စင်ကာပူမှ မြန်မာသံရုံး ဝန်ထမ်း ကိုဗစ်ကူးစက်သဖြင့် ဗီဇာကိစ္စများ ယာယီရပ်ဆိုင်းထား

၁၄-၁၂-၂၀၂၁ ရက်နေ့ ည ၂၃၀၀ နာရီအချိန် ပုံမှန် ART စစ်ဆေးချက်အရ ဝန်ထမ်းတစ်ဦး COVID-19 Positive တွေ့ရှိပါသဖြင့် ၁၅-၁၂-၂၀၂၁ ရက်နေ့ မှစတင်၍ ကောင်စစ်လုပ်ငန်းများ နှင့် ဗီဇာလုပ်ငန်းများ ခေတ္တရပ်နားထားမည်ဖြစ်ဖြစ်ကြောင်း စင်ကာပူနိုင်ငံရှိ မြန်မာသံရုံးက အသိပေးကြေညာချက် ထုတ်ပြန်ထားပါသည်။

ရုံးလုပ်ငန်းများ ပြန်လည်လုပ်ဆောင်မည့် နေ့ရက်အား ထပ်မံအသိပေး အကြောင်းကြား ပေးသွားမည် ဖြစ်ပြီး ခေတ္တ ရုံးပိတ်ထားသည့် ရက်များအတွင်း နိုင်ငံကူးလက်မှတ်များ သက်တမ်း တိုးရန် appointment ရရှိထားသူ မြန်မာနိင်ငံသားများအတွက် ဆောင်ရွက်ပေးမည့် အစီအစဉ် ကိုလည်း ထပ်မံ အသိပေး သွားမည်ဖြစ်ပါကြောင်း ဖော်ပြထားပါသည်။