ပါးစပ်ထဲကနေ ထွက်လာတဲ့ ချွဲသလိပ်အရောင်ကနေပြီး အဆုတ်နဲ့ အသက်ရှူလမ်းကြောင်းမှာရှိတဲ့ အခြားအင်္ဂါတွေနဲ့ဆိုင်တဲ့ သတင်းအချက်အလက်တွေ အများကြီး ပေးနိုင်ပါတယ်။

ချွဲအကြည်

- အရောင်ကြည်နေတဲ့ ချွဲက ပုံမှန်ဖြစ်ပြီး ဒီထဲမှာ ရေ၊ ဆား၊ ပဋိပစ္စည်းနဲ့ အခြားခုခံအားစနစ်မှာ ပါဝင်တဲ့ ဆဲလ်တွေ ပါဝင်ပါတယ်။

- ဒီအချွဲတွေကို အသက်ရှူလမ်းကြောင်းထဲမှာ ထုတ်ပြီးတဲ့နောက် အများစုက လည်ချောင်းထဲကို ကျပြီး မျိုချလိုက်ပါတယ်။

အဖြူရောင်ချွဲ

- ချွဲက အဖြူရောင် ဖြစ်နေတယ်ဆိုရင် နှာခေါင်းပေါက် အတွင်းရောင်တာကြောင့် ဖြစ်နိုင်ပါတယ်။

- နှာခေါင်းရောင်တဲ့အခါမှာ ချွဲတွေ အသက်ရှူလမ်းကြောင်းတစ်လျှောက် သွားတာကို နှေးစေပါတယ်။ ဒါကြောင့် ချွဲက ပိုပျစ်ပြီး အဖြူရောင် ဖြစ်စေပါတယ်။

အဝါရောင်ချွဲ

- ရောဂါပိုးဝင်တဲ့ လက္ခဏာပါ။ ရောဂါပိုး ဝင်တဲ့အခါမှာ ခုခံအားစနစ်မှာ ပါဝင်တဲ့ သွေးဖြူဥတွေက ရောဂါပိုးတွေကို တိုက်ခိုက်ပြီး ချွဲထဲမှာ ပါလာတဲ့အတွက် ချွဲကို အဝါရောင် ဖြစ်စေပါတယ်။

အစိမ်းရောင်ချွဲ

- ခုခံအားစနစ် တုံ့ပြန်တဲ့အခါမှာ ထွက်လာတဲ့ သွေးဖြူဥ၊ ပိုးမွှားများနဲ့ ပရိုတင်းတွေက ချွဲကို အစိမ်းရောင် ပြောင်းစေပါတယ်။

- ဒါကြောင့် အစိမ်းရောင်ချွဲက ခုခံအားစနစ်က တုံ့ပြန်မှုတွေ ကျယ်ကျယ်ပြန့်ပြန့် ဖြစ်နေတယ်လို့ ဆိုလိုပါတယ်။

အနီရောင်ချွဲ

- ဒါကတော့ ချွဲထဲမှာ သွေးပါတဲ့ လက္ခဏာပါ။ သွေးပါရတဲ့ အကြောင်းအရင်းကတော့ အမျိုးမျိုး ရှိပါတယ်။

- အသက်ရှူလမ်းကြောင်းထဲ ပိုးဝင်ခြင်းကြောင့် ချောင်းတွေ အရမ်းဆိုးတဲ့အခါမှာလည်း အဆုတ်နဲ့ အသက်ရှူလမ်းကြောင်း တစ်လျှောက်မှာရှိတဲ့ သွေးကြောလေးတွေပေါက်ပြီး သွေးထွက်တတ်သလို တစ်ခါတလေမှာ ရောဂါကြီးကြီးမားမား တစ်ခုကြောင့်လည်း ချွဲထဲမှာ သွေးပါနိုင်ပါတယ်။

အညိုရောင်ချွဲ

- အထဲမှာ သွေးထွက်ပြီး အတော်ကြာမှ ချွဲထဲမှာ သွေးပါလာရင်တော့ အညိုရောင် ဖြစ်တတ်ပါတယ်။

အမဲရောင်ချွဲ

- မှိုစွဲရင် အမည်းရောင်ချွဲ ထွက်တတ်ပါတယ်။ တကယ်လို့ အမည်းရောင်ချွဲတွေ ထွက်တယ်ဆိုရင် (အထူးသဖြင့် ခုခံအား မကောင်းတဲ့သူတွေမှာ) ဆေးခန်း အမြန်ဆုံး ပြသသင့်ပါတယ်။

Source: drmyanmar.com