောင် လုပ်ထားတဲ့ အစားအစာတွေထဲမှာလည်း အသွင်ပြောင်း အဆီတွေ ပါဝင်နေတတ်ပါတယ်။
Dietary cholesterol
Dietary cholesterolကတော့ အကျိုးမပြု ကိုလက်စထရော အများဆုံး ပါဝင်နေတဲ့ အဆီ တစ်မျိုးပါ။ ဒီကိုလက်စထရော အမျိုးအစားကို တိရစ္ဆာန်ကနေရတဲ့ အစားအစာတွေ၊ ဥအမျိုးမျိုး၊ အသား၊ ချိစ်တို့မှာ ပါဝင်နေပါတယ်။ ဒီအဆီ အမျိုးအစားကို တစ်နေ့တာမှာ ၂၀၀ မီလီဂရမ်ထက် လျှော့စားသင့်တယ်လို့ ကျွမ်းကျင်သူတွေက အကြံပြုထားပါတယ်။
ဒီလို အစားအသောက်တွေကို ဂရုစိုက်တာအပြင် နှလုံး သွေးကြောကျဉ်းတာ သက်သာစေဖို့နဲ့ ရောဂါပိုမဆိုးအောင် ကာကွယ်ဖို့ဆိုရင် နှလုံး ကျန်းမာစေမယ့် ဘဝနေထိုင်မှုပုံစံကို ရွေးချယ်စေချင်ပါတယ်။ ဆေးလိပ်ဖြတ်တာ၊ လေ့ကျင့်ခန်း မှန်မှန် လုပ်ဆောင်တာတွေကို လုပ်ဆောင်ပေးဖို့ လိုပါမယ်။
Hello Health Group
#Myanmar Health Products Guide
