အဆက်မပျက် ချောင်းဆိုးတာက လူတစ်ယောက် စိတ်ညစ်စေတဲ့အထိ ဖြစ်စေနိုင်တဲ့ အရာဖြစ်ပါတယ်။
ဒီလို အဆက်မပျက် ချောင်းဆိုးတာက ဝမ်းဗိုက်ကို နာကျင်လာစေတဲ့အထိ ဖြစ်စေနိုင်ပါတယ်။
ကုထုံး (၁ ) အရည်များများသောက်ပါ
ဘယ်ဖျားနားမှုမဆို ရေဓာတ်ပြည့်ဝနေခြင်းက ရောဂါ ကာကွယ်ခြင်း ပထမ အဆင့်ဖြစ်သလို ချောင်းဆိုးခြင်းကိုလည်း ကာကွယ်ပေးနိုင်ပါတယ်။ အဆက်မပျက်ချောင်းဆိုးနေခြင်းက လည်ချောင်းခြောက်တာတွေ ဖြစ်ပြီး ရေဓာတ်ဆုံးရှုံးမှုကို ဖြစ်စေပါတယ်။ ဒါကြောင့် ချောင်းဆိုးလို့ အရည်များများသောက်တာက မကောင်းတဲ့ အကြံတစ်ခုတော့ မဟုတ်ပါဘူး။
- လည်ချောင် ယားပြီ ချောင်းဆိုးနေတယ်ဆိုရင် လိမ္မော် ဖျော်ရည် သို့မဟုတ် အက်စစ်ဓာတ်ပါတဲ့ ဖျော်ရည်မျိုးကို ရှောင်ကြဉ်သင့်ပါတယ်။
- နို့ထွက်ပစ္စည်များကို သတိထားပါ။ နွားနို့က အဟာရဖြစ်စေတာ မှန်ပေမယ့်လည်း ချောင်းဆိုးတဲ့လူတယောက်အတွက်ကတော့ ချွဲတာတွေ ဖြစ်ပြီ သလိပ်ပိုထွက်သလို ခံစားရနိုင်ပါတယ်။
- အကောင်းဆုံးကတော့ ရေကို ရွေးချယ်ခြင်းသာဖြစ်ပါတယ်။
ကုထုံး (၂) အရည်များကို နွေးထွေးစေပါ
အချို့ချောင်းဆိုးခြင်းတွေအတွက် ပူနွေးသော အရည်များက ပိုမိုထိရောက်ရှိတာကို တွေ့ရပါတယ်။
- ပျားရည် နှင့် ဆေးဖက်ဝင်အပင်များ ပါဝင်သော ရေနွေးကြမ်း များကို ရွေးချယ်သင့်ပါတယ်။
- ပူနွေးတဲ့အရည်တွေက အသက်ရှူလမ်းကြောင်းမှာ ကပ်ညှိနေတဲ့ သလိပ် နဲ့ အချွဲတွေကို မြန်မြန်ချေဖျက်ပေးနိုင်တာကြောင့်ဘဲ ဖြစ်ပါတယ်။
ကုထုံး (၃) ရေငန် သုံးပေးပါ
အထူးသဖြင့် အအေးမိခြင်း ၊ လည်ချောင်း နာခြင်း (သို့) တုပ်ကွေးနှင့်ဆက်စပ်သော ချောင်းဆိုးခြင်းတွေက ဆားငန်ရေက အကောင်းဆုံး သူငယ်ချင်းလို့လည်း ပြောလို့ရပါတယ်။
- ဆားရည်နဲ့ အခြေခံပြီး ထုတ်လုပ်ထားတဲ့ နှာခေါင်းဖြန်းဆေးတွေ အပြင် ဆားရည်က ဗိုင်းရပ်စ် (သို့) ဘက်တီးရီးယားတွေကို သတ်ပေးနိုင်တဲ့ အပြင် လည်ချောင်းထဲက ချွဲပလိပ်တွေကို ဖယ်ရှာပေးနိုင်ပါတယ်။
ကုထုံး (၄) ရေနွေးငွေ့ ကို ထည့်သွင်းစဉ်းစားဖို့လိုပါတယ်
ချောင်းဆိုးခြင်း ၊ ပန်းနာရင်ကျပ်၊ ဖုန်မှုန့်များ (သို့) မှိုကြောင့် ချောင်းဆိုးတာတွေက စိုစွတ်သောလေတွေက ချောင်းဆိုးခြင်း ပိုမိုဆိုးရွားစေနိုင်ပါတယ်။ ဒါကြောင့် သင့်အနေနဲ့ ရေနွေးငွေ့ ကို ရှူပေးမယ်ဆိုရင် ချောင်းပိတ်ခြင်း ၊ လည်ချောင်းနာခြင်းတွေကို အမြန်ဆုံးသက်သာစေမှာဖြစ်တဲ့အပြင် အသက်ရှူလမ်းကြောင်းအတွင် ပိုးမွှားနှင့် ဘက်တီရီးယားတွေကို သေစေမှာဖြစ်ပါတယ်။
Ref: wikihow
Aung Win (Myanmar Health Products Guide)