မြန်မာပြည် အလယ်ပိုင်းနဲ့ အခြားနေရာများပါ အလွယ်တကူ တွေ့ရှိနိုင်တဲ့ ထန်းသီးဟာ အခုလို အလွန်ပူပြင်းတဲ့ ရာသီအတွက် သဘာဝ ဓာတ်စာဆိုရင်လဲ မမှားပါဖူး။

အခုရက်ပိုင်းအတွင်းမှာဆိုရင် မြန်မာပြည်မှာ ရာသီဥတု အပူချိန်အလွန် မြင့်တက်လာတဲ့ အတွက် မိုးလေဝသ ကျွမ်းကျင်သူတွေကတောင် သတိပေးပြောဆိုချက်တွေ ထုတ်ပြန်နေရပါတယ်။ ဒီလိုပူပြင်းလှတဲ့ အချိန်မျိုးအတွက် သဘာဝတရားက လူသားတို့အတွက် ထူးခြားဆန်းကြယ်စွာ ဖန်တီးပေးထားတဲ့ ထန်းသီးရဲ့ အသုံးဝင်ပုံတွေကို အသိပေးချင်ပါတယ်။

ထန်းသီးကို မသိသူအလွန်ရှားပါတယ်။ အသီးဟာ အလင်းထိုးဖေါက်နိုင်တဲ့ အရည်လဲ့နေတဲ့ အဖြူရောင် စားချင်စဖွယ် အသီးဖြစ်ပါတယ်။ ရာသီဥတု အပူဒါဏ်အတွက် မွန်းလွဲပိုင်းမှာ စားသုံးသင့်ပါတယ်။အသီးတင်မကပဲ ယင်းအပင်မှ ထွက်တဲ့အရည် (ထန်းရည်)ဟာလဲ လန်းဆန်း၊ ကျန်းမာစေပါတယ်။ မနက်အစောပိုင်းမှာ ရတဲ့ ထန်းရည်ချိုဟာ လူကိုယ်ခန္ဓာကို ပြန်လည် လန်းဆန်းစေပါတယ်။ ဒါပေမဲ့ မွန်းလွဲနဲ့ ညနေပိုင်းမှာတော့ အချဉ်ပေါက်သွားပြီး ခါးသက်၊ပြင်းထန်တဲ့ အရသာဖက်ကို ပြောင်းလဲသွားပါတယ်။

လည်းကောင်းတို့ကို စားသုံးခြင်းဖြင့် ရရှိနိုင်တဲ့ အကျိုးကျေးဇူးတွေကတော့

အသီးသည် ကိုယ်ခန္ဓာအတွက် အပူချိန်ကို သဘာဝအတိုင်း ထိန်းညှိပေးသည်။ မော်တော်ကားတို့တွင် ကားရေတိုင်ဂီ အပူလွန်ကဲခြင်း မဖြစ်စေရန် ရေဖြင့်ရောစပ်ရသည့် အပူချိန်ထိန်းသည့်အရည် (Radiator Coolant) ကဲသို့လုပ်ဆောင်ပေးသည့် Natural Coolant ဖြစ်သည်။

ထန်းသီးတွင် ဆိုဒီယမ်၊ ပိုတက်ဆီယမ်တို့ကဲ့သို့သော အဟာရဓာတ်များ အချိုးအစားမျှတစွာ ပါဝင်သဖြင့် ခန္ဓာကိုယ် ရေဓာတ်၊ အပူအအေးတို့ကို ထိန်းညှိပေးသည်။ အထူးခြားဆုံး အစွမ်းသတ္တိကတော့ နွေရာသီတွင် ပင်ပန်းနွမ်းလျမှုနှင့် ရေဓာတ် ဆုံးရှုံးမှုကို ကာကွယ်ပေးသည်။

ထန်းရည်ချိုကတော့ တစ်နေ့လျှင် တစ်ခွက်၊ နှစ်ခွက်လောက် သောက်သုံးပေးရင် အသီးကို စားသုံးသကဲ့သို့ပင် ပင်ပန်းနွမ်းလျမှုနှင့် ရေဓာတ်ဆုံးရှုံးခြင်းကို ကာကွယ်ပေးသည်။ တစ်ခွက်ရဲ့ ပမာဏကတော့ 300ml ခန့်ရှိပြီး အနီးစပ်ဆုံး မြင်သာအောင်ပြောရရင် ပက်စီအချိုရည် သံဗူး တစ်ဗူးစာခန့် ဖြစ်ပါတယ်။ (နိုင်ငံပေါ်မှာ မူတည်ပြီး ပမာဏ အနည်းငယ်စီ ကွာခြားတတ်သည်)

ကယ်လိုရီ မြင့်မားစွာ ပါဝင်တဲ့အတွက် ကိုယ်ခန္ဓာလုပ်ဆောင်မှု စွမ်းအင်ကို အမြင့်ဆုံးနှင့် အကြာဆုံးထိန်းသိမ်းထားနိုင်ပြီး နွေရာသီတွင် ပင်ပန်းနွမ်းနယ်မှု မဖြစ်စေနိုင်ပါ။ ဒါပေမဲ့ သကြားဓာတ်နဲ့ ကယ်လိုရီ မြင့်မားစွာ ပါဝင်တဲ့အတွက် ကိုယ်အလေးချိန် လျှော့ချနေသူတို့ အတွက်တော့ မသင့်တော်ပါ။

ကိုယ်ဝန်ဆောင် အမျိုးသမီးများ မသောက်သုံးသင့်ပါ။ သွေးတိုး၊ အသဲနှင့် နှလုံးရောရောဂါ ရှိသူများ ထန်းရည်ချိုကို သောက်သုံးရန် မသင့်ပါ။

ဒီလိုလူမျိုးတွေအတွက်တော့ ထန်းရည်ချိုသောက်မဲ့အစား ရိုးရိုးရေ တစ်ခွက်မှာ သံပုရာ၊ သံပယိုရည် အနည်းငယ်ရောပြီး ဆားအနည်းငယ်ထဲ့၍ သောက်သုံးနိုင်ပါတယ်။ သကြားထဲ့ရန်မလိုပါ။

Source: winnhlaingoo