ရန်ကုန်တိုင်းဒေသကြီး ကျန်းမာရေးဦးစီးဌာန Yangon Regional Health department မှ
လူနာအမှတ် ၄၆၄ နှင့် ၄၆၅ တို့နှင့် ပတ်သက်၍ သတင်းအမှား ထွက်ပေါ်နေသဖြင့် သတင်းအမှန်ထုတ်ပြန်ကြေညာထားသည်ကို ဖော်ပြအပ်ပါသည်။
သတင်းအမှန်အားအသိပေးဖော်ပြခြင်း
ရန်ကုန်တိုင်းဒေသကြီးတွင် ၂၀ရက်နေ့မှစ၍ ယနေ့၂၄ရက်နေ့အထိ ရခိုင်ပြည်နယ် စစ်တွေမြို့၊ သံတွဲမြို့၊ကျောက်ဖြူမြို့တို့မှ လေကြောင်း၊ကုန်းကြောင်းဖြင့် လာသူ ၅၄၂ ဦးအား Quarantine ထားရှိထားပြီး ဓာတ်ခွဲနမူနာစစ်ဆေးခြင်းများဆောင်ရွက်ပေးနေပါသည်။
ယနေ့ ပိုးတွေ့ရှိရသော လူနာအမှတ် ၄၆၄ နှင့် ၄၆၅ တို့မှာ စစ်တွေမှရန်ကုန်သို့ ၂၀ ရက်နေ့တွင် လေကြောင်းလိုင်းမှဝင်ရောက်ခဲ့သဖြင့် ချက်ချင်းပင် လေဆိပ်မှ Quarantine Center သို့ပို့ဆောင်ပြီး စစ်ဆေးပေးခဲ့ရာ ရောဂါရှိကြောင်းအတည်ပြုနိုင်ခဲ့ခြင်းဖြစ်ပါသည်။
ယခု အင်တာနက်စာမျက်နှာများတွင်ပျံ့နှံ့နေသော ရပ်ကွက်သတင်းပေးမှုဖြင့် Q ဝင်ခဲ့ရခြင်း ၎င်းနေထိုင်ရာ ရန်ကုန်ရှိနေရာအားLockdown လုပ်ထားသည်ဟု ရေးသားဖော်ပြခြင်းမှာ သတင်းအမှားသာဖြစ်ကြောင်းအသိပေးအပ်ပါသည်။
ရန်ကုန်တိုင်းဒေသကြီး ကျန်းမာရေးဦးစီးဌာန
ဆက်စပ်ဖတ်ရှုရန် ခေါင်းစဉ်ပြာကို ထိပါ