နာရေးကူညီမှုအသင်း(ရန်ကုန်) က အရေးပေါ်လူနာတင်ယာဉ်အဖွဲ့ဖြစ်တဲ့ K - Ambulance အဖွဲ့ကတော့ ယခုနှစ် ရန်ကုန်သင်္ကြန် နေရာ(၇)နေရာမှာ ကူညီစောင့်ရှောက်မှုတွေပေးသွားဖို့ရှိတယ်လို့ သိရပါတယ်။
နာရေးကူညီမှုအသင်း(ရန်ကုန်)က အရေးပေါ်လူနာတင်ယဉ်အဖွဲ့ဖြစ်တဲ့ K - Ambulance အဖွဲ့အနေနဲ့ကတော့ ယခုနှစ် ရန်ကုန်သင်္ကြန် နေရာ(၇)နေရာ ဖြစ်တဲ့ မြို့တော်ဝန်မဏ္ဍပ်၊ အင်းယားကန်ပေါင်၊ မြကျွန်းသာကန်ပေါင်၊ ကန်တော်ကြီးပတ်လမ်း၊ သုဝဏ္ဏမြှိုနယ်ထဲက မဏ္ဍပ်၊ ဒဂုံမြို့သစ်မြောက်ပိုင်းနဲ့ မြောက်ဥက္ကလာပမြို့နယ်နဲ့ ခရိုင်မဏ္ဍပ်တွေရှိတဲ့နေရာတွေမှာ လူနာတင်ယာဉ်(၇)စီးနဲ့ အရေးပေါ်စောင့်ရှောက် ပေးသွားမှာ ဖြစ်တယ်လို့ နာရေးကူညီမှုအသင်း(ရန်ကုန်)အရေးပေါ်ဌာနမှ ကြီးကြပ်ရေးမှူး ကိုရဲသွင်ထွဋ်က ပြောပါတယ်။
နာရေးကူညီမှုအသင်း(ရန်ကုန်)က ဒီနှစ်သင်္ကြန်မှာ စေတနာ့ဝန်ထမ်း(၄၀)ကျော်နဲ့ အရေးပေါ်ကုသမှု တွေကို လုပ်ဆောင်ပေးသွားဖို့ ရှိတယ်လို့ ပြောပါတယ်။ ဒါ့အပြင် ဆရာဝန်တွေပါ လိုက်ပါပြီး ကုသမှုတွေကိုပါ လုပ်ဆောင်ပေးသွားမှာလည်း ဖြစ်ပါတယ်။ ယခင်နှစ်မှာတော့ ယာဉ်တိုက်မှု၊ အပူချိန်လွန်ကဲမှုကြောင့် ဖြစ်ပေါ်လာတဲ့ လူနာတွေနဲ့ ခိုက်ရန်ဖြစ်ပွားမှုတွေကြောင့် ဖြစ်ပေါ်လာတဲ့ အရေးပေါ်ကိစ္စတွေကို ကူညီစောင့်ရွက်ပေးခဲ့ တယ်လို့ သိရပါတယ်။
ယခင်နှစ်တွေက အတွေ့အကြုံတွေကို လိုက်ပါကူညီပေးဖြစ်ခဲ့တဲ့ ကိုဒွေးနဲ့ ကိုသော်ဇေယျာဝင်းတို့က အခုလို ပြောပြမှာပါ။ လူနာတင်ယာဉ်ပေါ်မှာလည်း ဆေးပစ္စည်းမျိုးစုံက ပါဝင်ပြီးသားဖြစ်တာကြောင့် နှစ်စဉ်နှစ်တိုင်း အရေးပေါ်လူနာတွေ ကို စနစ်တကျ စောင့်ရှောက်မှုပေးနိုင်ခဲ့တယ်လို့ သိရပါတယ်။
ဒါပေမဲ့ ဆေးရုံတွေကို ပို့ဆောင်ရာမှာတော့ အမြန်ဆုံးရောက်ရှိအောင် စောင်ရွက်ပေမဲ့လည်း အခက်အခဲကတော့ ရှိနေသေးတယ်လို့ နာရေးကူညီမှုအသင်း(ရန်ကုန်) အတွင်းရေးမှူး ဒေါ်ရွှေဇီးကွက်က ပြောပါတယ်။ နာရေးကူညီမှုအသင်း(ရန်ကုန်)က အရေးပေါ်လူနာတင်ယဉ်အဖွဲ့ဖြစ်တဲ့ K - Ambulance အဖွဲ့အနေနဲ့ ကတော့ သင်္ကြန်မှာ အရေးပေါ်စောင့်ရှောက်မှုပေးလာတာ (၇)နှစ်ရှိနေပြီ ဖြစ်တယ်လို့ သိရပါတယ်။
Source: MRTV-4
