တရုတ်ပြည်နယ်အချို့မှာ အိမ်ထောင်ပြုတာကို အားပေးတဲ့အနေနဲ့ရော ကလေးမွေးဖွားနှုန်းကို တိုးမြှင့်ချင်တာကြောင့်ရော ကြင်စဦးဇနီးမောင်နှံတွေကို ထောက်ပံ့ကြေးငွေပေးပြီး လက်ထပ်ကာလ ခွင့်ရက်ရှည်အဖြစ် ရက် (၃၀) ပေးနေပြီဖြစ်ကြောင်း ကွန်မြူနစ်ပါတီရဲ့ ပြောခွင့်ဆိုခွင့်ရှိသူတစ်ဦးက People's Daily Health ကို အင်္ဂါနေ့တွင် ပြောကြားခဲ့ပါတယ်။
တရုတ်နိုင်ငံရဲ့ လက်ထပ်ကာလအတွက် ပေးနေကျခွင့်ရက်က အနည်းဆုံး (၃) ရက်လောက်ပဲ ဖြစ်ပြီး ဖေဖော်ဝါရီလ အစပိုင်းကတည်းက ထောက်ပံ့ကြေးငွေ သတ်မှတ်ပြီး ခွင့်ရက် ရက် (၃၀) ပေးနိုင်ဖို့ စီစဉ်ဆောင်ရွက်နေခဲ့တာ ဖြစ်ပါတယ်။
ခွင့်ရက်တွေကတော့ တစ်နေရာနဲ့ တစ်နေရာ မတူဘဲ အနောက်မြောက်ပြည်နယ်ဖြစ်တဲ့ ဂန်ဆူနဲ့ ကျောက်မီးသွေးထုတ်လုပ်တဲ့ ရှန်ဇီပြည်နယ်တို့မှာ ရက် (၃၀)၊ ရှန်ဟိုင်းမှာ (၁၀) ရက်နဲ့ စီချွန်မှာ (၃) ရက်တို့ ခွင့်ရက်အသီးသီးပေးကြောင်း သိရပါတယ်။
Click Here > Bawgawadi
“လက်ထပ်ကာလ ခွင့်ရက်ကို သက်တမ်းတိုးလိုက်တာဟာ ကလေးမွေးဖွားနှုန်းကို တိုးမြင့်စေဖို့ ထိရောက်တဲ့ နည်းလမ်းတွေထဲက တစ်ခုပါ” လို့ Southwestern University of Finance and Economics က ဌာနမှူး Yang Haiyang က ပြောကြားခဲ့ပါတယ်။ နောက်တစ်ချက်ကတော့ စီးပွားရေးဖွံ့ဖြိုးတိုးတက်မှု နှေးကွေးတဲ့ ပြည်နယ်တချို့မှာ အရေးတကြီး လိုအပ်နေတဲ့ လုပ်သားအင်အား တိုးချဲ့ဖို့နဲ့ စားသုံးသူနှုန်းကို လှုံ့ဆော်ဖို့အတွက် ဖြစ်ပါတယ်။
ဒါ့အပြင် အိမ်ထောင်စု ထောက်ပံ့ရေးတွေနဲ့ အမျိုးသားတွေအတွက်လည်း အခကြေးငွေပေးတဲ့ ကလေးစောင့်ရှောက်ကာလ ခွင့်ရက်အပါအဝင် တခြား ထောက်ပံ့ရေးမူဝါဒတွေ လိုအပ်နေသေးကြောင်း မစ္စတာယန်က ပြောကြားခဲ့ပါတယ်။
မနှစ်တုန်းက တရုတ်နိုင်ငံဟာ လူအယောက် ၁,၀၀၀ မှာ ကလေးမွေးဖွားနှုန်း ၆ ဒသမ ၇၇ နဲ့ ကလေးမွေးဖွားနှုန်း အနိမ့်ဆုံးဖြစ်ခဲ့ပါတယ်။ ဒီလို မွေးဖွားနှုန်း ကျဆင်းရတဲ့ အကြောင်းပြချက်က ၁၉၈၀ ခုနှစ်ကနေ ၂၀၁၅ ခုနှစ်အတွင်း ချမှတ်ခဲ့တဲ့ “အိမ်ထောင်စုတစ်ခုမှာ ကလေးတစ်ဦးတည်း မွေးဖွားရမည်” ဆိုတဲ့ မူဝါဒကြောင့် ဖြစ်ပါတယ်။
မြန်မာနိုင်ငံမှ တရုတ်ပြည်သူ့သမ္မတနိုင်ငံသို့ သွားရောက်လိုသည့် ခရီးသည်များအနေဖြင့် ၂၀၂၀ ပြည့်နှစ် စက်တင်ဘာ ၁၄ ရက်မှ စတင်ကာ လေယာဉ်ပေါ်မတက်မီ သုံးရက်အတွင်း စစ်ဆေးထားသည့် COVID-19 ရောဂါ နျူကလိစ်အက်စစ် စစ်ဆေးမှု ကင်းရှင်းကြောင်းလက်မှတ် (COVID-19 Negative Certificates) ကို မဖြစ်မနေ ပြသရန် လိုအပ်ကြောင်း တရုတ်နိုင်ငံ လေကြောင်းပျံသန်းရေးစီမံခန့်ခွဲမှုဌာန ၊ အကောက်ခွန်အထွေထွေစီမံခန့်ခွဲရေးဌာန နှင့် တရုတ် နိုင်ငံခြားရေးဝန်ကြီးဌာနမှ ထုတ်ပြန်သော ကြေညာချက်အရ သိရသည်။
မြန်မာနိုင်ငံ COVID-19 ရောဂါ တိုက်ဖျက်ရေးလုပ်ငန်းအား ကူညီရန်အတွက် တရုတ်နိုင်ငံမှ စေလွှတ်သော အဖွဲ့ဝင် (၁၂) ဦးပါဝင်သည့် ဆေးဘက်ဆိုင်ရာကျွမ်းကျင်ပညာရှင်များအဖွဲ့သည် တာဝန်အောင်မြင်စွာ ပြီးဆုံးပြီဖြစ်၍ ဧပြီလ ၂၂ ရက်နေ့မနက်ပိုင်းတွင် ရန်ကုန်မြို့မှ ပြန်လည် ထွက်ခွာသွားခဲ့ပါသည်။
တရုတ်နိုင်ငံ ဝူဟန်မြို့မှာ ကိုရိုနာဗိုင်းရပ်စ် ကာကွယ်ဆေးအတွက် ဒုတိယအဆင့် လက်တွေ့ စမ်းသပ်ချက်ကို စေတနာ့ဝန်ထမ်းအယောက် ၅၀၀ ပါဝင် ဆေးထိုးခံရင်း စတင်လိုက်ပါတယ်။
