What's New

မကူးစက်နိုင်သော ရောဂါများကို အသံတိတ်လူသတ်သမား (Silent Killer) ဟု ခေါ်ကြသည်။ ခန္ဓာကိုယ်အတွင်း မည်သည့်အချိန်က ရောက်နေသည်ကို မသိ၊ လက္ခဏာမပြဘဲ နာတာရှည်ရောဂါအဖြစ် တဖြည်းဖြည်း ဒုက္ခပေးနေခြင်းဖြစ်ပြီး အဆိုပါ ရောဂါများကြောင့် ကမ္ဘာပေါ်တွင် နှစ်စဉ် လူ (၃၈) သန်းခန့် သေဆုံးနေကြရကြောင်း ကျန်းမာရေးဝန်ကြီးဌာနမှ သိရသည်။   ကူးစက်ရောဂါများထက် မကူးစက်နိုင်သော ရောဂါများကြောင့် သေဆုံးရခြင်းသည် ပိုမို များပြားလျက် ရှိကြောင်း ကျန်းမာရေးပညာရှင်များက ထုတ်ဖော် ပြောကြားထားသည်။    မကူးစက်နိုင်သော ရောဂါများဆိုသည်မှာ ကျန်းမာရေးနှင့် မညီညွတ်သော စားသောက်မှုနှင့် နေထိုင်မှုပုံစံများကို ကာလရှည်ကြာ ကျင့်သုံးမိခြင်းကြောင်း ဖြစ်ပေါ်လာသော ရောဂါအစုအဝေးဖြစ်ပြီး လူတစ်ယောက်မှ တစ်ယောက်သို့ မကူးစက်နိုင်သော ရောဂါများ ဖြစ်သည်။    သွေးတိုး၊ ဆီးချိုသွေးချို၊ နှလုံးသွေးကြောကျဉ်း၊ လေဖြတ်ခြင်း၊ ကင်ဆာ၊ နာတာရှည် အဆုတ်ပွ၊ လေပြွန်ကျဉ်းနှင့် ပန်းနာရင်ကျပ်၊ စိတ်ကျန်းမာရေး၊ အတက်ရောဂါ၊ နားလေးရောဂါ၊ မတော်တဆဖြစ်ခြင်းနှင့် ထိခိုက်မှုအန္တရာယ်၊ ဆေးလိပ်ဆေးရွက်ကြီးအန္တရာယ်၊ အရက်စွဲအန္တရာယ်၊ မူးယစ်ဆေးဝါးအန္တရာယ်၊ မြွေကိုက်အန္တရာယ် အစရှိသည့် ရောဂါများသည် မကူးစက်နိုင်သောရောဂါများထဲတွင် ပါဝင်သည်။    မြန်မာနိုင်ငံတွင် အဖြစ်များသော ရောဂါလေးမျိုးမှာ (၁) နှလုံးသွေးကြောရောဂါ၊ (၂) ဆီးချိုသွေးချိုရောဂါ၊ (၃) ကင်ဆာရောဂါနှင့် (၄) နာတာရှည်အဆုတ်ရောဂါတို့ ဖြစ်သည်ဟု သိရသည်။ ယင်းရောဂါများကြောင့် သေဆုံးသူဦးရေသည် ၂၀၁၉ ခုနှစ်တွင် (၇၅) ရာခိုင်နှုန်းခန့်အထိ ရောက်ရှိလာသည်ဟုလည်း ဆိုသည်။   Advertisement Click Here > Big M Enterprise Ltd   အထက်‌ဖော်ပြပါ မကူးစက်နိုင်သော ရောဂါများ ဖြစ်ပေါ်ခံစားရပါက လူနာအနေဖြင့် နာတာရှည်ရောဂါများ ခံစားရသကဲ့သို့ မိသားသည်လည်း အချိန်နှင့် ငွေကြေးများစွာ အကုန်အကျခံကာ ကုသရသဖြင့် ကြိုတင် ကာကွယ်ရေးအတွက် အသိပညာပေးခြင်းလုပ်ငန်းကို အရှိန်အဟုန်မြှင့် ဆောင်ရွက်သင့်ပေသည်။   မကူးစက်နိုင်သော ရောဂါများကို မဖြစ်မီ ကြိုတင် ကာကွယ်နိုင်ရန် လူတိုင်းအနေဖြင့် မိမိတို့၏ နေ့စဉ် အပြုအမူ သွားလာ နေထိုင် စားသောက်မှု ပုံစံများကို ကျန်းမာရေးနှင့် ညီညွတ်သော ပုံစံအဖြစ် တဖြည်းဖြည်း ပြုပြင် ပြောင်းလဲသွားရန် လိုအပ်သည်။  ချိုလွန်း၊ ငန်လွန်း၊ အဆီများလွန်းသော အစားအစာများ၊ အသင့်ထုပ်ပိုးထားသည့် အစားအစာများ၊ တိရစ္ဆာန်အဆီ၊ စားအုန်းဆီ၊ ကွမ်းနှင့် ဆေးရွက်ကြီးစားသုံးမှုများကို ရှောင်ကြဉ်ခြင်း၊  အမျှင်ဓာတ်ပါသော ဟင်းသီးဟင်းရွက်နှင့် သစ်သီးဝလံများကို များများ စားသုံးခြင်း၊ မိမိနှင့် ကိုက်ညီသည့် ကိုယ်ကာယလှုပ်ရှားမှု လေ့ကျင့်ခန်းကို နေ့စဉ် မိနစ် ၃၀ ခန့် ပုံမှန်ပြုလုပ်ခြင်း၊  ဆေးလိပ်သောက်ခြင်း၊ ကွမ်းစားဆေးငုံခြင်း၊ အရက်အလွန် အကျွံသောက်ခြင်းတို့ကို ရှောင်ကြဉ်ခြင်း၊  ခန္ဓာကိုယ်အလေးချိန်ကို ထိန်းသိမ်းခြင်း၊ နေ့စဉ် ရေ (၂) လီတာ (ရေသန့် နှစ်ဘူး)ခန့် သောက်ခြင်း၊  စိတ်သောက နည်းပါးစွာ နေထိုင်ခြင်းတို့ကို ကျန်းမာရေးနှင့် ညီညွတ်သောနေထိုင်မှုပုံစံအဖြစ် ကျန်းမာရေးပညာရှင်များက အကြံပြုထားပြီး အသက် (၄၀) နှစ်ကျော်လာပါက ဆီးချို၊ သွေးချို၊ သွေးတိုးရောဂါတို့ ဖြစ်ပွားနေမှု ရှိ၊ မရှိ ပုံမှန်စစ်ဆေးရန်လည်း တိုက်တွန်းထားသည်။   မကူးစက်နိုင်သော ရောဂါများသည် အရွယ်မတိုင်မီ သေဆုံးနိုင်သည့် ရောဂါများလည်းဖြစ်သည့်အလျောက် ကျန်းမာရေးနှင့် ညီညွတ်သော နေထိုင် စားသောက်မှုပုံစံများကို လူတိုင်း ကိုယ်စီကျင့်သုံးကာ ရောဂါမဖြစ်ခင် ကြိုတင် ကာကွယ်ထားရမည် ဖြစ်သည်။   Ref : MNP

၂၀၂၃ ခုနှစ်အတွက် ကမ္ဘာ့ကျန်းမာရေး အဖွဲ့အစည်းကြီးမှ ဖွင့်လှစ်ပို့ချပေးထားတဲ့ အခမဲ့သင်တန်းများနဲ့ မိတ်ဆက်ပေးချင်ပါတယ်။ ဒီသင်တန်းတွေဟာဆိုရင် ကျန်းမာရေးစောင့်ရှောက်မှုဆိုင်ရာ ဝန်ထမ်းများ တက်ရောက်ရန် အထူးသင့်တော်သလို ကျန်းမာရေးလိုက်စားပြီး ဗဟုသုတအဖြစ် လေ့လာမှတ်သား လိုသူများအတွက်လည်း အဆင်ပြေစေပါတယ်။   စိတ်ကျန်းမာရေး၊ အာဟာရ၊ လုပ်ငန်းခွင်ကျန်းမာရေးနှင့် ဘေးအန္တရာယ် ကင်းရှင်းရေး၊ ဆေးဝါးထိန်းချုပ်ရေး မူဝါဒ စတဲ့ အကြောင်းအရာတွေကို စုံစုံလင်လင် လေ့လာနိုင်မယ့် သင်တန်းများပဲ ဖြစ်ပါတယ်။ ဒါ့အပြင် သင်တန်းပြီးဆုံးရင်လည်း တရားဝင် WHO အသိအမှတ်ပြုလက်မှတ် (Certificate) ရရှိမှာပါ။   လုပ်ငန်းခွင်နယ်ပယ်မှာ သင့်ရဲ့ အရည်အချင်းကို မြှင့်တင်ဖို့ ကြိုးစားနေတယ်ဆိုရင်တော့ WHO ရဲ့ ဒီသင်တန်းတွေက အချိန်လည်း အများကြီးမပေးရ၊ ငွေလည်းမကုန်ပဲ တက်ရောက်နိုင်တာကြောင့် လေ့လာကြည့်ဖို့ အကြံပြုချင်ပါတယ်။   သင်တန်းနဲ့ ပတ်သက်တဲ့ အသေးစိတ် အချက်အလက်တွေကို အောက်မှာ ဖော်ပြထားပါတယ်_   WHO Free Online Courses 2023 :  သင်ကြားပို့ချပေးသော အဖွဲ့အစည်း - World Health Organization သင်ကြားပို့ချပေးသည့် ပလက်ဖောင်း - OpenWho သင်ယူရမည့်ပုံစံ - By Online တက်ရောက်နိုင်သည့် နိုင်ငံများ - မည့်သည့်နိုင်ငံမဆို တက်ရောက် လေ့လာနိုင်သည့် သင်တန်းများ Antimicrobial Resistance Clinical Management COVID-19 COVID-19 National Languages COVID-19 Vaccines Digital Health and Innovation End TB Get Social Data Healthier Populations Health Inequality Monitoring Infection Prevention and Control Integrated Disease Surveillance and Response Neglected Tropical Diseases One Health Outbreak Preparing for Pandemics Preventing Sexual Exploitation and Abuse Ready for Response Scientific and Strategic Talks on COVID-19 Universal Health Coverage သင်တန်းတက်ရောက်ခြင်းဖြင့် ဘယ်လိုအကျိုးကျေးဇူးတွေ ရရှိမှာလဲ…   စိတ်ချယုံကြည်ရသော ကျန်းမာရေးဆိုင်ရာ အချက်အလက်များကို သိရှိနိုင်ပြီး နောက်ဆုံးရ အချက်အလက်များကို သိရှိနိုင်ခြင်း လုပ်ငန်းခွင်ဆိုင်ရာ တိုးတက်မှုအတွက် အခွင့်အလမ်းကောင်းများ ရရှိနိုင်ခြင်း အွန်လိုင်းသင်တန်းဖြစ်သောကြောင့် အင်တာနက်မိရုံဖြင့် အချိန်မရွေး၊ နေရာမရွေး သင်ယူ လေ့လာနိုင်ခြင်း အခမဲ့သင်တန်းများ ဖြစ်သောကြောင့် စရိတ်စက ကုန်ကျမှု အထူးသက်သာခြင်း ကွန်ယက်ချိတ်ဆက်ခြင်းဆိုင်ရာ အခွင့်အလမ်းများ ရရှိခြင်း သင်တန်းပြီးဆုံးပါက ပြီးမြောက် အောင်မြင်ကြောင်း WHO ၏ အသိအမှတ်ပြု လက်မှတ်ရရှိခြင်း   သင်တန်းကို ဘယ်သူတွေ လျှောက်ထားလို့ရလဲ မည်သည့်နိုင်ငံသားမဆို လျှောက်ထားနိုင်ပါတယ် ပညာအရည်အချင်းကန့်သတ်ချက်မရှိပါ ဆေးဘက်ဆိုင်ရာ ဝန်ထမ်းများအထူးလျှောက်ထားရန်သင့်တော်ပါသည်   ဘယ်လိုလျှောက်ထားကြမလဲ   အောက်မှာ ပေးထားတဲ့လင့်ခ်ကနေ ကိုယ်တက်ချင်တဲ့ သင်တန်းကိုရှာပါ။ သင်တန်းနဲ့ ပတ်သက်တဲ့ အကြောင်းအရာ အကျဥ်းချုပ်၊ သင်တန်းရဲ့ ရည်ရွယ်ချက်၊ ပေးထားတဲ့ အချက်အလက်တွေကို သေချာလေး ဖတ်ကြည့်စေချင်ပါတယ်။ အင်တာနက်လိုင်းကောင်းဖို့လည်း လိုအပ်ပါတယ်။    သင့်မှာ သင်တန်းတက်ဖို့အတွက် အကောင့်မရှိသေးဘူးဆို WHO ရဲ့ Official Website မှာ အကောင့်အရင်ဖွင့်ဖို့ လိုအပ်ပါတယ်။ Website Link ကို အောက်မှာ ပေးထားပါတယ်။ အကောင့်ရပြီဆိုရင်တော့ ကိုယ်တက်ချင်တဲ့ သင်တန်းကို စာရင်းပေးသွင်းပြီး တက်ရောက်နိုင်ပါပြီ။    Application Link  > https://openwho.org/account/new   WHO Website Official Link  > https://openwho.org/

ပေါင် ၂၀ လျှော့ချနိုင်ခဲ့တဲ့ အီလွန်မတ်စ်လို ဝိတ်ချဖို့ ပြတ်တောင်းပြတ်တောင်း အစာမစားခြင်းမှ ရနိုင်သော အကျိုးကျေးဇူးများ

ရန်ကုန်မြို့မှာ IQAir ရဲ့ ထုတ်ပြန်ချက်အရ မတ်လ (၁၀) ရက်ကနေ (၁၂) ရက်အတွင်း လေထုညစ်ညမ်းမှု ညွှန်းကိန်း 169 AQI အထိ မြင့်တက်ခဲ့ပါတယ်။ မနက်တိုင်း မြူဆိုင်းနေတာလို့ ထင်ကြပေမယ့် တကယ်တမ်း လေထု ညစ်ညမ်းမှုကြောင့် ကောင်းကင်မှာ အရောင်ပြောင်းနေခဲ့တာ ဖြစ်နိုင်ပါတယ်။   ဒီလေထုညွှန်းကိန်းဟာ မြို့မှာ နေထိုင်သူ လူတိုင်းရဲ့ ကျန်းမာရေးကို ထိခိုက်စေနိုင်တဲ့ အန္တရာယ်ရှိ အနီရောင်အဆင့် အခြေအနေတစ်ခုလို့ ကမ္ဘာ့ကျန်းမာရေး အဖွဲ့အစည်း ( WHO ) ကလည်း ကြေညာထားတာကို တွေ့ရပါတယ်။    မိုးလေဝသနှင့် ဇလဗေဒ ညွှန်ကြားမှု ဦးစီးဌာနရဲ့ ကြေညာချက်အရ မတ်လ (၁၃) ရက်နေ့ကနေ (၁၅) ရက်နေ့အထိ ရန်ကုန်အပါအဝင် တခြားသော ပြည်နယ်နဲ့ တိုင်းတွေမှာ နေရာကွက်ကြား မိုးရွာသွန်းမယ်လို့ ခန့်မှန်းထားကြပါတယ်။   မိုးရွာသွန်းခြင်းအားဖြင့် ရန်ကုန်ရဲ့ လေထုညစ်ညမ်းမှု ညွှန်းကိန်းဟာ ပြန်လည် လျော့ကျလာမယ်လို့ မျှော်လင့်ရပြီး IQAir ရဲ့ ထုတ်ပြန်ချက်မှာလည်း ဒီနေ့ မတ်လ (၁၃) ရက်နေ့မှာ 132 AQI, မတ်လ (၁၄) ရက်နေ့မှာ 139 AQI, မတ်လ (၁၅) ရက်နေ့မှာ 124 AQI, (၁၆) ရက်နေ့မှာ 116 AQI, (၁၇) ရက်နေ့မှာ 130 AQI, (၁၈) ရက်နေ့နဲ့ (၁၉) ရက်နေ့မှာ 113 AQI စသဖြင့် လျော့ကျလာမယ်လို့ ဖော်ပြထားပါတယ်။   ဒါပေမယ့် ဒီညွှန်းကိန်းတွေဟာလည်း လိမ္မော်ရောင်အဆင့် ဖြစ်နေသေးတာမို့ လူတိုင်းအတွက် မဟုတ်ပေမယ့် တချို့လူကြီးပိုင်းတွေနဲ့ ကျန်းမာရေး သိပ်မကောင်းသူတွေအတွက်တော့ အန္တရာယ် များနေဆဲ ဖြစ်ပါတယ်။   Advertisement Click Here > Lat War (TSM)   ကမ္ဘာ့ကျန်းမာရေး အဖွဲ့အစည်း ( WHO ) ရဲ့ ကြေညာချက်အရ… AQI 50 အောက် ( အစိမ်းရောင်အဆင့် ) AQI 51-100 ကြား ( အဝါရောင်အဆင့် ) AQI 101-150 ကြား ( လိမ္မော်ရောင်အဆင့် ) AQI 151- 200 ကြား ( အနီရောင်အဆင့် ) AQI 201- 300 ကြား ( ခရမ်းရောင်အဆင့် ) AQI 301 အထက် ( ကြက်သွေးရောင်အဆင့် ) လို့ သတ်မှတ်ထားပါတယ်။   လေထု သန့်စင်ပေးတဲ့ အပင် (၁၀) မျိုး > https://bit.ly/424hJuq   AQI 50 အောက် ညွှန်းကိန်းဟာ လူတိုင်းအတွက် အထူးကောင်းမွန်တဲ့ လေထုဖြစ်ပြီး AQI 51-100 ကြားထိ သင့်တင့် ကောင်းမွန်သေးတဲ့ လေထု ဖြစ်ပါတယ်။ AQI 101-150 ကြားဆိုရင်တော့ တချို့သောသူတွေအတွက် သိပ်မကောင်းတဲ့ လေထု ဖြစ်လာပါပြီ။   AQI 151- 200 လောက်ထိ ညွှန်းကိန်းရောက်ရှိလာပြီဆိုရင်တော့ ဒါဟာ လူတိုင်းအတွက် ကျန်းမာရေးကို စတင် ထိခိုက်လာနိုင်တဲ့ လေထု ဖြစ်ပါတယ်။ AQI 201- 300 ကြားဆိုရင်တော့ တော်တော်လေးကို ထိခိုက်နိုင်တဲ့ အဆင့်ကို ရောက်ရှိပါပြီ။   တကယ်လို့ လေထုညွှန်းကိန်းဟာ AQI 301 နဲ့အထက်ကို ရောက်ရှိလာပြီဆိုရင်တော့ အန္တရာယ်အဆင့်ပါ။ တချို့သူတွေ အသက်သေဆုံးနိုင်တဲ့အထိ ဖြစ်လာနိုင်လို့ နိုင်ငံရဲ့ အရေးပေါ်အဆင့် သတ်မှတ်ပြီး ဂရုစိုက်ရမယ့် အနေအထား ဖြစ်ပါတယ်။   အဲယားကွန်း အရောင်းနှင့် ပြုပြင်ရေး  (၉၀၂) ခု > https://bit.ly/3YJCLM7   လက်ရှိမှာ ရန်ကုန်ဟာ မြန်မာတစ်နိုင်ငံလုံးမှာ လေထုညစ်ညမ်းမှု အဆင့် (၁) နေရာမှာ ရှိနေပြီး မြို့ရဲ့ လေထုအရည်အသွေးဟာ လိုအပ်တာထက် တဖြည်းဖြည်း နည်းပါးလာနေတာကြောင့် မြို့နေလူထုရဲ့ ကျန်းမာရေးကို ထိခိုက်လာစေနိုင်ပါတယ်။   လေထုညစ်ညမ်းမှုကို ကာကွယ်ဖို့အတွက် Mask တပ်တာ၊ လေထုသန့်စင်စက် တပ်ဆင်တာ၊ Air Freshener ဖြန်းတာ၊ ပြတင်းပေါက် ပိတ်တာတွေ ပြုလုပ်သင့်ပြီး အပြင်ထွက် လေ့ကျင့်ခန်း လုပ်တာမျိုးတွေကို တတ်နိုင်သလောက် လျှော့ချသင့်ပါတယ်။   Air Freshener အရောင်းဆိုင် (၁၇) ခု ရှာရန် > Air Fresheners   ကမ္ဘာပေါ်မှာ လေထုညွှန်းကိန်း ကြက်သွေးရောင်အဆင့် ရောက်ရှိတဲ့ နိုင်ငံနဲ့ မြို့တွေ မရှိသေးပေမယ့် ခရမ်းရောင်အဆင့် ရောက်နေတဲ့ နိုင်ငံတွေတော့ ရှိလာပါပြီ။ အဲဒီနိုင်ငံတွေကတော့ အိန္ဒိယနိုင်ငံ၊ ဒေလီမြို့ ( 225 AQI ) နဲ့ ပါကစ္စတန်နိုင်ငံ၊ လာဟိုးမြို့ ( 203 AQI ) တို့ပဲ ဖြစ်ပါတယ်။     တခြား မတ်လ (၁၃) ရက်နေ့ လေထုတိုင်းတာချက်များအရ ကမ္ဘာ့လေထုအညစ်ညမ်းဆုံး ဖြစ်နေတဲ့ နိုင်ငံတွေနဲ့ မြို့တွေကိုလည်း အောက်မှာ ဖော်ပြပေးထားပါတယ်။   အနီရောင်အဆင့် နီပေါနိုင်ငံ၊ ခတ္တမန္ဒူမြို့ ( 185 AQI )  အိန္ဒိယနိုင်ငံ၊ မွန်ဘိုင်းမြို့ ( 179 AQI )  ပါကစ္စတန်နိုင်ငံ၊ ကရာချိမြို့ ( 176 AQI )  အိန္ဒိယနိုင်ငံ၊ ကာလကတ္တားမြို့ ( 162 AQI )  ထိုင်းနိုင်ငံ၊ ချင်းမိုင်မြို့ ( 159 AQI )  ဘင်္ဂလားဒေ့ရှ်၊ ဒါကာမြို့ ( 154 AQI )  ဂါနာနိုင်ငံ၊ အက်ကရာမြို့ ( 152 AQI )  အင်ဒိုနီးရှားနိုင်ငံ၊ ဂျာကာတာမြို့ ( 152 AQI )    Advertisement Click Here > Myat Noe Lay Co., Ltd.   လေထုညစ်ညမ်းမှုညွှန်းကိန်း ခရမ်းရောင်နဲ့ အနီရောင် အဆင့်တွေထဲမှာ အိန္ဒိယနိုင်ငံက မြို့ (၃) မြို့နဲ့ ပါကစ္စတန်နိုင်ငံက မြို့ (၂) မြို့ထိ ပါဝင်နေပြီး တခြားနိုင်ငံတွေကတော့ တစ်မြို့စီ ပါဝင်နေတာကို တွေ့ရပါတယ်။   လိမ္မော်ရောင်အဆင့် ဟောင်ကောင် SAR ( 141 AQI )  အီရတ်နိုင်ငံ၊ ဘဂ္ဂဒက်မြို့ ( 134 AQI )  မြန်မာနိုင်ငံ၊ ရန်ကုန်မြို့ ( 132 AQI ) တရုတ်နိုင်ငံ၊ ရှန်ယမ်းမြို့ ( 132 AQI )  မွန်ဂိုလီးယားနိုင်ငံ၊ အူလန်ဘာတာမြို့ ( 125 AQI )  ဗီယက်နမ်နိုင်ငံ၊ ဟိုချီမင်းမြို့ ( 120 AQI )  ထိုင်ဝမ်နိုင်ငံ၊ Kaohsiung မြို့ ( 119 AQI )  ကာတာနိုင်ငံ၊ ဒိုဟာမြို့ ( 117 AQI )  ဆော်ဒီအာရေဗျနိုင်ငံ၊ ရီယာ့ဒ်မြို့ ( 114 AQI )  ဗီယက်နမ်နိုင်ငံ၊ ဟနွိုင်းမြို့ ( 112 AQI )  တရုတ်နိုင်ငံ၊ ဟန်ကျိုးမြို့ ( 112 AQI )  တရုတ်နိုင်ငံ၊ ကွမ်ကျိုးမြို့ ( 110 AQI )  တရုတ်နိုင်ငံ၊ ရှန်ကျန်းမြို့ ( 107 AQI )    အိမ်ထဲမှာ လေထုသန့်စင်အောင် ဘယ်လို ပြင်ဆင်သင့်လဲ? > https://bit.ly/3Tilzft   အပေါ်မှာ ဖော်ပြထားတဲ့ နိုင်ငံနဲ့ မြို့တွေမှာ ကျန်းမာရေးအတွက် မကောင်းမွန်တဲ့ လေထုညစ်ညမ်းမှု အများဆုံး ရှိနေတာ ဖြစ်ပြီး ဒီစာရင်းထဲမှာဆိုရင် ရန်ကုန်မြို့ဟာ တစ်ကမ္ဘာလုံးရဲ့ အဆင့် (၁၃) နေရာကို ရောက်ရှိနေတာကို မြင်တွေ့ရပါလိမ့်မယ်။    ရန်ကုန်က မြို့နယ်တွေရဲ့ လေထုညွှန်းကိန်းများ ကြည့်ရန်   IQAir ရဲ့  ကောက်ယူ ခန့်မှန်းထားတဲ့ စာရင်းအရ သြစတြေးလျနိုင်ငံမှာရှိတဲ့ ကင်ဘာရာမြို့ဟာ လေထုညစ်ညမ်းမှု လုံးဝ မရှိဘူးလို့ သိရပါတယ်။ 0 AQI ဆိုတော့ မြို့နေလူထုအနေနဲ့ လေကောင်းလေသန့်ကို အချိန်တိုင်း နေရာတိုင်း ရှုရှိုက်နေရပြီး ကျန်းမာရေးအတွက် ကောင်းမွန်စေမှာပဲ ဖြစ်ပါတယ်။   အမေရိကန်နိုင်ငံ ဆန်ဖရန်စစ္စကိုမြို့၊ သြစတြေးလျနိုင်ငံ ဆစ်ဒနီမြို့၊ နော်‌ဝေနိုင်ငံ၊ အိုစလိုမြို့၊ ဗြိတိန်နိုင်ငံ နယူးယောက်မြို့၊ ကနေဒါနိုင်ငံ ဗန်ကူးဗာဘီစီမြို့နဲ့ ဘယ်လ်ဂျီယံနိုင်ငံ ဘရပ်ဆဲလ်မြို့တွေဟာလည်း လေထုညွှန်းကိန်း 10 AQI အောက်ပဲ ရှိတာကြောင့် အကောင်းဆုံးလေထုတွေကို ပိုင်ဆိုင်ထားပါတယ်။   ကျန်းမာရေးအတွက် သင့်တင့် ကောင်းမွန်တဲ့ လေထုညွှန်းကိန်း အဝါရောင်အဆင့်နဲ့ အစိမ်းရောင်အဆင့် နိုင်ငံနဲ့ မြို့တွေကို အောက်ကလင့်ခ်မှာ ဆက်လက် ကြည့်ရှု လေ့လာနိုင်ပါတယ်။ > https://www.iqair.com/world-air-quality-ranking   ရန်ကုန်အနေနဲ့ မြို့နေလူထုရဲ့ ကျန်းမာရေးအတွက် မသင့်တော်တဲ့ လေထုအရည်အသွေး ရှိနေတာကြောင့် လေထုညစ်ညမ်းမှုကို လျှော့ချနိုင်ဖို့အတွက် မြို့တွင်းမှာ လေထုသန့်စင်မှုတွေ အများအပြား လုပ်ဆောင်ဖို့ လိုအပ်နေပါပြီ။   Su Mon Oo Ref : IQ Air 

ခေါင်းကိုက်ပျောက်ဆေး ကော်ဖီ

လူတွေရဲ့ နေ့စဉ်ဘ၀မှာ အပျော်ပဲဖြစ်ဖြစ်၊ စာလေ့လာဖို့ပဲဖြစ်ဖြစ်၊ အလုပ်ကိစ္စအတွက်ပဲဖြစ်ဖြစ် ဖုန်းတွေ၊ ကွန်ပျူတာတွေ၊ လပ်တော့တွေ၊ အိုင်ပတ်တွေကို အသုံးပြုတဲ့အချိန်က များလာကြပါတယ်။ ဒီလို Screen-time များလာတဲ့အခါမှာ မျက်စိစပ်တာ၊ မျက်ရည်ကျတာ၊  မျက်ရိုးကိုက်တာ၊ အမြင်အာရုံဝေဝါးတာ စသဖြင့် မျက်လုံးအတွက် ထိခိုက်မှုတွေ ဖြစ်လာတတ်ပါတယ်။  ဒါကြောင့် Screen-time များတဲ့သူတွေ ပုံမှန်လုပ်ပေးသင့်ပြီး မျက်မှန်တပ်ရတဲ့သူတွေလည်း ဒီထက်ပါဝါ မတိုးလာဖို့ လုပ်ပေးသင့်တဲ့ မျက်လုံးလေ့ကျင့်ခန်း (၆) မျိုးကို ဖော်ပြပေးလိုက်ပါတယ်။ (၁) Eyes Rotation သက်သောင့်သက်သာ အနေအထားနဲ့ ထိုင်ပြီး မျက်လုံးအတွင်းထဲက မျက်ဆံကို အပေါ်၊ အောက်၊ ဘယ်၊ ညာ ၅ စက္ကန့် (သို့) သုံးကြိမ်လောက် လှုပ်ရှားပေးလိုက်ရင် မျက်လုံးအညောင်းပြေစေပါတယ်။ (၂) Get Palming လက်ဖဝါး နှစ်ဖက်ကို ခပ်နွေးနွေးလေး ဖြစ်အောင် ပွတ်ပြီး မျက်လုံးပေါ်မှာ အုပ်ထားတာက မျက်လုံးတဝိုက်က ကြွက်သားတွေကို ပြေလျော့စေပြီး မျက်လုံးညောင်းတာကို သက်သာစေနိုင်ပါတယ်။ ဒီလို အုပ်ထားချိန်မှာ အပူရှိန် လျော့သွားတဲ့အထိ မျက်လုံးကို အုပ်ထားရပါမယ်။ ၅ မိနစ်ကြာအောင် အုပ်ထားပြီး အသက်ကိုလည်း မှန်မှန် ရှူနေဖို့ လိုပါမယ်။      Advertisement Click Here > Htun Tauk (၃) 20-20-20 Rule ဒီလေ့ကျင့်ခန်းလေးကတော့ အရမ်းကို ရိုးရှင်းလွယ်ကူပါတယ်။ သူက Screen-time မိနစ် ၂၀ ကြာတဲ့အခါ ပေ ၂၀ အကွာက မြင်ကွင်းတစ်ခုခုကို စက္ကန့် ၂၀ လောက် ကြည့်ပေးတာပဲ ဖြစ်ပါတယ်။ ဒီလို လုပ်ပေးခြင်းအားဖြင့် Screen-time တောက်လျှောက်ကြည့်ခြင်းကို လျှော့ချပေးတဲ့အပြင် မျက်လုံးကိုလည်း အနားပေးပြီးသား ဖြစ်သွားပါတယ်။ (၄) Blinking ကွန်ပျူတာတွေ၊ ဖုန်းတွေကို အချိန်အကြာကြီး အာရုံစိုက် ကြည့်ရတဲ့အခါမှာ မျက်လုံးက အလိုအလျောက် ခမ်းခြောက်လာတတ်ပါတယ်။ ဒါကြောင့် မျက်တောင်ခတ်ပေးခြင်းဖြင့် မျက်လုံးခြောက်တာကို သက်သာစေပါတယ်။မျက်တောင်ကို ဖြည်းဖြည်းချင်း ခတ်ရပါမယ်။ ဒီလေ့ကျင့်ခန်းကို လုပ်တဲ့အခါ မျက်လုံးကို ၂ စက္ကန့်လောက် ပိတ်ထားပြီးမှာ ပြန်ဖွင့်ပေးပါ။ ပြီးရင် ပြန်ပိတ်ပါ။ ဒီလိုမျိုး ၁၀ ကြိမ်ကနေ ၁၅ ကြိမ်လောက် လုပ်ပေးပါ။ (၅) Pencil Push-Ups Pencil Push-Ups လုပ်တာက အနီးမှုန်တဲ့သူတွေအတွက် အထူးသင့်တော်ပါတယ်။ ခဲတံကို အသုံးပြုကြတာ များပေမယ့် ခဲတံမဟုတ်တဲ့ တခြားအရာဝတ္ထု တစ်ခုခုကိုလည်း အသုံးပြုပေးလို့ ရပါတယ်။ အရင်ဆုံး ခဲတံကို ဖြည်းဖြည်းချင်း နှာဖျားဆီကို ရွှေ့ပါ။ ပြီးရင် လက်မောင်း တစ်ဆန့်စာကို ရွှေ့ပေးပါ။ ပြီးရင် နှာဖျားဆီကို ပြန်ရွှေ့ပါ။ ဒီလိုမျိုး နီးလိုက် ဝေးလိုက် လုပ်ပေးပါ။ ခဲတံအပေါ်မှာပဲ အကြည့်ကို ထားဖို့တော့ လိုပါမယ်။ ၅ ကြိမ်ကနေ ၇ ကြိမ်လောက် လုပ်ပေးပါ။ (၆) Near And Far Focus မျက်လုံး ကြွက်သားတွေ တင်းနေတာ ပြေလျော့စေဖို့နဲ့ အာရုံစူးစိုက်မှု ကောင်းစေဖို့အတွက် လုပ်ဆောင်ပေးရတဲ့ မျက်လုံး လေ့ကျင့်ခန်းပါ။ လက်မကို မျက်နှာနဲ့ ၁၀ လက်မ အကွာမှာ ထားပါ။ အဲ့လက်မအပေါ်ကို ၁၅ စက္ကန့် အာရုံစိုက်ထားပါ။ ပြီးရင် ပေ ၂၀ မှာ ရှိတဲ့ အရာတစ်ခုကို စိုက်ကြည့်ပေးပါ။ ပြီးရင် ဒီထက်အဝေးမှာ ရှိတဲ့ ပစ္စည်းတစ်ခုခုကို ၁၅ စက္ကန့် အာရုံစိုက် ကြည့်ထားပါ။ ဒီလိုမျိုး ၅ ကြိမ်ကနေ ၇ ကြိမ်လောက် လုပ်ပေးပါ။ မျက်လုံးလေ့ကျင့်ခန်းတွေ လုပ်ပေးခြင်းဖြင့် အမြင်အာရုံကြည်လင်ခြင်း၊ မျက်လုံးကြွက်သားသန်မာခြင်း၊ မျက်လုံးခြောက်တာ သက်သာခြင်း၊ မျက်စိအားကောင်းခြင်း စတဲ့ အကျိုးကျေးဇူးတွေ ရရှိနိုင်တာကြောင့် လွယ်ကူရိုးရှင်းတဲ့ မျက်လုံးလေ့ကျင့်ခန်းတွေကို အပေါ်မှာ မျှဝေပေးထားတဲ့ နည်းလမ်းအတိုင်း အချိန်အနည်းငယ်ပေးပြီး နေ့စဉ်ပုံမှန် လုပ်ဆောင်သင့်ပါတယ်။

တရုတ်ပြည်နယ်အချို့မှာ အိမ်ထောင်ပြုတာကို အားပေးတဲ့အနေနဲ့ရော ကလေးမွေးဖွားနှုန်းကို တိုးမြှင့်ချင်တာကြောင့်ရော ကြင်စဦးဇနီးမောင်နှံတွေကို ထောက်ပံ့ကြေးငွေပေးပြီး လက်ထပ်ကာလ ခွင့်ရက်ရှည်အဖြစ် ရက် (၃၀) ပေးနေပြီဖြစ်ကြောင်း ကွန်မြူနစ်ပါတီရဲ့ ပြောခွင့်ဆိုခွင့်ရှိသူတစ်ဦးက People's Daily Health ကို အင်္ဂါနေ့တွင် ပြောကြားခဲ့ပါတယ်။ တရုတ်နိုင်ငံရဲ့ လက်ထပ်ကာလအတွက် ပေးနေကျခွင့်ရက်က အနည်းဆုံး (၃) ရက်လောက်ပဲ ဖြစ်ပြီး ဖေဖော်ဝါရီလ အစပိုင်းကတည်းက ထောက်ပံ့ကြေးငွေ သတ်မှတ်ပြီး ခွင့်ရက် ရက် (၃၀) ပေးနိုင်ဖို့ စီစဉ်ဆောင်ရွက်နေခဲ့တာ ဖြစ်ပါတယ်။  ခွင့်ရက်တွေကတော့ တစ်နေရာနဲ့ တစ်နေရာ မတူဘဲ အနောက်မြောက်ပြည်နယ်ဖြစ်တဲ့ ဂန်ဆူနဲ့ ကျောက်မီးသွေးထုတ်လုပ်တဲ့ ရှန်ဇီပြည်နယ်တို့မှာ ရက် (၃၀)၊ ရှန်ဟိုင်းမှာ (၁၀) ရက်နဲ့ စီချွန်မှာ (၃) ရက်တို့ ခွင့်ရက်အသီးသီးပေးကြောင်း သိရပါတယ်။      Advertisement Click Here > Bawgawadi “လက်ထပ်ကာလ ခွင့်ရက်ကို သက်တမ်းတိုးလိုက်တာဟာ ကလေးမွေးဖွားနှုန်းကို တိုးမြင့်စေဖို့ ထိရောက်တဲ့ နည်းလမ်းတွေထဲက တစ်ခုပါ” လို့ Southwestern University of Finance and Economics က ဌာနမှူး Yang Haiyang က ပြောကြားခဲ့ပါတယ်။ နောက်တစ်ချက်ကတော့ စီးပွားရေးဖွံ့ဖြိုးတိုးတက်မှု နှေးကွေးတဲ့ ပြည်နယ်တချို့မှာ အရေးတကြီး လိုအပ်နေတဲ့ လုပ်သားအင်အား တိုးချဲ့ဖို့နဲ့ စားသုံးသူနှုန်းကို လှုံ့ဆော်ဖို့အတွက် ဖြစ်ပါတယ်။ ဒါ့အပြင် အိမ်ထောင်စု ထောက်ပံ့ရေးတွေနဲ့ အမျိုးသားတွေအတွက်လည်း အခကြေးငွေပေးတဲ့ ကလေးစောင့်ရှောက်ကာလ ခွင့်ရက်အပါအဝင် တခြား ထောက်ပံ့ရေးမူဝါဒတွေ လိုအပ်နေသေးကြောင်း မစ္စတာယန်က ပြောကြားခဲ့ပါတယ်။ မနှစ်တုန်းက တရုတ်နိုင်ငံဟာ လူအယောက် ၁,၀၀၀ မှာ ကလေးမွေးဖွားနှုန်း ၆ ဒသမ ၇၇ နဲ့ ကလေးမွေးဖွားနှုန်း အနိမ့်ဆုံးဖြစ်ခဲ့ပါတယ်။ ဒီလို မွေးဖွားနှုန်း ကျဆင်းရတဲ့ အကြောင်းပြချက်က ၁၉၈၀ ခုနှစ်ကနေ ၂၀၁၅ ခုနှစ်အတွင်း ချမှတ်ခဲ့တဲ့  “အိမ်ထောင်စုတစ်ခုမှာ ကလေးတစ်ဦးတည်း မွေးဖွားရမည်” ဆိုတဲ့ မူဝါဒကြောင့် ဖြစ်ပါတယ်။  

ခါးဆိုတာ ခန္ဓာကိုယ်ရဲ့ အလယ်ပိုင်းမှာ ရှိပြီး လှုပ်ရှားမှုတွေအတွက် အကောင်းဆုံး ဟန်ချက်ထိန်းပေးတဲ့ အစိတ်အပိုင်းဖြစ်ပါတယ်။ ခါးနာနေတဲ့အခါမှာ သွက်သွက်လက်လက် လှုပ်ရှားဖို့မပြောနဲ့ လှဲနေရာကနေ ထဖို့တော့ မလွယ်ကူပါဘူး။  ဘယ်လိုအကြောင်းအရင်းတွေကြောင့် ခါးနာနိုင်လဲ? ရုတ်တရက် ခါးနာတာနဲ့ ရောဂါကြောင့် ခါးနာတာက မတူပါဘူး။ ရုတ်တရက် ခါးနာတယ်ဆိုတာ အလေးအပင်မလို့၊ အထိုင်များလို့၊ ကိုယ်ဟန်အနေအထား ဟန်ချက်မမှန်ဘဲ ကုန်းလိုက်တာမျိုး၊ လှည့်လိုက်တာမျိုးတွေ၊ လေ့ကျင့်ခန်း အပြင်းအထန် လုပ်တာမျိုးတွေကြာင့် ဖြစ်တတ်ပါတယ်။ ဒီလို ရုတ်တရက် ခါးနာတာမျိုးကတော့ ဆေးရုံ၊ ဆေးခန်းသွားစရာမလိုဘဲ အိမ်မှာ ဆေးသောက်ပြီး အောက်မှာ ပြောပြသွားမယ့် လေ့ကျင့်ခန်းလေးတွေကို လုပ်ပေးလိုက်ရင် အချိန်သိပ်မကြာခင်မှာပဲ သက်သာသွားနိုင်ပါတယ်။ (၁) Supine Bridge - ကြမ်းပြင်ပေါ်မှာ သက်သောင့်သက်သာ လှဲနေလိုက်ပါ။ - ဒူးနှစ်ဖက်ကို ထောင်ထားပြီး ခြေဖဝါးတွေကို ကြမ်းပြင်မှာ ထိထားပါ။ - လက်နှစ်ဖက်ကို ဘေးမှာချပြီး ဆန့်ဆန့်ထားပါ။ - ပြီးရင်တော့ ပခုံးနဲ့ ခြေထောက်တွေကို အားပြုလို့ ခန္ဓာကိုယ်ကို ကြမ်းပြင်ကနေ ၁၀ စက္ကန့်ကနေ ၁၅ စက္ကန့်လောက်အထိ ကြွထားပါ။ - ပြီးရင် ခန္ဓာကိုယ်ကို ကြမ်းပြင်နဲ့ ပြန်ထိပါ။ - တစ်ခါကို ၅ ကြိမ်နှုန်းနဲ့ ၃ ခါခွဲ လုပ်ပေးပါ။ - တစ်ခါနဲ့ တစ်ခါကြားမှာ ၁ မိနစ်လောက် နားပေးပါ။ (၂) Drawing-in Maneuver  - ကြမ်းပြင်ပေါ်မှာ သက်သောင့်သက်သာ လှဲနေလိုက်ပါ။ - ဒူးနှစ်ဖက်ကို ထောင်ထားပြီး ခြေဖဝါးတွေကို ကြမ်းပြင်မှာ ထိထားပါ။ - လက်နှစ်ဘက်ကို ခန္ဓာကိုယ် ဘေးဘက်မှာ သက်သောင့်သက်သာ ချထားပေးပါ။ - ဝမ်းဗိုက်ကြွက်သားတွေကို အဓိက အသုံးပြုပြီး လေကို ရှူသွင်း၊ ရှူထုတ်လုပ်ပါ။ - လေရှူသွင်းပြီးချိန်မှာ ၅ စက္ကန့်လောက် အောင့်ထားပေးပါ။ - ဒီလိုမျိုး ၅ ကြိမ် လုပ်ပေးပါ။ (၃) Lying lateral leg raises - ဘေးတစောင်း အနေထား လှဲလိုက်ပါ။ - ခါးထောက်လျက် အနေအထားနဲ့ ခြေထောက်တစ်ဖက်ကို မြှောက်ပါ။ - ကျန်တဲ့ ခန္ဓာကိုယ် အစိတ်အပိုင်းတွေကို ငြိမ်နေအောင် ထားပေးပါ။ - ခြေထောက်ကို ၂ စက္ကန့်ကြာအောင် မြှောက်ထားပေးပါ။ - ၁၀ ကြိမ်လောက် လုပ်ပေးပါ။ - တစ်ဖက်ပြီး တစ်ဖက်လုပ်ပါ။ (၄) Bird dog - ပုံပါအတိုင်း လက်နှစ်ဖက်၊ ခြေထောက်နှစ်ဖက်ကို ကြမ်းပြင်ပေါ်မှာ ထားပါ။ - ညာလက်ကို ဆန့်ထုတ်ပြီး ဘယ်ခြေကို မြှောက်ပါ။ - ပြီးရင် ဘယ်လက်ကို ဆန့်ထုတ်ပြီး ညာခြေကို မြှောက်ထားပါ။ - တစ်ဖက်ပြီး တစ်ဖက်ကို ၁၀ ခေါက်စီလောက် လုပ်ပေးပါ။      Advertisement Click Here > Baho       (၅) Supermans  - ကြမ်းပြင်ပေါ်မှာ မှောက်လိုက်ပါ။ - လက်တွေကို အပေါ်ဘက်ကို ဆန့်ထုတ်လို့ ခြေထောက်ကိုလည်း ဆန့်နိုင်သမျှ ဆန့်ထားပါ။ - ဗိုက်ကြွက်သားကို အားပြုပြီး ခန္ဓာကိုယ်ကို ကြမ်းပြင်ကနေ ကြွနိုင်သမျှ ကြွပါ။ - ၂ စက္ကန့်လောက် ထိန်းထားပေးပါ။ - ပြီးရင် ပုံမှန်အနေအထားနဲ့ ပြန်နေပါ။ - ၁၀ ကြိမ်လောက် လုပ်ပေးပါ။ (၆) Child Pose - ပုံထဲကလိုမျိုး အနေအထားအတိုင်း စက္ကန့်  ၂၀ ကနေ ၃၀ အထိ နေပါ။  - ၃ ကြိမ်လောက် လုပ်ပေးပါ။ (၇) Knee-to -Chest - Stretch - ကြမ်းပြင်ပေါ်မှာ သက်သောင့်သက်သာ လှဲနေလိုက်ပါ။ - ဒူးကွေးပြီး လက်နဲ့ ရင်ဘတ်နားထိ ဆွဲယူပါ။ - ပုံပါအနေအထားမျိုး စက္ကန့်  ၂၀ ကနေ ၃၀ အထိ နေပါ။ - ခြေထောက်တစ်ဖက်ပြီး တစ်ဖက်ကို ၃ ကြိမ်လောက် လုပ်ပေးပါ။ အပေါ်မှာ ပြောပြပေးထားတဲ့ လေ့ကျင့်ခန်းတွေက အချိန်အများကြီးပေးစရာမလိုဘဲ အိမ်မှာ အလွယ်တကူ လုပ်လို့ရတဲ့ လေ့ကျင့်ခန်းတွေဖြစ်ပါတယ်။ တစ်ခုသတိပြုရမှာက လေ့ကျင့်ခန်းလုပ်တဲ့အခါ ကြမ်းပြင်ဟာ ညီညာတောင့်တင်းပြန့်ပြူးနေရမှာ ဖြစ်ပြီး အောက်ခံပျော့တဲ့ မွေ့ယာလို နေရာမျိုးတွေမှာ မလုပ်ရပါဘူး။

ထိုင်ဝမ်နှင့် ထိုင်း FDA က ကိုရီးယား ခေါက်ဆွဲခြောက် အမှတ်တံဆိပ် သိမ်းဆည်း