What's New



×

Warning

JUser: :_load: Unable to load user with ID: 62

Thursday, 12 November 2020 17:48

ဆီးမထိန်းနိုင်ခြင်းအတွက် ဆောင်ရန်၊ ရှောင်ရန်များ

အသက် ၄၅ နှစ်မှ ၆၀ နှစ်ကြား အမျိုုးသမီးတွေရဲ့ ၅၀ ရာခိုင်နှုန်းခန့်ဟာ ဆီးမထိန်းနိုင်တဲ့ပြဿနာရှိကြပါတယ်။

 

ရုတ်တရက် ဆီးသွားချင်စိတ်ပေါက်လာပြီး အိမ်သာကို မရောက်ခင်မှာဘဲ ဆီးထွက်သွားတတ်တဲ့ အမျိုးအစားကတော့ Urge Incontinence လို့ခေါ်ပြီး ဆီးအိတ်အလုပ်လွန်တာကြောင့် ဖြစ်တာပါ။ ဆီးအိတ်ကို ဆီးထိန်းထားနိုင်အောင် လေ့ကျင့်ပေးရပါမယ်။  တစ်နာရီခြားတစ်ခါ ဆီးသွားတဲ့ အကျင့်ကို တစ်ပတ်လောက်လေ့ကျင့်ပေးပြီး နောက်အပတ်ကစပြီး နာရီဝက်စီ တိုးသွားကာ သုံးနာရီလောက် ဆီးထိန်းနိုင်အောင် လေ့ကျင့်ပေးရပါ့မယ်။

 

တချို့အမျိုးသမီးတွေက ရယ်မောတဲ့အခါ၊ နှာချေတဲ့အခါ၊ ချောင်းဆိုးတဲ့အခါ ဒါမှမဟုတ် လေ့ကျင့်ခန်းလုပ်တဲ့အ ခါမှာ ဆီးထွက်ကျတတ်တာကို Stress Incontinence လို့ခေါ်ပြီး မီးယပ်သွေးဆုံးပြီး နောက်ပိုင်း အီစထရိုဂျင် လျော့ကျသွားတာကြောင့်ဖြစ်တာပါ။   သဘာဝအတိုင်း ကလေးမွေးဖွားစဉ်မှာလည်း ဆီးအိတ်ရဲ့တစ်သျှူးတွေက ဖိအားသက်ရောက်မှုခံရပြီး အားပျော့သွားတာကြောင့် မီးယပ်သွေးဆုံးပြီးနောက်ပိုင်းမှာ ဆီးမထိန်းနိုင်တဲ့ပြဿနာ တွေဖြစ်တတ်ပါတယ်။

 

ဆီးမထိန်းနိုင်သူတွေကို ရေလျှော့သောက်ခိုင်းတဲ့အကျင့်က မှားယွင်းပါတယ်။ ရေလျှော့သောက်လိုက်တာကြောင့် ဆီးထိန်းနိုင်မှာ မဟုတ်ပါဘူး။ ဆီးက ပိုပျစ်သွားပြီး ဆီးအိတ်ရဲ့နံရံတွေကို လှုံ့ဆော်မှုပေးနိုင်တဲ့အတွက် ပိုပြီးတော့တောင် ဆီးမထိန်းနိုင်တော့ပါဘူး။ ဆီးမထိန်းနိုင်တဲ့သူတွေ ဆောင်ရန်၊ ရှောင်ရန် အစားအစာတွေကို ဖော်ပြပေးလိုက်ပါတယ်။

 

စားသင့်သည့် အစားအစာများ

သခွားသီး

သခွားသီးမှာပါဝင်တဲ့ Silica က သူ့မှာ ပါဝင်တဲ့ရောင်ရမ်းမှုကို လျော့ကျစေတဲ့ ဂုဏ်သတ္တိကြောင့် ဆီးအိတ်ကို အထောက်အပံ့ပေးနိုင်ပါတယ်။ မြေပဲ၊ နေကြာစေ့၊ ဗာဒံစေ့၊ မုန်လာဥနီ၊ ပန်းသီး၊ ကြက်သွန်နီ၊ ဖရုံသီးနဲ့ ငါးတွေ  မှာလည်း Silica များစွာ ပါဝင်တဲ့အတွက် ဆီးမထိန်းနိုင်သူတွေ စားသင့်တဲ့အစားအစာတွေပါ။

 

Vitamin C ပိုမိုစားသုံးပါ

ဗီတာမင်စီက ဆီးအိတ်နဲ့ယောနိကို ထောက်ပံ့ပေးတဲ့တစ်သျှူးတွေရဲ့ ကျုံ့နိုင်၊ ဆန့်နိုင်အားကောင်းစေနိုင်တဲ့ ကော်လာဂျင်ထုတ်လုပ်မှုကို ကောင်းမွန်စေနိုင်ပါတယ်။ အရောင်စုံပါဝင်တဲ့အစားအစာတွေကို စားပေးတာက ဗီတာမင်စီ ပမာဏများစွာ ရရှိစေနိုင်တဲ့အပြင် ကော်လာဂျင်ထုတ်လုပ်မှုကို ကူညီပေးနိုင်တဲ့ Bioflavonoids ရရှိနိုင်ပါတယ်။

 

မဂ္ဂနီဆီယမ်

ကိုက်လန်၊ ဂေါ်ဖီထုပ်နဲ့ အစိမ်းရောင် ပန်းဂေါ်ဖီတွေမှာပါဝင်တတ်တဲ့ မဂ္ဂနီဆီယမ်ဟာ ကြွက်သားနဲ့ အာရုံကြောလုပ်ငန်းတွေကို ကောင်းမွန်စေနိုင်တဲ့အတွက် ဆီးမထိန်းနိုင်သူတွေကို အကူအညီရရှိနိုင်ပါတယ်။

 

ရှောင်သင့်သည့် အစားအစာများ

အရက်

အယ်လ်ကိုဟောဟာ ဦးနှောက်မှဆီးအိတ်ကို အချက်ပြတဲ့စနစ်ကို အနှောင့်အယှက်ပေးနိုင်ပါတယ်။ ဒါကြောင့် အရက်သောက်ထားသူတွေက ပိုပြီးတော့ ဆီးမထိန်းတတ်ကြပါဘူး။

 

ကဖင်း

ကဖင်းက ဆီးရွှင်နိုင်တဲ့ဂုဏ်သတ္တိရှိတဲ့အတွက် ကော်ဖီများများသောက်သူတွေက ဆီးမထိန်းနိုင်တာနဲ့ ဆက်စပ်မှုရှိပါတယ်။

 

အချိုစာများ

အချိုစာတွေက ကျန်းမာရေးအတွက် ဆိုးရွားစေနိုင်တာကြောင့် သင့်ကျန်းမာရေး ကောင်းဖို့အတွက် အချိုစာတွေကို တတ်နိုင်သမျှ လျှော့စားသင့်ပါတယ်။ အချိုစာတွေက ဆီးအိတ်ကို လှုံ့ဆော်မှုပေးနိုင်တာကြောင့် ဆီးထိန်းရ ပိုမို ခက်ခဲသွားနိုင်ပါတယ်။

 

အစပ်စာများ

အစာလွန်ကဲတဲ့အစားအစာတွေက ဆီးအိတ်နံရံကို လှုံ့ဆော်မှုပေးနိုင်တာကြောင့် ဆီးထွက်ကျနိုင်ပါတယ်။ ဒါကြောင့် ဆီးမထိန်းသူတွေအနေနဲ့ ငရုတ်သီးနဲ့ Wasabi လိုမျိုး အစားအစာတွေ ရှောင်သင့်ပါတယ်။

 

Good Health Journal

Read times Last modified on Thursday, 12 November 2020 17:51
Rate this item
(0 votes)