အသည်းရောင်အသားဝါရောဂါ ကိုဖြစ်စေတဲ့ ရောဂါပိုးအမျိုးမျိုးရှိပါတယ်။ ကူးစက်ပုံကလည်း တစ်ခုနဲ့တစ်ခု မတူကြပါဘူး။

ဒါပေမယ့် အသည်းရောင် အသားဝါ ဘီပိုးနဲ့ စီပိုးကတော့ အန္တရာယ်အပေးနိုင်ဆုံး ရောဂါတွေထဲမှာ ပါဝင်ပြီး အဖြစ်အများဆုံးအသည်းရောဂါဆိုလည်း မမှားပါဘူး။ အခုဆိုရင် အသည်းရောင်အသားဝါရောဂါပိုး ကူးစက်ခံရသူဟာ တစ်ကမ္ဘာလုံးမှာဆိုရင် လူဦးရေ သန်း ၄၀၀ ခန့်ရှိပြီး နှစ်စဉ်နှစ်တိုင်းမှာလည်း လူသန်းပေါင်း ၆ သန်းကနေ ၁၀ သန်းထိအသားရောင်အသားဝါရောဂါပိုးကို ကူးစက်ခံနေရပါတယ်။

ရောဂါပိုးကူးစက်ခံရသူရဲ့ ၉၅% ခန့်ဟာ သူတို့ကိုယ်သူတို့ ကူးစက်ခံနေရမှန်းမသိပါဘူး။ အသည်းရောင်အသားဝါ ဘီပိုးကြောင့် နာတာရှည် အသည်းရောင်ဝေဒနာကို ခံစားနေရတဲ့လူ ၂၀% လောက်ဟာ အသည်းခြောက်ခြင်း ၊ အသည်းကင်ဆာဖြစ်ခြင်း စတဲ့ အသက်အန္တရာယ်ကို ထိပါးစေနိုင်လောက်တဲ့ထိ ပြင်းထန်တဲ့ နောက်ဆက်တွဲတွေ ဖြစ်စေပါတယ်။ ဒါကြောင့် ကမ္ဘာ့ကျန်းမာရေး အဖွဲ့အစည်း WHO အနေနဲ့ ဒီရောဂါကို သတိပြုမိစေနိုင်ဖို့အတွက် ဇွန်လ ၂၈ ရက်နေ့ကို ကမ္ဘာ့အသည်းရောင်အသားဝါနေ့ဆိုပြီး သတ်မှတ်ခဲ့ပါတယ်။

ဒါ့အပြင် ၂၀၃၀ ခုနှစ်မှာ အသည်းရောင်အသားဝါ ရောဂါကူးစက်မှု ၉၀ % အထိလျော့ချဖို့ ၊ ဒီရောဂါကြောင့် အသည်းပျက်စီးပြီး သေဆုံးမှု ကို ၆၅% အထိလျော့ချနိုင်ဖို့ကို ရည်မှန်းပြီး စီမံကိန်းများကို ပြုလုပ်လျှက်ရှိပါတယ်။ ၂၀၁၅ ခုနှစ် စစ်တမ်းများအရ အသည်းရောင်အသားဝါပိုးကြောင့် လူသန်းပေါင်း ၁.၃၄ သန်းခန့် အသက်ဆုံးရှုံးမှုများဖြစ်ပေါ် ပြီး သန်းပေါင်းများစွာဟာ အသည်းပျက်စီးမှုများကို တွေ့ကြုံခံစားနေရပါတယ်။ ကာကွယ်ခြင်းဟာ အကောင်းဆုံးကုသခြင်း နည်းလမ်းဖြစ်ပါတယ်။ အသည်းရောင်အသားဝါ ဘီပိုးကို ကာကွယ်ဆေးထိုးပြီး ကြိုတင်ကာကွယ်လို့ ရပါတယ်။ အသည်းရောင်အသားဝါ ဘီပိုးဟာ လူတိုင်းကို ကူးစက်နိုင်ပါတယ်။ အသက် ၅ နှစ်နဲ့ ၁၅ နှစ်အရွယ်တွေမှာ ကူးစက်ခံရမှုပိုများတတ်ပါတယ်။

ကလေးငယ်များကို မွေးမွေးချင်းကာကွယ်ဆေးထိုးပေးထားခြင်းဖြင့် ၅ နှစ်အရွယ်မှာ ကူးစက်မှုနှုန်းကို လျော့ချပေးနိုင်ပါတယ်။ ဒါ့အပြင် ကာကွယ်ဆေးထိုးပေးခြင်းဖြင့် ရောဂါပိုးရှိသူ မိခင်မှ ကလေးကူးစက်မှုကို သုညရာခိုင်နှုန်းကနေ ၂၀ ရာခိုင်နှုန်းလောက်ထိကို ကာကွယ်ပေးနိုင်ပါတယ်။ လူကြီးတွေမှာလည်း ကာကွယ်ဆေးတွေထိုးပြီး ဒီရောဂါဆိုးကို ကာကွယ်လို့ ရနေပါပြီ။ ဒါပေမယ့် ကာကွယ်ဆေးထိုးခြင်းကို ကမ္ဘာ့လူဦးရေ ၂၀% ခန့်သာ ရရှိပါသေးတယ်။

ဒီရောဂါပိုးတွေရဲ့ ကူးစက်နိုင်တဲ့ အခြေအနေတွေကို သိတယ်ဆိုရင် လည်း ကြိုတင်ကာကွယ်မှုတွေပြုလုပ်နိုင်ကြမှာပါ။ ရောဂါပိုးရှိသူ၏ သွေးကို သွင်းမိခြင်း ၊ အကာအကွယ်မဲ့ လိင်ဆက်ဆံခြင်း ၊ မသန့်ရှင်းသော ဆေးထိုးအပ်များမှ တဆင့်သော်လည်းကောင်း ၊ ရောဂါပိုးရှိသော အမေမှ ကလေးသို့ လည်းကောင်း ကူးစက်နိုင်ပါတယ်။ ရောဂါ ကူးစက်ခံရတဲ့ အချိန်မှာလည်း လက္ခဏာ ထူးထူးခြားခြားပြသလေ့မရှိတတ်ပါဘူး။

အချို့လူတွေမှာတော့ မျက်စိဝါခြင်း ၊ ကိုယ်လက်မအီမသာဖြစ်ခြင်းများကို ခဏတာ ခံစားရတာမျိုးဖြစ်တတ်ပါတယ်။ ဒီရောဂါဟာ ကူးစက်ခံနေရတာလည်းမသိ ဖြစ်နေမှန်းလည်းမသိဘဲ အသည်းအရမ်း ပျက်စီးမှသိတာမျိုး ၊ အသည်းကင်ဆာဖြစ်မှ သိတာမျိုးတွေ ဖြစ်လေ့ရှိပါတယ်။ ဒါကြောင့် မိမိကျန်းမာနေတယ် ဆိုပြီးလည်း မပေါ့ဆသင့်ပါဘူး။ ပိုးရှိမရှိစစ်ဆေးပြီး ကာကွယ်ဆေးထိုးတာမျိုးတွေ လုပ်သင့်ပါတယ်လို့ တိုက်တွန်းရင်း ဒီဆောင်းပါးလေးကို နိဂုံးချုပ်လိုက်ပါတယ်။

Source: Dr.မေ