ရုံးပတီသီးကို ငပိရည်တို့စရာအဖြစ် ပြုတ်စားကြသလို ဟင်းချိုထဲထည့်၍ဖြစ်စေ ကြော်၍ဖြစ်စေ စားကြပါတယ်။ ရုံးပတီသီးရဲ့ စားခြင်းဖြင့် ထူးခြားတဲ့ ကျန်းမာရေးအကျိုးတွေကို ဖော်ပြပေးလိုက်ပါတယ်။

၁. ဆီးချိုထိန်းပေး

ရုံပတီသီးမှာ အစာခြေလမ်းကြောင်းမှ သကြားစုပ်ယူမှုနှုန်းကို ထိန်းညှိပေးခြင်းအားဖြင့် သွေးချိုနှုန်းကို တည်ငြိမ်စေတဲ့ အမျှင်တွေကြွယ်ဝပါတယ်။

၂. နလုံးရောဂါကာကွယ်ပေး

သွေးထဲမှာ ကိုလက်စထရောနှုန်းမျတဲ့အတွက် နှလုံးရောဂါဖြစ်လာရပါတယ်။ ရုံပတီသီးထဲမှာရှိတဲ့ Pectin လိုခေါ်တဲ့ ပျော်ဝင်လွယ်အမျှင်ဓာတ်က ကိုလက်စထရောနှုန်းကို ကျဆင်းစေပြီး နှလုံးရောဂါမှ ကာကွယ်ပေးပါတယ်။

၃. ကိုယ်အလေးချိန်လျော့ကျစေ

ကိုယ်အလေးချိန်လျှော့ချတဲ့အခါ ရုံးပတီသီးစားပေးလို့ရပါတယ်။ သူ့မှာရှိတဲ့ ကယ်လိုရီဟာ အင်မတန်နည်းပြီး ၁၀၀ဂရမ် စားရင်တောင် ၃၃ကယ်လိုရီသာရမှာ ဖြစ်ပါတယ်။

၄. ကိုယ်ခံအားကို တိုးမြှင့်ပေး

တစ်နေ့ ရုံပတီသီး ၁၀၀ဂရမ်စားပေးခြင်းဖြင့် လူတစ်ယောက်ရဲ့တစ်နေ့တာအတွက်လိုအပ်သော Vitamin C ဓာတ်ကိုရရှိမှာဖြစ်ပါတယ်။ Vitamin C ဟာ ခန္ဓာကိုယ်ခုခံစွမ်းအားအတွက် အေရးပါတဲ့ အာဟာရဓာတ်ဖြစ်ပြီး ရောဂါနဲ့ ကူးစက်ရောဂါတွေမှလည်း ကာကွယ်ပေးပါတယ်။

၅. ဦးနှောက်၏ လုပ်ဆောင်ချက်ကိုမြှင့်တင်ပေး

ဦးနှောက်ရဲ့ လုပ်ဆောင်ချက်ပုံမှန်ဖြစ်စေရန် လိုအပ်တဲ့ ဒြပ်ပေါင်းများစွာထုတ်လုပ်ပေးရာမှာကူညီနိုင်တဲ့ Folate နဲ့ Vitamin B9 အာဟာရဓာတ်နှစ်မျိုး ရုံးပတီသီးထဲမှာ ပါဝင်ပါတယ်။

၆. ကိုယ်ဝန်ဆောင်မိခင်များအတွက် သင့်တော်

ရုံးပတီသီးထဲမှာ B9 နဲ့ ဖော်လစ်အက်ဆစ် (Folic Acid) ပါဝင်တာကြောင့် ကိုယ်ဝန်သည်တွေမီးဖွားတဲ့အခါ အာရုံကြောချွတ်ယွင်းမှုကို တားဆီးပေးပါတယ်။

၇. ကင်ဆာရောဂါမှ ကာကွယ်ပေး

အာဟာရဆိုင်ရာ ဂျာနယ်တစ်ခုမှာ ဖော်ပြခြင်းရတဲ့သုတေသန မှတ်တမ်းအရ ရုံးပတီသီးဟာ တခြားသော ဟင်းသီးဟင်းရွက်တွေထက် ရောဂါခုခံနိုင်တဲ့အာဟာရဓာတ်ပိုပါဝင်ပါတယ်။ ယင်းဓာတ်က ကင်ဆာဆဲလ် ဖွံ့ဖြိုးမှုကို တားမြစ်ပေးပါတယ်။