What's New

ရန်ကုန်၊ မန္တလေး၊ ပြင်ဦးလွင်၊ နေပြည်တော်၊ တောင်ကြီးနှင့်  မကွေးမြို့များတွင် ရှိသော အစိုးရပိုင် ဗဟိုအဆင့် ပြည်သူ့ဆေးရုံများ၏ လိပ်စာနှင့် ဖုန်းနံပါတ်များကို စုစည်း ဖော်ပြပေးလိုက်ပါသည်။   ဆေးရုံအလိုက် ပြင်ပလူနာအချိန်ဇယား ကြည့်ရန်   ရန်ကုန်ရှိ ဆေးရုံများ   ရန်ကုန်ပြည်သူ့ဆေးရုံကြီး ဗိုလ်ချုပ်လမ်း၊ လသာမြို့နယ်၊ ရန်ကုန်မြို့။ 01256123   ခုတင် (၅၀၀) ဆံ့ အထူးကုဆေးရုံကြီး မင်းရဲကျော်စွာလမ်း၊ လမ်းမတော်မြို့နယ်၊ ရန်ကုန်မြို့။ 012301618, 012301624, 012301625   အင်းစိန်ပြည်သူ့ဆေးရုံကြီး အောက်မင်္ဂလာဒုံလမ်း၊ အင်းစိန်မြို့နယ်၊ ရန်ကုန်မြို့။ 01640523   မြောက်ဥက္ကလာပ ပြည်သူ့ဆေးရုံကြီး မေဓါဝီလမ်း၊ (ဆ)ရပ်ကွက်၊ မြောက်ဥက္ကလာပမြို့နယ်၊ ရန်ကုန်မြို့။ 019690417, 019699422, 019699423, 019699424, 019699410, 019690295    ကလေးရောဂါ အထူးကုဆေးရုံကြီး အမှတ် (၂) ပြည်ထောင်စုရိပ်သာလမ်း၊ ပြည်နောက်ရပ်ကွက်၊ ဒဂုံမြို့နယ်၊ ရန်ကုန်မြို့။ 01222807, 01222808, 01222809   ရန်ကင်းကလေးရောဂါ အထူးကုဆေးရုံကြီး အမှတ် (၈၅) သစ္စာလမ်း၊ ကန်ဘဲ့ရပ်ကွက်၊ ရန်ကင်းမြို့နယ်၊ ရန်ကုန်မြို့။ 01550684   နား၊ နှာခေါင်း၊ လည်ချောင်း၊ ဦးခေါင်းနှင့် လည်ပင်း ခွဲစိတ် အထူးကုဆေးရုံ ဗညားဒလလမ်း၊ တာမွေမြို့နယ်၊ ရန်ကုန်မြို့ 01544000   မျက်စိရောဂါ အထူးကုဆေးရုံ အမှတ် (၃၀)၊ နတ်မောက်လမ်း၊ တာမွေမြို့နယ်၊ ရန်ကုန်မြို့။ 01549171   စိတ်ကျန်းမာရေးဆေးရုံကြီး အမှတ် ၁၆၄၊ အမှတ် (၇) လမ်းမကြီး၊ ရွာသာကြီး၊ ဒဂုံမြို့သစ်အရှေ့ပိုင်းမြို့နယ်၊ ရန်ကုန်မြို့။ 09789504420   အရိုးရောဂါ အထူးကုဆေးရုံကြီး အမှတ် (၁၃၂)၊ ဟံသာဝတီလမ်း၊ ကြည့်မြင်တိုင်မြို့နယ်၊ ရန်ကုန်မြို့။ 09454806984, 01527087   သာကေတအထူးကုဆေးရုံ ဧရာဝဏ်လမ်းမကြီးနှင့် ရှုခင်းသာလမ်းမကြီးထောင့်၊ သာကေတမြို့နယ်၊ ရန်ကုန်မြို့။ 01450792   သင်္ဃန်းကျွန်း ပြည်သူ့ဆေးရုံကြီး ကျိုက်က္ကစံလမ်း၊ သင်္ဃန်းကျွန်းမြို့နယ်၊ ရန်ကုန်မြို့။ 01579890   မင်္ဂလာဒုံအထူးကုဆေးရုံ ပြည်လမ်း၊ ကျိုက္ကလို့ဘုရားအနီး၊ မင်္ဂလာဒုံမြို့နယ်၊ ရန်ကုန်မြို့။ 01256112   ဗဟိုအမျိုးသမီးဆေးရုံကြီး မင်းရဲကျော်စွာလမ်း၊ လမ်းမတော်မြို့နယ်, ရန်ကုန်မြို့။ 01221413   ဝေဘာဂီကူးစက်ရောဂါ အထူးဆေးရုံကြီး ဝေဘာဂီရပ်ကွက်၊ မြောက်ဥက္ကလာပမြို့နယ်၊ ရန်ကုန်မြို့။  09451626466   အောင်ဆန်းတီဘီရောဂါ အထူးကုဆေးရုံကြီး အောက်မင်္ဂလာဒုံလမ်းမကြီး၊ စဉ့်ငူရပ်ကွက်၊ အင်းစိန်မြို့နယ်၊ ရန်ကုန်မြို့။  013645748   ရန်ကုန်အထွေထွေရောဂါကု ဆေးရုံသစ်ကြီး မင်းရဲကျော်စွာလမ်းနှင့် ပြည်လမ်းထောင့်၊ လမ်းမတော်မြို့နယ်၊ ရန်ကုန်မြို့။ 01384493   အမျိုးသားပြန်လည်သန်စွမ်းရေးဆေးရုံ ကျိုက်ဝိုင်းဘုရားလမ်းနှင့် မင်းဓမ္မလမ်းထောင့်၊ မရမ်းကုန်းမြို့နယ်၊ ရန်ကုန်မြို့။ 09457758577   ရန်ကုန်တိုင်းဒေသကြီးရှိ ဆေးရုံအားလုံး ကြည့်ရန်   Advertisement Click Here > Great Star Enterprise မန္တလေးရှိ ဆေးရုံများ   မန္တလေးပြည်သူ့ဆေးရုံကြီး လမ်း ၃၀၊ ၇၄ လမ်းနှင့် ၇၇ လမ်းကြား၊ ချမ်းအေးသာစံမြို့နယ်၊ မန္တလေးမြို့။ 0221041   ကလေးရောဂါ အထူးဆေးရုံကြီး ၆၆ လမ်း၊ ၂၇ လမ်းနှင့် ၂၈ လမ်းကြား၊ ချမ်းအေးသာစံမြို့နယ်၊ မန္တလေးမြို့။ 024024915, 024024916, 024024917   ခုတင် (၃၀၀) ဆံ့ ကလေးရောဂါ အထူးကုဆေးရုံကြီး ၂၉ လမ်းနှင့် လမ်း ၃၀ ထောင့်၊ ၇၄ လမ်းနှင့် ၇၅ လမ်းထောင့်၊ ချမ်းအေးသာစံမြို့နယ်၊ မန္တလေးမြို့။  024033965, 024032225    ဗဟိုအမျိုးသမီးဆေးရုံကြီး လမ်း ၃၀၊ ၆၈ လမ်းနှင့် ၇၀ လမ်းကြား၊ ပတ်ကုန်းပျော်ဘွယ်ရပ်ကွက်၊ ချမ်းအေးသာစံမြို့နယ်၊ မန္တလေးမြို့။ 024066691   စိတ်ကျန်းမာရေးဆေးရုံကြီး မြစ်ငယ်၊ ထုံးဘိုလမ်းခွဲ၊ တောတွင်ကျေးရွာအနီး ၊အမရပူရမြို့နယ်၊ မန္တလေးမြို့။ 09402594751 စိတ်ကျန်းမာရေး ကုသဌာန - 09266863258  မူးယစ်ဆေးစွဲရောဂါ ကုသဌာ - 09780793831    ခုတင် (၃၀၀) ဆံ့ သင်ကြားရေး ပြည်သူ့ဆေးရုံကြီး ၆၂ လမ်းပေါ်၊ သိပ္ပံလမ်းတောင်ပိုင်း၊ မြို့သစ် (၁) ရပ်ကွက်၊ ချမ်းမြသာစည်မြို့နယ်၊ မန္တလေးမြို့။ 0280340   မျက်စိ၊ နား၊ နှာခေါင်း၊ လည်ချောင်း၊ ဦးခေါင်းနှင့် လည်းပင်း ခွဲစိတ်အထူးကုဆေးရုံ ၂၃ လမ်းနှင့် ၂၄ လမ်းကြား၊ လမ်း ၈၀ နှင့် ၈၁ လမ်း ကြား၊ အောင်မြေသာစံမြို့နယ်၊ မန္တလေးမြို့။ 09965399550   ခုတင် (၅၀၀) ဆံ့ အရိုးရောဂါ အထူးကုဆေးရုံကြီး မြို့သစ် (၁) ရပ်ကွက်၊ (၆၂) လမ်း၊ သိပ္ပံလမ်းနှင့် အောင်ဆန်းလမ်းကြား၊ ချမ်းမြသာစည်မြို့နယ်၊ မန္တလေးမြို့။ 09796493469, 022847613, 022847615   ပြန်လည်သန်စွမ်းရေးဆေးရုံကြီး (အထက်မြန်မာပြည်) မတ္တရာမြို့နယ်၊ မန္တလေးမြို့။  09896502583   ပြင်ဦးလွင် ပြည်သူ့ဆေးရုံကြီး 09771851582   မန္တလေးတိုင်းဒေသကြီးရှိ ဆေးရုံအားလုံး ကြည့်ရန်   Advertisement Click Here >King Metal နေပြည်တော်ရှိ ဆေးရုံများ   ခုတင် (၁၀၀၀) ဆံ့ အထွေထွေရောဂါကု ပြည်သူ့ဆေးရုံကြီး ဇမ္ဗူသီရိမြို့နယ်၊ နေပြည်တော် 0673420683, 067421455   ခုတင် (၃၀၀) ဆံ့ ပြည်သူ့ဆေးရုံကြီး ပုဗ္ဗသီရိမြို့နယ်၊ တပင်ရွှေထီးရပ်ကွက်၊ နေပြည်တော်။ 09404244075   သားဖွားမီးယပ်ရောဂါ အထူးကုဆေးရုံကြီး ဥတ္တရ သီရိမြို့နယ်၊ ဇ၀နသိဒ္ဓိရပ်ကွက်၊ နေပြည်တော်။ 067417246   မျက်စိ၊ နား၊ နှာခေါင်း၊ လည်ချောင်း၊ ဦးခေါင်းနှင့် လည်းပင်း ခွဲစိတ်အထူးကုဆေးရုံ ဥတ္တရသီရိမြို့နယ်၊ ဇ၀နသိဒ္ဓိရပ်ကွက်၊ သီရိရတနာလမ်းနှင့် သီရိမဏ္ဍိုင်လမ်းထောင့်၊ နေပြည်တော်။ 067417160   ကလေးရောဂါ အထူးကုဆေးရုံကြီး ဥတ္တရသီရိမြို့နယ်၊ ဇဝနသိဒ္ဓိရက်ကွက်၊ သီရိရတနာလမ်း၊ နေပြည်တော်။ 067417059   အရိုးရောဂါ အထူးကုဆေးရုံကြီး သီရိမဏ္ဍိုင်လမ်း၊ နေပြည်တော်။ 067417180   တောင်ကြီးနှင့် မကွေးရှိ ဆေးရုံများ   စပ်စံထွန်းပြည်သူ့ဆေးရုံကြီး ဗိုလ်ချုပ်အောင်ဆန်းလမ်း၊ စဝ်စံထွန်းရပ်ကွက်၊ အရှေ့ပိုင်းတိုင်းစစ်ဌာနချုပ်ရှေ့၊ တောင်ကြီးမြို့။  0812121511   အမျိုးသမီးနှင့် ကလေးဆေးရုံကြီး က​လေး​ဆေးရုံလမ်း၊ တောင်ကြီးမြို့။ 0812121219   မကွေးမြို့ သင်ကြားရေးဆေးရုံကြီး 0632025154   တိုင်းနှင့် ပြည်နယ် (၁၅) ခုရှိ ဆေးရုံများ ကြည့်ရန်  

သူနာပြု-သားဖွားဒီပလိုမာ (၃)နှစ်သင်တန်းနှင့်  ဘက်စုံသားဖွား ဒီပလိုမာ (၂)နှစ်သင်တန်း ဝင်ခွင့်လမ်းညွန်

စင်ကာပူ၏ ပြည်သူ့ကျန်းမာရေးကဏ္ဍအတွက် နိုင်ငံခြားမှ သူနာပြု (၄,၀၀၀) ခန့် ခေါ်ယူသွားမည် ဖြစ်ပြီး ယခုမှ ပထမဆုံးအကြိမ် ရောက်ဖူးသူများအတွက် နေထိုင်စရာ မရခင်စပ်ကြား အဆောင်တွင် နေထိုင်နိုင်ရန် စီစဉ်ပေးထားမည် ဖြစ်ကြောင်း သိရသည်။   ထို့အတွက် အဆောင်များကို ယခုနှစ်ကုန်တွင် မွမ်းမံ ပြင်ဆင်မှုများ ပြုလုပ်ကာ လာမည့် ၂၀၂၄ ခုနှစ်၊ ဒုတိယ သုံးလပတ်တွင် စတင် နေထိုင်နိုင်ရန် စီစဉ်နေသည်ဟု ကျန်းမာရေးဝန်ကြီးဌာနက သတင်းထုတ်ပြန်ထားသည်။   နေရာအဆောက်အဦး (၅) ခုတွင် (၁,၈၀၀) ဦးအထိ နေထိုင်နိုင်ရန် စီစဉ်ပေးထားမည် ဖြစ်ပြီး အိပ်ခန်းတစ်ခန်းလျှင် (၂) ဦး အတူနေရမည် ဖြစ်သည်။ အဆောင်တွင် ဧည့်ခန်း၊ ထမင်းစားခန်း၊ ဟင်းချက်ခန်း၊ အဝတ်လျှော်ခန်းနှင့် နားနားနေနေနေ နေရန်အခန်း စသည်များ ပါဝင်သည်။     Advertisement Click Here > Meditech Co., Ltd.   ကနဦးအနေဖြင့် အဆိုပါနေရာ (၅) ခုမှ အဆောင်များ အသုံးပြုမှုကို စောင့်ကြည့်လေ့လာပြီး ရရှိလာသည့် အတွေ့အကြုံများဖြင့် ပိုမို တိုးတက်ကောင်းမွန်အောင် ဆောင်ရွက်သွားမည် ဖြစ်ကာ နောက်ထပ်အဆောင်များ တိုးချဲ့ဖွင့်လှစ်သွားရန်အတွက် နောက်ထပ်နေရာ (၁၁) ခုလည်း လျာထားသည်ဟု ဆိုသည်။   ယခု ၂၀၂၃ ခုနှစ်ကုန်အထိ သူနာပြု (၄,၀၀၀) ဦးနီးပါး အသစ်ခန့်မည် ဖြစ်ပြီး နိုင်ငံခြားသား သူနာပြုများနှင့် နိုင်ငံသား သူနာပြုအချိုးမှာ ၆၀:၄၀ ဖြစ်သဖြင့် နိုင်ငံခြားသား သူနာပြုများ အသစ်ခန့်ဦးရေ ပိုများမည် ဖြစ်သည်။   စင်ကာပူနိုင်ငံတွင် လာရောက် လုပ်ကိုင်ကြသည့် နိုင်ငံခြားသားမှ ကျန်းမာရေးလုပ်သားများတွင် သူနာပြုများသည် အများဆုံး ပါဝင်ကြောင်း သိရသည်။

Pun Hlaing Hospitals နှင့် HEAL by Pun Hlaing မှ မြန်မာနိုင်ငံတဝှမ်းရှိ ပြည်သူများ လက်လှမ်းမီနိုင်သော ကျန်းမာရေးစောင့်ရှောက်မှုများ ပေးအပ်နိုင်ရန် တယ်လီကျန်းမာရေး App တစ်ခုဖြစ်သော HEAL App ကို စတင်မိတ်ဆက်ခဲ့

နေ့စဉ်ပဲစားတဲ့အခါ ခန္ဓာကိုယ်မှာ ဘာတွေဖြစ်မလဲ

အရိုးပါး၊ အရိုးပွရောဂါသည် သက်ကြီးပိုင်း အရွယ်များတွင် ပို၍ အဖြစ်များသော်လည်း မျက်မှောက်ကာလတွင် နေ့စဉ် အထိုင်များပြီး ကိုယ်လက်လှုပ်ရှားမှု မရှိခြင်း၊ ဆေးလိပ်နှင့် အရက်သောက်သုံးမှု များပြားခြင်းတို့ကြောင့် လူငယ်လူလတ်ပိုင်းများပါ ဖြစ်လာကြသည်။   ကြိုတင် ကာကွယ်ခြင်းသည် ကုသခြင်းထက် ပို၍ ကောင်း၏ ဆိုသည့်အတိုင်း အရိုးပါး၊ အရိုးပွရောဂါ မဖြစ်စေရန် အကောင်းဆုံးနည်းလမ်းမှာလည်း ကြိုတင် ကာကွယ်ခြင်းပင် ဖြစ်သည်။    မိမိကျန်းမာရေးအတွက် ကိုယ်လက်လေ့ကျင့်ခန်း ပုံမှန် ပြုလုပ်ခြင်းနှင့် အစားအသောက် ဂရုစိုက်ခြင်းတို့ကို ပြုလုပ်သင့်ပြီး အရက်နှင့် ဆေးလိပ်သောက်သုံးခြင်း၊ အငန်စားသုံးမှု များခြင်း၊ အချိုမှုန့်များ သုံးစွဲခြင်းနှင့် ကော်ဖီ သောက်သုံးမှု အလွန်အကျွံ ပြုလုပ်ခြင်း စသည်တို့ကို အဓိက ရှောင်ကြဉ်ကြရမည် ဖြစ်သည်။   အဓိကဖြစ်ပွားသော အကြောင်းရင်းများ  မိသားစုမျိုးရိုးထဲတွင် အရိုးပွရောဂါ ဖြစ်ခဲ့ဖူးသော  မိသားစုဝင်များ၊  အချိန်ကြာကြာ ကိုယ်လက်လှုပ်ရှားမှု မရှိဘဲ  နေတတ်သူများ၊  ခန္ဓာကိုယ်အရပ်အမောင်းနှင့်  အလေးချိန်တွင် အချိုးအစား မမျှတသောသူများ၊  ဆေးလိပ်နှင့် အရက်ကို အလွန်အကျွံ သောက်သုံးကြသူများတွင် အရိုးပါး၊ အရိုးပွမှု ဖြစ်နိုင်ခြေ ပိုများသည်။    ရောဂါလက္ခဏာများ အရိုးနှင့် ခါးရိုးများ နာကျင်ခြင်း၊  အရိုးကျိုးလွယ်ခြင်း၊  အရပ်အမောင်း နိမ့်ဆင်းသွားခြင်း၊  အရိုးပွခြင်းကြောင့် ကျောရိုးမှာ ဒဏ်မခံနိုင်တော့ဘဲ ခါးကုန်းလာခြင်း စသည်တို့သည် အရိုးပါး၊ အရိုးပွရောဂါ၏ သိသာ ထင်ရှားသော လက္ခဏာများဖြစ်ပြီး ရောဂါပိုမို မဆိုးရွာလာစေရန် အပြုအမူ၊ အနေအထိုင်ကို ဆင်ခြင်သင့်သည်။   အရိုးပါး၊ အရိုးပွရောဂါ စတင် ဖြစ်ပွားပါက ရောဂါအခြေအနေ ပိုဆိုးမလာစေရန်နှင့် အရိုး၏ သိပ်သည်းဆကို ပို၍ ကျမသွားအောင် ထိန်းထားရမည် ဖြစ်ပြီး အစားအသောက် ဂရုစိုက်ခြင်း၊ မပြင်းထန်သော လေ့ကျင့်ခန်းများကို ပုံမှန် ပြုလုပ်ပေးခြင်းဖြင့် ရောဂါသက်သာအောင် လုပ်ဆောင်နိုင်သည်။         Advertisement Click Here > Golden Myanmar   ရောဂါကာကွယ်ရေးအတွက် ကယ်လ်ဆီယမ်ဓာတ် ကြွယ်ဝသော အစားအစာများကို ပုံမှန် စားသုံးပေးသင့်သည်။ ကယ်လ်ဆီယမ်ဓာတ်သည် အရိုးများကို သန်မာစေပြီး အရိုးတည်ဆောက်ရေး လုပ်ငန်းများကို မျှတအောင် ထိန်းညှိပေးသောကြောင့် ဖြစ်သည်။   ကယ်လ်ဆီယမ်ဓာတ် ကြွယ်ဝသော အစားအစာများ နို့၊ ဒိန်ချဉ်၊ ပဲနို့၊ ချိစ် ဆာဒင်းငါး၊ ဆယ်လ်မွန်ငါး ဂေါ်ဖီ၊ ကိုက်လန်၊ ဟင်းနုနွယ်ရွက် နှံစားသီးနှံများ သစ်သီးဖျော်ရည်များ အခွံမာသီးများနှင့် အစေ့အဆန်များ ပဲအမျိုးမျိုး   ကယ်လ်ဆီယမ်ဓာတ်ကို စုပ်ယူရာတွင် ဗီတာမင်ဒီ၏ အခန်းကဏ္ဍမှာ အလွန် အရေးပါလှသည်။ ထို့ကြောင့် နေရောင်ခြည်ကို (၁၅) မိနစ်ခန့် ထိတွေ့ပေးခြင်း၊ ဖြည့်စွက်အာဟာရအဖြစ် ဗီတာမင်ဒီ ကြွယ်ဝသော အစားအစာများကို နေ့စဉ် စားသုံးပေးခြင်းတို့ ပြုလုပ်သင့်သည်။    ဗီတာမင်ဒီ ကြွယ်ဝသော အစားအစာများ ငါးကြီးဆီ၊ ဆော်လမွန်ငါး၊ တူနာငါး၊ ဆာဒင်းငါး၊ ကာဗီးယားငါးဥ၊ မက်ကရယ်ငါး ပြုပြင်ထားသော Oat အုတ်ဂျုံ အစေ့အဆန်များ ကြက်ဥအနှစ် နို့နှင့် နို့ထွက်ပစ္စည်းများ၊ ဒိန်ချဉ်၊ ထောပတ်၊ ချိစ်၊ ဆိတ်နို့၊ ဒိန်ခဲ၊ ပဲနို့ ကြက်သားအဆီ၊ ကြက်ဆင်သား၊ ဝက်နံရိုး၊ ဝက်သားကင်၊ ဝက်မိုးခိုသား၊ အမဲသားအသည်း ပင်လယ်စာ ကမာ၊ ပုဇွန်၊ ငါးရှဉ့် လိမ္မော်သီး၊ သင်္ဘောသီး၊ သရက်သီး၊ မက်မွန်သီး၊ ထောပါတ်သီး မုန်လာဥနီ၊ ကန်စွန်းဥ၊ ပန်းပွင့်စိမ်း၊ ရုံးပတီသီး၊ မှို၊ ပန်းငရုတ်ပွ တိုဖူး   အရိုးပါး၊ အရိုးပွရောဂါ ကာကွယ်ရန်အတွက် လိုအပ်ပါက အားဆေးလည်း သောက်ပေးရမည်။ သောက်ရမည့် အားဆေး အမျိုးအစားနှင့် သောက်သုံးရန် အချိန်တို့ကိုမူ တတ်သိ နားလည်သော ဆရာဝန်နှင့် ဆွေးနွေးပြီးမှ သောက်သုံးသင့်သည်။   သက်ကြီးရွယ်အိုများအတွက် သတိပေးချက်   သက်ကြီးရွယ်အိုများသည် မိမိခန္ဓာကိုယ်ကို ဟန်ချက်ညီအောင်နှင့် တည်ငြိမ်အောင် မထိန်းထားနိုင်သည့်အတွက် မကြာခဏ လဲကျတတ်သည်။ ထိုသို့ လဲကျလျှင် အရိုးကျိုးနိုင်သောကြောင့် လဲကျစေနိုင်သည့် ပြဿနာများကို ဦးစွာ ဖြေရှင်းရမည် ဖြစ်သည်။   မျက်စိမှုန်ခြင်းကြောင့် ချော်လဲသည်ဆိုလျှင် မျက်မှန်တပ်ခိုင်းရမည်။ ဟန်ချက်ညီအောင် မထိန်းနိုင်၍ လဲကျတတ်သည်ဆိုလျှင် အရိုးသန်မာစေသည့် မပြင်းထန်သော လေ့ကျင့်ခန်းများကို ပြုလုပ်ခိုင်းရမည်။ ထို့ပြင် မချော်လဲစေရန် ရေချိုးခန်းနှင့် အိမ်သာတို့တွင် လက်ရန်းများ ပြုလုပ်ပြီး တပ်ဆင်ပေးထားသင့်သည်။  

ကမ္ဘောဒီးယားတွင်  ၂ နှစ်အရွယ် ကလေးငယ် အောင်ခန့်မိုး ၅ နာရီကြာ  ခွဲစိတ်ကုသမှု အောင်မြင်

ဆေးသကြား ကင်ဆာဖြစ်နိုင်သော်လည်း အနည်းအကျဉ်းစားသုံးလျှင် ဘေးကင်းကြောင်း WHO ကြေညာချက်ထုတ်ပြန်

ခြင်ကြိုက်သူများ ခြင်ပိုကိုက်ခံရသည်