သာမန်လူများထက် ကိုယ်ဝန်ဆောင်များသည် ဝက်တုပ်ကွေး နှင့်ရာသီအလိုက်ဖြစ်သော တုပ်ကွေး အပါအဝင် တုပ်ကွေးရောဂါ ကြောင့် ရှုပ်ထွေးမှုများနှင့်သေဆုံးမှုဖြစ်နိုင်သည့် အန္တရာယ်မြင့်မား ပြီး ဆေးရုံတက်ရနိုင်ခြေပိုများသည်။
သန္ဓေသားဖွံ့ဖြိုးကြီးထွားလာစဉ် မိခင်၏အသက်ရှူခြင်းနှင့်အဆုတ်လုပ်ဆောင်ချက်အပေါ် ဖိအား ပိုလာသောကြောင့် မိခင်သည် နမိုးနီးယားကဲ့သို့ ရောဂါများဖြစ်နိုင်သည့်အန္တရာယ် ပိုများလာ ကြောင်း ကျွမ်းကျင်သူများကပြောသည်။
ဝက်တုပ်ကွေးရောဂါကြောင့် မိခင်သေဆုံးမှုအများစုသည် ကိုယ်ဝန်တတိယသုံးလပတ် တွင် ဖြစ်ပေါ်လေ့ရှိသည်။
ကိုယ်ဝန်ဆောင်ရခြင်းကြောင့် ကိုယ်ခံအားစနစ်ကိုလည်း အပြောင်းအလဲများဖြစ်ပေါ်စေသဖြင့် ကိုယ်ဝန်ဆောင် နေချိန်အတွင်း တုပ်ကွေးကဲ့သို့ရောဂါများ ကူးစက်ဝင်ရောက်လာနိုင်သည်။
အမေရိကန်ရောဂါကာကွယ်ထိန်းချုပ်ရေးဌာန (CDC) ၏ လမ်းညွှန်မှုများအရ ကိုယ်ဝန်ဆောင်အမျိုးသမီး များသည် ရောဂါကူးစက် နိုင်သည့် အန္တရာယ်မြင့်မားသောကြောင့် ကိုယ်ဝန်ဆောင်များ၊ ပြုစု ပေးနေသူများနှင့် ကလေးနှင့်အတူနေထိုင်နေသူများကို ကာကွယ် ဆေးကြိုတင်ထိုးထားရန် ပညာရှင်များကအကြံပေးထားသည်။
ကာကွယ်ဆေးမထိုးရသေးလျှင် အဖျားတက်ခြင်း၊ ကြွက်သား များနာကျင်ခြင်းနှင့် အသက်ရှူလမ်းကြောင်း အပေါ်ပိုင်း ရောဂါ လက္ခဏာများ ပြသနေခြင်းအပါအဝင်တုပ်ကွေးရောဂါကဲ့သို့ ရောဂါလက္ခဏများ ပြသနေသူများနှင့် ထိတွေ့တွေ့ဆုံခြင်းကို ရှောင်ရှားသင့်သည်။
ကိုယ်ဝန်ဆောင်များအနေဖြင့် လက်များကို မကြာခဏဆေးကြောသန့်စင်သင့်ပြီး မျက်စိ၊ နှာခေါင်းနှင့် ပါးစပ်တို့ကို လက်ဖြင့်မထိသင့်ဟု ပညာရှင်များက လမ်းညွှန်သည့် ဝက်တုပ်ကွေးပျံ့နှံ့ နေစဉ် ကိုယ်ဝန်ဆောင်များ အနေဖြင့် လူထူထပ်သောနေရာများသို့ မသွားသင့်ပေ။
အကယ်၍ ကိုယ်ဝန်ဆောင်ထားချိန်တွင် ဝက်တုပ်ကွေးကူးစက် ခံရပါက တတ်နိုင်သမျှ အမြန်ဆုံး ဆေးဝါးကုသမှု ခံယူရန်လိုသည်။
တုပ်ကွေးရောဂါအတွက် လက်ရှိကျယ်ကျယ်ပြန့်ပြန့်သုံးနေ သော Tamiflu (သို့မဟုတ်) Relenza ဆေးများသုံးစွဲမှုကြောင့် သန္ဓေသားကို ထိခိုက်ခြင်းရှိသည်ဆိုသော အထောက်အထားမတွေ့ ရကြောင်း ပညာရှင်များကပြောသည်။
တုပ်ကွေးဗိုင်းရပ်စ်ကူးစက်မှု နေရာအနှံ့အပြား ဖြစ်ပေါ်နေချိန် အတွင်း မိခင်မှတစ်ဆင့် သန္ဓေသားထံသို့ သွေးသယ်ဆောင်ပေးသည့် အချင်းတိုင် ရောဂါပိုးဝင်နိုင်သည့်ဝက်တုပ်ကွေးကူးစက်ခံရသော အမျိုးသမီးသည် လမစေ့ဘဲကလေးမွေးနိုင်ပြီး ယခင်ကရောဂါ ပျံ့နှံ့စဉ်ကာလများအတွင်း ကလေးအသေမွေးခြင်း၊ ပျက်ကျခြင်း၊ လမစေ့ဘဲမွေးခြင်းတို့ ဖြစ်ပေါ်ခဲ့သည်။
တုပ်ကွေးဖြစ်နေသော မိခင်ရောဂါ သက်သာလာပါက ကလေးကို မိခင်နို့တိုက်ကျွေးနိုင်သည်။ နို့တိုက်ခြင်းမှတစ်ဆင့် ဗိုင်း ရပ်စ်ကူးစက်သည်ဆိုခြင်းမျိုး မတွေ့ရသေးဘဲ ထိုသို့ကူးစက်မှုများ သည် အလွန်ကြုံတောင့်ကြုံခဲ ကိစ္စဖြစ်သည်။
READ - ကိုယ်ဝန်သည် ခွဲမွေးခြင်းနှင့် ပတ်သက်သော လွဲမှားသည့် အယူအဆများ
Source: 7 day daily
