ကော်ဖီသောက်ခြင်းကြောင့် ကောင်းတဲ့ရလဒ်တွေလည်း ရနိုင်သလို ဆိုးတဲ့ ရလဒ်တွေလည်း ရှိနိုင်တယ်။ ကော်ဖီမှာပါတဲ့ ကဖင်းကြောင့် အာရုံကြောတွေ လန်းဆန်းနိုးကြားစေနိုင်ပေမယ့် အရမ်းသောက်လွန်းရင်လည်း ဘေးထွက်ဆိုးကျိုးများစွာ ရရှိစေမှာ ဖြစ်ပါတယ်။
၁. ဗိုက်အောင့်တယ်။
ကော်ဖီတစ်ခွက်နှစ်ခွက်လောက် သောက်ပြီးတာနဲ့ ဗိုက်အောင့်လာတယ်။ တစ်ချို့လူတွေအတွက်တော့ ကဖင်းဓာတ်ဟာ ဗိုက်အောင့်စေပါတယ်။ အစားမစားဘဲနဲ့ ကော်ဖီသောက်ရင် ဗိုက်အောင့်လိမ့်မယ်။ ဗိုက်ထဲမှာ အဆာရှိမှ ကောက်ဖီသောက်ပါ။
၂. ခေါင်းနောက်တယ်။
ကော်ဖီဘယ်လောက်ကြိုက်ကြိုက် စိတ်ရှိတိုင်း သောက်လို့မရဘူး။ ကော်ဖီအရမ်းသောက်ရင် အာရုံတွေ မကြည်လင်တော့ဘဲ ခေါင်းရှုပ်လာပါတယ်။ စိတ်သောကတွေလည်း ပိုများလာတယ်။ အကန့်အသတ်လေးနဲ့ သောက်သုံးပေးပါ။
၃. ခံတွင်းနံ့
တစ်ချို့ကော်ဖီဆိုင်တွေမှာ ပူရှိန်းနဲ့ ပီကေတွေ တွဲရောင်းလေ့ရှိတယ်။ ကော်ဖီသောာက်ရင် ခံတွင်းနံ့ဆိုးလာလို့ပါပဲ။ သွားတိုက်လိုက်ရင်တော့ အနံ့ပျောက်သွားမှာဆိုပေမဲ့ သွားကို မကြာခဏတိုက်ရင် သွားကြွေလွှာပါးသွားနိုင်တယ်။ ပီကေလေးပဲဝါးလိုက်ပါ။
၄. သွားဝါတယ်
ကော်ဖီမှာပါတဲ့ chromogens အမည်ရှိ ရောင်ခြယ်ပစ္စည်းဟာ သွားရဲ့ အပေါ်ယံကြွေလွှာကို ကပ်ငြိမ်ပြီး သွားအရောင်ကို ညစ်စေပါတယ်။ သွားဖြူစေတဲ့ သွားတိုက်ဆေးတွေကို သုံးနိုင်သလို သွားနဲ့ခံတွင်းဆိုင်ရာ ဆေးခန်းတွေမှာလည်း ဖြူအောင်လုပ်လို့ရနိုင်တယ်။