What's New




Wednesday, 01 December 2021 11:02

Omicron ကို တောင်အာဖရိကမှာ တွေ့ရှိကြောင်း မကြေညာခင်ကတည်းက ဥရောပမှာ ရောက်ရှိနေ

ကိုဗစ်မျိုးကွဲသစ် Omicron ကို တောင်အာဖရိကမှာ တွေ့ရှိကြောင်း တရားဝင် အတည်မပြုခင်ကတည်းက အနောက်ဥရောပမှာ ရောက်ရှိနေပြီဖြစ်ကြောင်း အထောက်အထားသစ်တွေ ထွက်ပေါ်လာပါတယ်။

နယ်သာလန်နိုင်ငံကို တောင်အာဖရိကကနေ လေကြောင်းက ရောက်လာတဲ့ ခရီးသည်တွေမှာ ရောဂါပိုးသစ် ကူးစက်မှု ပထမဆုံး အတည်ပြုခဲ့တဲ့ ပြီးခဲ့တဲ့ သောကြာနေ့ မတိုင်ခင် သီတင်းတပတ်တိတိစောတဲ့ နိုဝင်ဘာလ ၁၉ ရက်နေ့မှာ ကတည်းက ရောဂါပိုးသစ်ကို ဓာတ်ခွဲနမူနာတွေမှာ တွေ့ရှိထားကြောင်း အင်္ဂါနေ့မှာပဲ တာဝန်ရှိသူတွေ ပြောဆိုခဲ့ကြတာပါ။

ဗြိတိန်၊ ကနေဒါ၊ စကော့တလန်၊ သြစတြေးလျ၊ သြစတြီးယား၊ စပိန်၊ ဆွီဒင်နိုင်ငံတွေမှာလည်း ရောဂါပိုးသစ် တွေ့ရှိမှု အတည်ပြုထားပြီး ပြင်သစ်နဲ့ ဂျပန်နိုင်ငံတို့ကလည်း ပထမဆုံး ကူးစက်မှုတွေကို အင်္ဂါနေ့က အတည်ပြုလိုက်တာကြောင့် အခုဆိုရင် Omicron ပိုးသစ်ကူးစက်တဲ့ နိုင်ငံပေါင်း ၂၀ လောက် ရှိနေပါပြီ။

ရောဂါပိုးသစ် ကူးစက်မှုတွေ ပျံ့နှံ့လာနေချိန်မှာပဲ လက်ရှိကိုဗစ်ကာကွယ်ဆေးတွေဟာ ထိရောက်မှု နည်းနိုင်တယ်လို့လည်း ကာကွယ်ဆေးထုတ်လုပ်တဲ့ Moderna ဆေးကုမ္ပဏီရဲ့ အကြီးအကဲ Stephane Bancel က အင်္ဂါနေ့မှာပဲ Financial Times သတင်းစာကို ပြောလိုက်ပါတယ်။

AstraZeneca ကာကွယ်ဆေး ပူးတွဲ ထုတ်လုပ်တဲ့ ဗြိတိန် Oxford တက္ကသိုလ်က သိပ္ပံပညာရှင်တွေကတော့ လက်ရှိကာကွယ်ဆေးတွေဟာ ကိုဗစ်ရောဂါပိုးတွေကို ထိထိရောက်ရောက် ကာကွယ်နိုင်တာ တွေ့ရပြီး Omicron ပိုးသစ်ကို အကာအကွယ် မပေးနိုင်တဲ့ အထောက်အထားမျိုး မတွေ့ရသေးဘူးလို့ ပြောပါတယ်။
ဗီအိုအေ

အောမာခရွန် လူနာ တွေ့ရှိ နိုင်ငံများနှင့် ဦးရေ

Read times
Rate this item
(0 votes)