ရုတ်တရက် မူးလဲတယ်၊ သတိလစ်တယ်ဆိုတာ အဖြစ်များကြပါတယ်။
ဦးနှောက်ကို သွေးရောက်ရှိမှုနည်းတဲ့အခါ( အောက်ဆီဂျင်မလုံလောက်တဲ့အခါ) ရုတ်တရက်သတိမေ့သွားတာဖြစ်ပါတယ်။ စိတ်ထိခိုက်သွားလို့လား၊ အားနည်းသွားလို့လား၊ ဘာလို့မူးလဲရတာလဲ ဆိုတဲ့မေးခွန်းကို ဒီဆောင်းပါးက အဖြေပေးပါလိမ့်မယ်။ မူးလဲရတဲ့အကြောင်းရင်းက –
(၁) ရေဓာတ်မလုံလောက်လို့
ရေလုံလောက်အောင်မသောက်ရင်၊ အရည်ဓာတ်တွေအများကြီးဆုံးရှုံးထားရရင် ရေဓာတ်ခန်းခြောက်နိုင်ပါတယ်။ ဒါဆို သွေးပေါင်တွေကျပြီး အာရုံကြောစနစ်က ကောင်းကောင်းမထိန်းချုပ်နိုင်တော့ သတိလစ်မေ့မျောသွားနိုင်ပါတယ်။ အကောင်းဆုံးက ရေကို လုံလောက်အောင်သောက်ပါ၊ အထူးသဖြင့် အပြင်မှာ အပူချိန်ပြင်းတဲ့အခါ ပိုဂရုစိုက်ပါ။ ဆီးက မကြည်ဘဲ နောက်နေတယ်ဆိုရင် ရေပိုသောက်သင့်တဲ့ လက္ခဏာပါ။
(၂) သကြားဓာတ်ကျခြင်း
သွေးတွင်းသကြားဓာတ်ကျဆင်းတဲ့အခါ ခေါင်းမူးတာ၊ တုန်ရီတာ၊ နုံးတာ၊ အမြင်အာရုံဝေဝါးတာတွေဖြစ်လာနိုင်ပါတယ်။ ဒီလိုအချိန်မှာ အချိုရည် ဒါမှမဟုတ် သကြားလုံးတွေနဲ့ အမြန်ဖြေရှင်းလိုက်သင့်ပါတယ်။ မဟုတ်ရင် မူးလဲနိုင်ပါတယ်။
(၃) ဆီးချိုသွေးချို
ဆီးချိုတက်တဲ့အခါမှာလည်းမူးတတ်တာကြောင့် မူးမေ့တဲ့အခါ သွေးဖိအားကိုပုံမှန်ထိန်းပေးတဲ့ အာရုံကြောတွေကိုထိခိုက်စေပါတယ်။ ဒါ့ကြောင့်မူးလဲတဲ့အခါ သွေးပေါင်တအားကျသွားတာမျိုးဖြစ်စေနိုင်လို့ အန္တရာယ်ရှိပါတယ်။
(၄) ဆေးဝါး
သွေးကျဆေးနဲ့ ဆီးချိုဆေးတွေလို သောက်သုံးနေရတဲ့ ဆေးဝါးတချို့ကြောင့်လည်း မူးလဲနိုင်ပါတယ်။ ဥပမာ သွေးပေါင်ကျနေချိန်မှာ သွေးကျဆေးသောက်မိတာမျိုး၊ နေ့လယ်စာမစားဘဲ ဆီးချိုဆေးတွေသောက်မိတာမျိုး။ အသက်ကြီးတဲ့လူတွေမှာဆိုပိုဆိုးပါတယ်။
(၅) ရုတ်တရက် ထရပ်လိုက်လို့
ထိုင်နေရာကဖြစ်ဖြစ် အိပ်နေရာဖြစ်ဖြစ် ရုတ်တရက်အမြန်ထလိုက်တဲ့အခါ postural orthostatic tachycardia syndrome (POTS) လို့ခေါ်တဲ့ အခြေအနေဖြစ်စေနိုင်ပါတယ်။ မတ်တတ်ရပ်လိုက်တဲ့အခါ သွေးခုန်နှုန်းပိုတိုးစေတာပဲဖြစ်ပါတယ်။ မူးနေမယ်၊ တုန်ရီမယ်၊ ချွေးတွေထွက်မယ်၊ နှလုံးစည်းချက်မမှန်တော့ဘဲ မိုက်ခနဲလဲကျနိုင်ပါတယ်။ ဒီလိုဖြစ်တတ်ရင် အရည်များများသောက်၊ ကဖင်းနဲ့ အရက်တွေရှောင်၊ လှုပ်ရှားရင် ဝုန်းခနဲမလုပ်ဘဲ ဖြည်းဖြည်းချင်း လှုပ်ရှားသင့်ပါတယ်။
(၆) နှလုံးရောဂါ
နှလုံးကြွက်သားပျက်စီးခြင်း၊ သွေးကြောကျဉ်းခြင်း၊ ပိတ်ခြင်းနဲ့ တခြားနှလုံးနဲ့ဆိုင်တဲ့ရောဂါတွေက ဦးနှောက်ကို အောက်ဆီဂျင်ပမာဏ အလုံအလောက်မရောက်ရှိနိုင်တဲ့နေအထားတွေဖြစ်စေပါတယ်။ ဒါတွေကို နှလုံးခုန်မူမမှန်ခြင်း၊ ရင်ဘတ်အောင့်ခြင်း၊ မောဟိုက်ခြင်းနဲ့တခြားလက္ခဏာတွေနဲ့ သတိထားမိနိုင်ပါတယ်။
(ရ) ရှော့ခ်ရခြင်း
သွေးတွေမြင်လိုက်ရတာ၊ ရုတ်တရက် ပြင်းထန်တဲ့စိတ်ခံစားချက်(ပျော်တာ၊ဝမ်းနည်းတာ)၊ ထိတ်လန့်မှုတွေကြောင့် ခန္ဓာကိုယ်ရဲ့ လွန်ကဲတဲ့ တုံ့ပြန်မှုဖြစ်ပါတယ်။ ဒီလိုဖြစ်ရင် နှလုံးခုန်နှုန်းက နှေးသွားပြီး ခြေထောက်မှာပဲ သွေးတွေရောက်နေကာ ဦးနှောက်ကို မရောက်တော့ပါဘူး။ အဲဒီအချိန်မှာ လူက အေးစက်နေမယ်၊ ဖြူဖျော့နေမယ်၊ မအီမသာဝေဒနာတွေခံစားရနိုင်ပါတယ်။ ရှော့ခ်ရလို့ မူးလဲတဲ့အခါ လှဲနေပြီး ခြေထောက်ကိုမြှင့်ထားပါ။
(၈) လှောင်ပိတ်နေလို့
အသက်ရှူမဝဘူး၊ လှောင်ပိတ်နေတယ်လို့ခံစားရတဲ့အခါ ပိုပြီးမြန်မြန်အသက်ရှူဖို့ကြိုးစားပါတယ်။ အဲဒီအခါ ဦးနှောက် သွေးကြောတွေက ကျုံ့သွားပြီး အောက်ဆီဂျင်မလုံလောက်တော့ဘဲ မူးမေ့လဲတဲ့အထိဖြစ်စေနိုင်ပါတယ်။ တချို့ဆို ဘတ်စ်ကားကျပ်ရင် မူးလဲသွားတာမျိုး ဖြစ်ကြပါတယ်။
Source:Hello Health Group