ဘားလမ်းဆေးရုံ (မွတ်စလင်ကုသိုလ်ဖြစ်ဆေးရုံ)တွင် တာဝန် အသက် (၇၂နှစ်) ဝန်းကျင် မေ့ဆေးဆရာဝန် တစ်ဦး COVID-19 ရောဂါ ပိုးတွေ့ရှိခဲ့ပါတယ်။
ရှေ့အပတ် ဗုဒ္ဓဟူးနေ့ စက်တင်ဘာလ ၁၈ ရက်နေ့မှာ ဘားလမ်းဆေးရုံတွင် တာဝန်ကျ မေ့ဆေးဆရာဝန် တစ်ဦး COVID-19 ရောဂါပိုးရှိမရှိ စစ်ဆေးခဲ့ရမှ ရောဂါပိုးတွေ့ရှိခဲ့တယ်လို့ သိရပါတယ်။ ထိုဆရာဝန်သည် လက်ရှိအချိန် Quarantine ဝင်နေတယ်လို့လည်း သိရပါတယ်။ ဘားလမ်းဆေးရုံမှ တာဝန်ရှိသူများက ရောဂါပိုးတွေ့ရှိမှုအပေါ် မေ့ဆေးဆရာဝန် နဲ့ အနီးကပ် ထိတွေ့ခဲ့သူ သူနာပြု အယောက် ၂၅ ကို စက်တင်ဘာလ ၂၄ ရက်နေ့ COVID-19 ရောဂါပိုးရှိမရှိ စစ်ဆေးရန် တို့ဖက် နမူနာများကို ရယူခဲ့ ပါတယ်။
စက်တင်ဘာလ ၂၆ ရက်နေ့တွင် COVID-19 ရောဂါပိုးရှိမရှိ စစ်ဆေးမှု အဖြေရလာဒ်တွင် ဘားလမ်းဆေးရုံမှ တာဝန်ကျ မေ့ဆေးဆရာဝန် နဲ့ ထိတွေခဲ့သူ သူနာပြု ၂၅ ယောက် မှ ၂၀ ယောက် ရောဂါပိုးတွေ့ရှိခဲ့ပါတယ်။
ဘားလမ်းဆေးရုံမှ COVID-19 ရောဂါပိုးတွေ့ရှိသူ သူနာပြု ၂၀ ယောက်ကို လက်ရှိအချိန် ဆေးရုံ Quarantine အဖြစ် ထားရှိထားတယ်လို့ သိရပါတယ်။
အဆိုပါ ရောဂါတွေ့ရှိဟာဆိုရင် ဘားလမ်းဆေးရုံကို ယာယီပိတ်ထားဖို့ ပြုလုပ်နေစဉ်မှာပဲ အချိန်တိုတိူအတွင်း ဖြစ်ပွားခဲ့တယ်လို့လည်းသိရပါတယ်။ လက်ရှိအချိန်မှာ ဘားလမ်းဆေးရုံတွင် ဆေးကုသမှုများ ယာယီ ရပ်နားထားတယ်လို့လည်း သိရပါတယ်။
လက်ရှိ မြန်မာနိုင်ငံတွင် (၂၅-၉-၂၀၂၀) ရက်နေ့၊ ည (၈:၀၀)နာရီမှ (၂၆-၉-၂၀၂၀) ရက်နေ့၊ ည (၈:၀၀)နာရီအတွင်း ဓာတ်ခွဲနမူနာ စုစုပေါင်း (၅,၈၁၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြု လူနာသစ် (၈၈၀) ဦး တွေ့ရှိရပါသည်။
(၂၆-၉-၂၀၂၀) ရက်နေ့၊ ည (၈:၀၀)နာရီအထိ မြန်မာနိုင်ငံတွင် COVID-19 ရောဂါဓာတ်ခွဲ အတည်ပြုလူနာ (၉,၉၉၁) ဦးရှိပြီ ဖြစ်ပါသည်။
ဓာတ်ခွဲအတည်ပြု လူနာဟောင်း (old confirmed case) များအနက် စုစုပေါင်း (၂,၆၈၁) ဦး အား ဆေးရုံမှဆင်းခွင့်ပြုခဲ့ပြီးဖြစ်ပါသည်။ ယနေ့အထိ ဓာတ်ခွဲအတည်ပြုလူနာများအနက် သေဆုံးသူပေါင်း (၁၉၈)ဦး ရှိပါသည်။
Written By Aung Win (Myanmar Health Products Guide)