ပုံမှန် ဆီးအရောင်ဟာ အဝါဖျော့ရောင်ကနေ ပယင်းရောင်အထိ ဖြစ်တတ်ပါတယ်။ ဆီးအရောင်က အမြဲတမ်းတော့ ပုံမှန် မဖြစ်တတ်ပါဘူး။
သောက်တဲ့ ဗီတာမင်ဘီ ဆေးပြားတွေကြောင့်လည်း ဆီးအရောင်ဟာ အစိမ်းရောင် သန်းသလို ထင်ရစေပြီး မုန်လာဥနီစားတာ များရင်လည်း အဝါရောင် သန်းနေတတ်ပါတယ်။ ဆီးအရောင် ပြောင်းလဲမှု အများစုဟာ အန္တရာယ် မရှိတတ်သလို စားတဲ့အစားအစာ ဆိုးဆေး၊ ဖြည့်စွက်ဆေးနဲ့ ဆရာဝန် ညွှန်ကြားတဲ့ တခြား ဆေးဝါးတွေကြောင့် ယာယီ ပြောင်းလဲတာမျိုး ဖြစ်တတ်ပါတယ်။ ယေဘုယျအားဖြင့် ပုံမှန်မဟုတ်တဲ့ ဆီးအရောင် ပြောင်းလဲတာဟာ ကူးစက်ပိုးဝင်တာ ဒါမှမဟုတ် ပြင်းထန်ဆိုးရွားတဲ့ နာမကျန်းဖြစ်တာတွေနဲ့ ဆက်စပ် နေတတ်ပါတယ်။
ဆီးအရောင် ပြောင်းလဲရသော လက္ခဏာရပ်များ
ပုံမှန်ဆီးအရောင်ဟာ သောက်သုံးတဲ့ ရေပမာဏပေါ် မူတည်ပြီး ပြောင်းလဲမှု ရှိနေပါတယ်။ အရည်ဟာ ဆီးထဲက အဝါရောင်ခြယ်ပစ္စည်းကို အားပျော့သွားစေတာကြောင့် သင့်အနေနဲ့ ရေများများ သောက်လေလေ၊ ဆီးအရောင်က ကြည်လင်လေလေပါပဲ။ ရေသောက်နည်းတာနဲ့ အလွန်အမင်း ရေဓာတ်ခန်းခြောက်တာတွေကြောင့် ဆီးအရောင်ဟာ ရင့်တတ်ပါတယ်။ ဒါက ပုံမှန်ဆီးအရောင် ပြောင်းလဲမှုပါ။ ပုံမှန်မဟုတ်ဘဲ ဆီးလမ်းကြောင်း ပိုးဝင်တာကြောင့် ဆီးအရောင် ပြောင်းလဲတာမျိုးလည်း ဖြစ်တတ်ပါတယ်။ ဆီးလမ်းကြောင်း ပိုးဝင်တာကြောင့် ဆီးအရောင်ပြောင်းရင် အောက်ပါ လက္ခဏာတွေလည်း ခံစားရတတ်ပါတယ်။
ဆီးသွားချင်စိတ် ပြင်းပြလွန်းခြင်း မကြာခဏ ဆီးသွားခြင်း၊ ဆီးသွားရင်း ပူစပ်ပူလောင် ခံစားရခြင်း ၊ ဖျားခြင်း၊ ချမ်းတုန်ခြင်း၊ ချွေးထွက်ခြင်း ၊ ဗိုက်အောင့်ခြင်း၊ ဆီးအနံ့ ပြင်းလွန်းခြင်း
ဆရာဝန်နှင့် ပြသသင့်သည့်အချိန်
ဆရာဝန်နဲ့ ချက်ချင်း တွေ့ဆုံသင့်တဲ့ လက္ခဏာရပ်တွေကတော့ အောက်ပါအတိုင်း ဖြစ်ပါတယ်။ ဆီးထဲ သွေးပါရင် ၊ အစားအသောက်၊ ဆေးဝါး၊ အားဖြည့်ဆေး၊ ဆိုးဆေး စတာတွေနဲ့ ဆက်စပ်မှု မရှိဘဲ ဆီးအရောင် ပြောင်းလဲနေရင် ၊ ဆီးအရောင်က အညိုရင့်ရောင် ဖြစ်နေရင်၊ အထူးသဖြင့် ဝမ်းအရောင်ဖျော့ပြီး အသားအရေနဲ့ မျက်စိပါ ဝါနေရင်။
ဆီးအရောင် ပြောင်းလဲရသော အကြောင်းရင်းများ
ဆီးဆိုတာ ကျောက်ကပ်ရှိ သွေးကနေ စစ်ထုတ်လိုက်တဲ့ စွန့်ပစ် ပစ္စည်းတွေနဲ့ အပိုရေတွေကို လုပ်ထားတာ ဖြစ်ပါတယ်။ ပုံမှန် မဟုတ်တဲ့ ဆီးအရောင်တွေဟာ အောက်ပါ အခြေအနေတွေနဲ့ ဆက်စပ်နေနိုင်ပါတယ်။
ဆီးက အနီရောင် သို့မဟုတ် ပန်းရောင် သန်းနေလျှင်
သွေး- သွေးနီဆဲလ်တွေ ပါရှိတာကြောင့် ဆီးအရောင်က နီတတ်ပါတယ်။ ဆီးလမ်းကြောင်း ပိုးဝင်တာ၊ ဆီးကျိတ်ကြီးတာ၊ ဆီးကျောက်တည်တာ၊ ကျောက်ကပ်ရောဂါ၊ ကျောက်ကပ်ကင်ဆာနဲ့ ဆီးအိတ် ကင်ဆာ စတာတွေကြောင့် ဆီးအရောင် နီတတ်ပါတယ်။
အစားအစာ- ဘလက်ဘယ်ရီသီး၊ မုန်လာဥချို စတာတွေ အစားများတာကြောင့်လည်း ဆီးအရောင် နီတာ၊ ပန်းရောင် သန်းတာတွေ ဖြစ်တတ်ပါတယ်။
ဆေးဝါးများ- တချို့ ဝမ်းနုတ်ဆေးတွေနဲ့ ဆရာဝန် ညွှန်ကြားတဲ့ ဆေးဝါးတွေကြောင့်လည်း ဆီးအရောင် နီနိုင်ပါတယ်။
အဆိပ်များ- ခဲ၊ ပြဒါး စတာတွေနဲ့ တာရှည် ထိတွေ့ရကာ အဆိပ်သင့်တာကြောင့် ဆီးအရောင် နီတတ်ပါတယ်။
ဆီးက လိမ္မော်ရောင် သန်းနေလျှင်
အစားအသောက်နှင့် ဖြည့်စွက်ဆေး- ဗီတာမင်စီ ပါဝင်တဲ့ အစားအစာ၊ မုန်လာဥနီနဲ့ မုန်လာဥနီ ဖျော်ရည်တွေကြောင့် ဆီးအရောင်ဟာ လိမ္မော်ရောင် ပြောင်းတတ်ပါတယ်။ လက်ဖဝါးတွေ၊ ခြေဖဝါးတွေပါ လိုက်ပြီး ဝါနေတတ်ပါတယ်။ ဆေးဝါးများ- ပဋိဇီဝ ပိုးသတ်ဆေးတချို့၊ သွေးကျဲဆေး စတာတွေကြောင့် ဆီးအရောင်က လိမ္မော်ရောင် ပြောင်းတတ်ပါတယ်။ ရေဓာတ် ခန်းခြောက်ခြင်း- အရည်ကို နည်းနည်းပဲ သောက်တာကြောင့် ဆီးအရောင် ရင့်နိုင်ပါတယ်။
ဆီးက အပြာရောင် သို့မဟုတ် အစိမ်းရောင် သန်းနေလျှင်
အစားအစာ- ရေကညွတ်လို အစားအစာကြောင့် ဆီးအရောင် စိမ်းနိုင်သလို အနံ့လည်း စူးရှတတ်ပါတယ်။ ဆေးဝါး- မာလ်တီဗီတာမင်လို အားဆေးနဲ့ တခြားဆေးတွေကြောင့် ဆီးအရောင်ဟာ ပြာတတ်၊ စိမ်းတတ်ပါတယ်။ ကျန်းမာရေး အခြေအနေ - မျိုးရိုးလိုက်တဲ့ သွေးတွင်း ကယ်လ်စီယမ်များတဲ့ အခြေအနေကြောင့် ကလေးတွေမှာ ဆီးအရောင် ပြာတတ်ပါတယ်။
ဆီးက အနက်ရင့်ရောင် သို့မဟုတ် လက်ဖက်ရည်ကြမ်းရောင် သန်းနေလျှင်
အစားအစာ - ရှားစောင်းလို အစားအသောက်တွေကို ပမာဏ အများကြီး စားတာကြောင့် ဆီးအရောင် ညိုမည်း နေနိုင်ပါတယ်။ ဆေးဝါး - ငှက်ဖျားရောဂါ ကုသဆေး၊ ပဋိဇီဝ ပိုးသတ်ဆေးတချို့ စတာတွေကြောင့် ဆီးအရောင် မည်းနိုင်ပါတယ်။ ကျန်းမာရေး အခြေအနေ- အသည်းရောဂါတချို့၊ အထူးသဖြင့် အသည်းရောင်တာ၊ အသည်းခြောက်တာ စတာတွေကြောင့် ဆီးအရောင် ရင့်နိုင်ပါတယ်။ ကျောက်ကပ်တွင်း သွေးကြောအစု ရောင်ရမ်းတဲ့ ရောဂါ ရှိတာကြောင့် ကျောက်ကပ်ရဲ့ အရည်နဲ့ အညစ်အကြေး စွန့်ထုတ်နိုင်စွမ်း လျော့နည်းကာ ဆီးအရောင် ရင့်တတ်ပါတယ်။
ဆီးအရောင် နောက်ကျိလျှင်
ဆီးလမ်းကြောင်း ပိုးဝင်တာနဲ့ ဆီးကျောက်တည်တာတွေကြောင့် ဆီးအရောင်က နောက်ကျိတာမျိုး ဖြစ်တတ်ပါတယ်။ ဆီးအရောင် ပြောင်းလဲနိုင်ခြေ များသူများ ၊ ဆီးအရောင် ပြောင်းလဲမှုကို ဖြစ်စေတဲ့ ကျန်းမာရေး အခြေအနေတွေကတော့ အောက်ပါအတိုင်း ဖြစ်ပါတယ်။
အသက်အရွယ်- အသက် ၅၀ ကျော်သူ အမျိုးသား အများစုဟာ ဆီးကျိတ်ကြီးတာကြောင့် ဆီးထဲ သွေးပါ နိုင်ပါတယ်။ လိင်အမျိုးအစား- အမျိုးသမီး တစ်ဝက်ကျော်က တစ်ချိန်မှာ ဆီးလမ်းကြောင်း ပိုးဝင်တတ်ကာ ဆီးအရောင် ပြောင်းတတ်ပါတယ်။ အမျိုးသားတွေကတော့ ဆီးကျောက်တည်တာ ပိုအဖြစ်များပါတယ်။
လတ်တလော ကူးစက်ပိုးဝင်ခြင်း- ဘက်တီးရီးယား ဒါမှမဟုတ် ဗိုင်းရပ်စ်ပိုး ဝင်ပြီးနောက် ကျောက်ကပ် ရောင်ရမ်းတာဟာ ကလေးတွေမှာ ဆီးထဲ သွေးပါစေနိုင်ပါတယ်။ မျိုးရိုး- ကျောက်ကပ်ရောဂါနဲ့ ကျောက်ကပ် ကျောက်တည်တဲ့ မျိုးရိုးရှိသူတွေမှာ ဆီးထဲသွေးပါတာ အဖြစ်များပါတယ်။
ကာကွယ်မှု
ဆီးလမ်းကြောင်း ပိုးဝင်ခြင်း ကင်းဝေးစေရန်
- ရေများများ သောက်ပါ။ ဆီးသွားချင်စိတ်ရှိတိုင်း ဆီးသွားပါ၊ Sex ကိစ္စပြီးတိုင်း ဆီးသွားပါ။ ဆီးသွားပြီးတဲ့အခါ အရှေ့ဘက်ကနေ အနောက်ဘက်ကို သုတ်ပါ။ အလွန်အနံ့မွှေးလွန်းတဲ့ မိန်းမကိုယ်သုံး သန့်ရှင်းရေး ပစ္စည်းတွေကို ရှောင်ပါ။
ကျောက်ကပ် ကျောက်တည်ခြင်း ကင်းဝေးစေရန် ရေများများသောက်ပါ။ ဆား၊ အသားဓာတ်နဲ့ ဟင်းနုနယ်ရွက် စတာတွေကို ထိန်းချုပ်ပြီး စားပါ။
ဆီးအိတ်ကင်ဆာ သို့မဟုတ် ကျောက်ကပ်ကင်ဆာ ကင်းဝေးစေရန်
-ဆေးလိပ်မသောက်ပါနဲ့။
-အဆိပ်ရှိ ဓာတုပစ္စည်းတွေနဲ့ ထိတွေ့မှု မရှိအောင် ရှောင်ပါ။
-ရေများများ သောက်ပါ။
-ကျန်းမာရေးနဲ့ ညီညွတ်တဲ့ ကိုယ်အလေးချိန်ကို ထိန်းပါ။ ကျန်းမာရေးနဲ့အညီ စားပါ။ လေ့ကျင့်ခန်းလုပ်ပါ။
ဇွန်ခိုင်ဦး(ဆေးဝါးတက္ကသိုလ်) (news.yatanarpon)