ဆယ်ကျော်သက်အရွယ်တွင် အဝလွန်ခြင်းကြောင့် အရွယ်ရောက်ပြီးချိန်၌ သရက်ရွက်ကင်ဆာရောဂါဖြစ်နိုင်သည့် အန္တရာယ်မြင့်မား ကြောင်း သုတေသီများ၏ လေ့လာမှုတစ်ရပ်က ဖော်ပြသည်။
အဝလွန်ခြင်းကြောင့် အဖြစ်နည်းသော သရက်ရွက်ကင်ဆာ ဖြစ်နိုင်သည့် အန္တရာယ်လေးဆမြင့်မားပြီး ကိုယ်အလေးချိန် ပိုလာ သည်နှင့်အမျှ ရောဂါဖြစ်နိုင်သည့် အန္တရာယ်လည်း ပိုများကြောင်း အစ္စရေးသုတေသီများက လေ့လာတွေ့ရှိခဲ့သည်။
အဝလွန်ခြင်းကြောင့် သရက်ရွက်ကင်ဆာဖြစ်နိုင်သည့် အန္တရာယ်မြင့်မားကြောင်း သိရှိထားသည်မှာ အချိန်တစ်ခုအထိရှိပြီဖြစ်ပြီး ယခုလေ့လာမှုက ဆယ်ကျော်သက်အရွယ်တွင် အဝလွန်ခြင်းနှင့် ကိုယ်အလေးချိန်မြင့်မားခြင်းကြောင့်လည်း ယင်းအန္တရာယ်မြင့်မား စေကြောင်း ဖော်ပြနေသည်ဟု သုတေသီများကပြောသည်။
သရက်ရွက်ကင်ဆာရောဂါသည် ဖြစ်ခေါင့်ဖြစ်ခဲရောဂါဖြစ်ပြီး ယခုနှစ် အမေရိကန်တွင် ယင်းရောဂါဖြစ်ပွားသူ ၅၅,၀၀၀ ခန့်ရှိ ကြောင်းနှင့် ယင်းရောဂါဖြစ်နိုင်သည့် အန္တရာယ်ရှိသူများပင် ယင်း ရောဂါဖြစ်ပွားနိုင်ခြေနည်းပါးသည်ဟု သုတေသီများကပြောသည်။
သို့သော် အဝလွန်ခြင်းကြောင့် သရက်ရွက်ရောဂါ ဖြစ်ရသည်ဆိုသော အထောက်အထား မဖော်ပြနိုင်သေးဘဲ ယင်းအခြေအနေနှစ်ခုကြား ဆက်စပ်ကြောင်းသာ တွေ့ရသည်ဟု အစ္စရေးသုတေသီများကပြောသည်။
သရက်ရွက်ကင်ဆာသည် အမေရိကန်နိုင်ငံတွင် လူသေဆုံးမှု တတိယအများဆုံးရောဂါဖြစ်ပြီး ယင်းရောဂါမှ အသက်ရှင်နိုင်ခြေ ၁၀ ရာခိုင်နှုန်းအောက်သာရှိကြောင်း သိရသည်။
သာမန်ကိုယ်အလေးချိန်ကို ထိန်းသိမ်းရေးသည် ကျန်းမာရေးအတွက် များစွာအရေးကြီးပြီး နေထိုင်စားသောက်မှုပုံစံများ ကျန်းမာရေးနှင့်ညီရန် လိုအပ်ကာ ကိုယ်လက်လှုပ်ရှား ပုံမှန်ပြုလုပ်သင့်ကြောင်း သုတေသီများကပြောသည်။ ကိုယ်အလေးချိန်သာမန်ထက် ပိုများခြင်း (သို့မဟုတ်) အဝလွန်ခြင်းကြောင့် ကျန်းမာရေးဆိုးကျိုးများ ဖြစ်ပေါ်နိုင်သည်။
Source:7daydaily