ကိုဗစ်လူနာနှင့်ထိတွေ့ခဲ့သည့် ပြည်တွင်းအခွန်များဦးစီးဌာန၊ အောင်ဘာလေသိန်းဆုဌာနခွဲမှ ဝန်ထမ်းအချို့အား Quarantine ဝင်ရန် ယနေ့(ဩဂုတ်၂၈)ညနေပိုင်းက လာရောက်ခေါ်ဆောင်သွားကြောင်းမျက်မြင်တွေ့ရှိသူ ပြည်သူတဦးကပြောသည်။

"PPE (အကာအကွယ်)ဝတ်ဆုံ တွေဝတ်ထားတဲ့သူတွေက လာခေါ်သွားတာပါ။ ကျွန်တော်မြင်တာကတော့ ငါးယောက်လောက်ကို ခေါ်သွားတာမြင်ပါတယ်"ဟု ၎င်းကဆိုသည်။

အဆိုပါ ကိစ္စနှင့်ပတ်သက်ပြီး ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က" လူဘယ်လောက်လည်းတော့မသိဘူး။ ကျွန်တော်တို့ဆီက ဝန်ထမ်းတယောက်က COVID-19 Positive ဖြစ်တယ်။ အဲဒီဝန်ထမ်းကိုတော့ ဆေးရုံတင်ထားပြီးပြီပေါ့။ သူနဲ့ထိတွေ့ခဲ့တဲ့ ဝန်ထမ်းတွေကို Quarantineဝင်ဖို့ လိုက်ခေါ်တာပေါ့"ဟု ပြောသည်။

ကိုဗစ်ရောဂါကူးစက်ခံရသည့်ဝန်ထမ်းနှင့် ထိတွေ့ခဲ့သည့် ဝန်ထမ်းပေါင်း ၂၀ဦးခန့်ရှိပြီး အချို့ကို Home Quarantineထားခြင်း အချို့ကို Facilities Quarantine ထားခြင်းများ လုပ်ဆောင်ထားကြောင်း ၎င်းကပြောသည်။

TCM

News Watch