မျက်စိညောင်းညာခြင်းကို ကုသနည်း
အိပ်ရေး ပျက်တာက မျက်စိ ညောင်းညာမှု ဖြစ်စေတဲ့ အဓိက အကြောင်းရင်း ဖြစ်ပါတယ်။
တခြားအကြောင်းရင်းတွေက စိတ်ဖိစီးမှု များတာ ၊ မျက်ကပ် မှန်ကြောင့် စပ်ဖျဉ်းဖျဉ်း ဖြစ်တာ ၊ ရေဓာတ်ခမ်း ခြောက်တာ ၊ ဆေးကု သမှု တချို့၊ ကွန်ပျူတာ အသုံးများတာ၊ နှာခေါင်း ပိတ်တာ၊ စာဖတ်များ တာနဲ့ တောက်ပတဲ့ အလင်းရောင်ကို ကြာကြာ ကြည့်မိတာ တွေကြောင့် ဖြစ်တတ်ပါတယ်။
မျက်စိ ညောင်းညာသော အဓိက လက္ခဏာများ
- မျက်စိကို ဖွင့်ထားရင် လေးလံပြီး မသက်မသာ ခံစားရခြင်း။
- မျက်စိစပ်ဖျဉ်းဖျဉ်းဖြစ်ခြင်း ၊ မသက်မသာဖြစ်ခြင်း။
- မျက်စိခြောက်သွေ့တာ ၊ မျက်စိနာတာ ၊ မျက်ရည်ကျတာ ။
- ခေါင်းကိုက်တာနဲ့ အလင်းရောင် ထိတွေ့ရင် ကျိန်းစပ်စပ်ဖြစ်ခြင်း။
မျက်စိညောင်းညာမှု သက်သာစေရန် ပြုလုပ်ပုံ
- ရေခဲ သေတ္တာထဲမှာ အေးခဲအောင် သိမ်းထားတဲ့ လက်ဖက် အိတ်နှစ် အိတ်ကို ယူပြီး မျက်စိ ပေါ်ကို မိနစ် ၂၀ ကြာ တင်ထား ပါ။
- လတ်ဆတ်သော သခွားသီး စိတ်ကို မျက်စိပေါ်မှာ မိနစ် ၃၀ ကြာ တင်လိုက်ပါ။ ပြီးရင် မျက်စိကို ရေအေးနဲ့ ဆေးကြောသန့်စင် ပေးပါ။
- နှင်းဆီ ရေထဲမှာ စိမ်ထားတဲ့ ဝါဂွမ်းစကို မျက်စိပေါ်မှာ ၁၅ မိနစ်ခန့်တင်ပါ။
- အေးခဲနေတဲ့ နို့ထဲမှာ စိမ်ထားတဲ့ ဝါဂွမ်းစကို မျက်ခွံပေါ်မှာ မိနစ် အနည်းငယ်ကြာ တင်ပေးပါ။
- ရေခဲ သေတ္တာထဲ ထည့်ထားတဲ့ ဇွန်းနှစ်ချောင်းကို မျက်စိပေါ် တင်ပေးပါ။
- ရေဓာတ် ခန်းခြောက်မှုကြောင့် မျက်စိ ညောင်းညာမှု မဖြစ် အောင် တစ်နေ့လုံး ရေများများ သောက်ပေး ရပါမယ်။
- မျက်စိကို သန့်ရှင်းတဲ့ ရေခဲရေနဲ့ မကြာခဏ ဆေးကြော ပေးတာက မျက်စိ ညောင်းညာမှု၊ ယားယံမှုနဲ့ နွမ်းနယ်မှု သက်သာ စေပါတယ်။