အစာအိမ်နံရံနဲ့ အူနံရံအစိတ်အပိုင်းတချို့ တိုက်စားခံရတဲ့အခါမှာ အနာဖြစ်လာပါတယ်။
H. Pylori ဆိုတဲ့ ဘက်တီးရီးယားပိုးတစ်မျိုးကြောင့်လည်း အစာအိမ်အနာ အဖြစ်များပါတယ်။
အစာအိမ်နဲ့ အူလမ်းကြောင်း သွေးယိုစီးရတဲ့ အဖြစ်များဆုံး အကြောင်းအရင်းကတော့ အစာအိမ် အနာပါပဲ။
အကိုက်အခဲပျောက်ဆေး အလွန်အကျွံသောက်ရင်၊ နေထိုင်စားသောက်မှုပုံစံ မမှန်ရင် အစာအိမ်အနာ ဖြစ်တတ်သလို ဖြစ်ပြီးသား အနာကနေပြီးလည်း သွေးယိုစီးစေနိုင်ပါတယ်။
အကိုက်အခဲပျောက်ဆေးများ
- အကိုက်အခဲပျောက်ဆေးတွေက အစာအိမ်နံရံတွေကို ဓာတုပစ္စည်းတွေနဲ့ အခြားထိခိုက်မှုတွေကနေ ကာကွယ်ပေးနိုင်တဲ့ ဟော်မုန်းထွက်တာကို ဟန့်တားပါတယ်။
- အစာအိမ်နံရံကို အကာအကွယ် မရှိတော့တဲ့အခါ အက်ဆစ်တွေရဲ့ တိုက်စားမှုခံရပြီး ရောင်ရမ်း ခြင်းနဲ့ သွေးထွက်ခြင်းတွေ ဖြစ်စေနိုင်ပါတယ်။
- အကိုက်အခဲပျောက်ဆေး စွဲသောက်တတ်တဲ့သူတွေမှာ အစာအိမ် သွေးယိုစီးမှုဖြစ်လေ့ရှိပြီး ဆေးသောက်တဲ့ပမာဏအပေါ် မူတည်ပြီး သွေးယိုစီးနိုင်ခြေ ပိုများလာပါတယ်။
- အကိုက်အခဲပျောက်ဆေးတွေ များများနဲ့ ခဏခဏသောက်လေလေ သွေးယိုစီးမှု ပိုများလေပါပဲ။
အခြားဆေးဝါးများ
၁. ဆရာဝန် ညွှန်ကြားတဲ့ သွေးကျဲဆေးတွေနဲ့အတူ အကိုက်အခဲပျောက်ဆေးတွေပါ တွဲဖက်ပြီး သောက်သုံးသူတွေမှာ အစာအိမ် သွေးယိုစီးနိုင်ခြေ 12 ဆ ပိုများပါတယ်။
၂. အကိုက်အခဲပျောက်ဆေးတွေနဲ့ corticosteroid ဆေးတွေ တွဲသောက်ရင်လည်း အစာအိမ် သွေးယိုစီးနိုင်ခြေ 7 ဆ ပိုများပါတယ်။
အရက်
- အရက်က အစာအိမ်နံရံတွေကို ထိခိုက်စေပြီး ဒဏ်ဖြစ်စေနိုင်တဲ့အပြင် အစာအိမ်ကနေ အက်ဆစ်ထွက်တာလည်း များစေပါတယ်။
- အရက်နဲ့ အကိုက်အခဲပျောက်ဆေး တွဲသောက်ရင်လည်း အစာအိမ်အနာ သွေးယိုစီးနိုင်ခြေ ပိုများပါတယ်။
ဆေးလိပ်သောက်ခြင်း
- ဆေးရွက်ကြီးထဲမှာရှိတဲ့ နီကိုတင်းဓာတ်က အစာအိမ်အက်ဆစ်ဓာတ်ပမာဏနဲ့ ပြင်းအားကို များစေရုံသာမက အနာကျက်တာကိုလည်း နှေးစေနိုင်ပါတယ်။
- ဆေးလိပ်သောက်တဲ့သူတွေမှာ သွေးထွက်ခြင်းကဲ့သို့သော အစာအိမ်အနာရဲ့ နောက်ဆက်တွဲ ဆိုးကျိုးတွေ ပိုဖြစ်နိုင်ပါတယ်။
READ - အစာအိမ်အနာဖြစ်ရင် ဘယ်လိုရောဂါလက္ခဏာတွေ ခံစားရနိုင်သလဲ
Source: drmyanmar.com