လူတွေရဲ့ နေ့စဉ်ဘ၀မှာ အပျော်ပဲဖြစ်ဖြစ်၊ စာလေ့လာဖို့ပဲဖြစ်ဖြစ်၊ အလုပ်ကိစ္စအတွက်ပဲဖြစ်ဖြစ် ဖုန်းတွေ၊ ကွန်ပျူတာတွေ၊ လပ်တော့တွေ၊ အိုင်ပတ်တွေကို အသုံးပြုတဲ့အချိန်က များလာကြပါတယ်။ ဒီလို Screen-time များလာတဲ့အခါမှာ မျက်စိစပ်တာ၊ မျက်ရည်ကျတာ၊ မျက်ရိုးကိုက်တာ၊ အမြင်အာရုံဝေဝါးတာ စသဖြင့် မျက်လုံးအတွက် ထိခိုက်မှုတွေ ဖြစ်လာတတ်ပါတယ်။
ဒါကြောင့် Screen-time များတဲ့သူတွေ ပုံမှန်လုပ်ပေးသင့်ပြီး မျက်မှန်တပ်ရတဲ့သူတွေလည်း ဒီထက်ပါဝါ မတိုးလာဖို့ လုပ်ပေးသင့်တဲ့ မျက်လုံးလေ့ကျင့်ခန်း (၆) မျိုးကို ဖော်ပြပေးလိုက်ပါတယ်။
(၁) Eyes Rotation
သက်သောင့်သက်သာ အနေအထားနဲ့ ထိုင်ပြီး မျက်လုံးအတွင်းထဲက မျက်ဆံကို အပေါ်၊ အောက်၊ ဘယ်၊ ညာ ၅ စက္ကန့် (သို့) သုံးကြိမ်လောက် လှုပ်ရှားပေးလိုက်ရင် မျက်လုံးအညောင်းပြေစေပါတယ်။
(၂) Get Palming
လက်ဖဝါး နှစ်ဖက်ကို ခပ်နွေးနွေးလေး ဖြစ်အောင် ပွတ်ပြီး မျက်လုံးပေါ်မှာ အုပ်ထားတာက မျက်လုံးတဝိုက်က ကြွက်သားတွေကို ပြေလျော့စေပြီး မျက်လုံးညောင်းတာကို သက်သာစေနိုင်ပါတယ်။ ဒီလို အုပ်ထားချိန်မှာ အပူရှိန် လျော့သွားတဲ့အထိ မျက်လုံးကို အုပ်ထားရပါမယ်။ ၅ မိနစ်ကြာအောင် အုပ်ထားပြီး အသက်ကိုလည်း မှန်မှန် ရှူနေဖို့ လိုပါမယ်။
Click Here > Htun Tauk
(၃) 20-20-20 Rule
ဒီလေ့ကျင့်ခန်းလေးကတော့ အရမ်းကို ရိုးရှင်းလွယ်ကူပါတယ်။ သူက Screen-time မိနစ် ၂၀ ကြာတဲ့အခါ ပေ ၂၀ အကွာက မြင်ကွင်းတစ်ခုခုကို စက္ကန့် ၂၀ လောက် ကြည့်ပေးတာပဲ ဖြစ်ပါတယ်။ ဒီလို လုပ်ပေးခြင်းအားဖြင့် Screen-time တောက်လျှောက်ကြည့်ခြင်းကို လျှော့ချပေးတဲ့အပြင် မျက်လုံးကိုလည်း အနားပေးပြီးသား ဖြစ်သွားပါတယ်။
(၄) Blinking
ကွန်ပျူတာတွေ၊ ဖုန်းတွေကို အချိန်အကြာကြီး အာရုံစိုက် ကြည့်ရတဲ့အခါမှာ မျက်လုံးက အလိုအလျောက် ခမ်းခြောက်လာတတ်ပါတယ်။ ဒါကြောင့် မျက်တောင်ခတ်ပေးခြင်းဖြင့် မျက်လုံးခြောက်တာကို သက်သာစေပါတယ်။မျက်တောင်ကို ဖြည်းဖြည်းချင်း ခတ်ရပါမယ်။ ဒီလေ့ကျင့်ခန်းကို လုပ်တဲ့အခါ မျက်လုံးကို ၂ စက္ကန့်လောက် ပိတ်ထားပြီးမှာ ပြန်ဖွင့်ပေးပါ။ ပြီးရင် ပြန်ပိတ်ပါ။ ဒီလိုမျိုး ၁၀ ကြိမ်ကနေ ၁၅ ကြိမ်လောက် လုပ်ပေးပါ။
(၅) Pencil Push-Ups
Pencil Push-Ups လုပ်တာက အနီးမှုန်တဲ့သူတွေအတွက် အထူးသင့်တော်ပါတယ်။ ခဲတံကို အသုံးပြုကြတာ များပေမယ့် ခဲတံမဟုတ်တဲ့ တခြားအရာဝတ္ထု တစ်ခုခုကိုလည်း အသုံးပြုပေးလို့ ရပါတယ်။
အရင်ဆုံး ခဲတံကို ဖြည်းဖြည်းချင်း နှာဖျားဆီကို ရွှေ့ပါ။ ပြီးရင် လက်မောင်း တစ်ဆန့်စာကို ရွှေ့ပေးပါ။ ပြီးရင် နှာဖျားဆီကို ပြန်ရွှေ့ပါ။ ဒီလိုမျိုး နီးလိုက် ဝေးလိုက် လုပ်ပေးပါ။ ခဲတံအပေါ်မှာပဲ အကြည့်ကို ထားဖို့တော့ လိုပါမယ်။ ၅ ကြိမ်ကနေ ၇ ကြိမ်လောက် လုပ်ပေးပါ။
(၆) Near And Far Focus
မျက်လုံး ကြွက်သားတွေ တင်းနေတာ ပြေလျော့စေဖို့နဲ့ အာရုံစူးစိုက်မှု ကောင်းစေဖို့အတွက် လုပ်ဆောင်ပေးရတဲ့ မျက်လုံး လေ့ကျင့်ခန်းပါ။ လက်မကို မျက်နှာနဲ့ ၁၀ လက်မ အကွာမှာ ထားပါ။ အဲ့လက်မအပေါ်ကို ၁၅ စက္ကန့် အာရုံစိုက်ထားပါ။ ပြီးရင် ပေ ၂၀ မှာ ရှိတဲ့ အရာတစ်ခုကို စိုက်ကြည့်ပေးပါ။ ပြီးရင် ဒီထက်အဝေးမှာ ရှိတဲ့ ပစ္စည်းတစ်ခုခုကို ၁၅ စက္ကန့် အာရုံစိုက် ကြည့်ထားပါ။ ဒီလိုမျိုး ၅ ကြိမ်ကနေ ၇ ကြိမ်လောက် လုပ်ပေးပါ။
မျက်လုံးလေ့ကျင့်ခန်းတွေ လုပ်ပေးခြင်းဖြင့် အမြင်အာရုံကြည်လင်ခြင်း၊ မျက်လုံးကြွက်သားသန်မာခြင်း၊ မျက်လုံးခြောက်တာ သက်သာခြင်း၊ မျက်စိအားကောင်းခြင်း စတဲ့ အကျိုးကျေးဇူးတွေ ရရှိနိုင်တာကြောင့် လွယ်ကူရိုးရှင်းတဲ့ မျက်လုံးလေ့ကျင့်ခန်းတွေကို အပေါ်မှာ မျှဝေပေးထားတဲ့ နည်းလမ်းအတိုင်း အချိန်အနည်းငယ်ပေးပြီး နေ့စဉ်ပုံမှန် လုပ်ဆောင်သင့်ပါတယ်။
အသက် ၄၀ ကျော်၊ အသက် ၄၀ ပတ်ဝန်းကျင်ဆိုရင်တော့ စိတ်ရောကိုယ်ပါ ကျန်းမာဖို့အတွက် သတိထား ဆင်ခြင်ရမယ့်အရာတွေထဲမှာ အစားအသောက်တွေလည်း ပါဝင်ပါတယ်။
သူမ်ားေတြအိုက္လို႔ အဲကြန္းေလးနဲ႔ အိပ္ေနစဥ္မွာ ေစာင္အထူႀကီးေအာက္မွ
ရင္သားကင္ဆာေရာဂါဆိုတာဟာ အမ်ိဳးသမီးေတြ ရင္ဆိုင္ေနရတဲ့ အႀကီးမားဆုံး က်န္းမာေရးျပႆနာေတြထဲက တခုျဖစ္ၿပီး ရင္သားကင္ဆာနဲ႔ ပတ္သက္ၿပီး သိထားတဲ့ တခ်ိဳ႕ေသာ အယူအဆေတြဟာ မွားယြင္းေနတာေၾကာင့္ ဧရာဝတီရဲ့ စာဖတ္ပရိသတ္ေတြအတြက္ ဗဟုသုတအေနနဲ႔ ျပန္လည္မၽွေဝေပးလိုက္ပါတယ္။
အရက္အလြန္အကၽြံေသာက္ၿပီးေနာက္ ေခါင္းကိုက္ျခင္း၊ ေနမေကာင္းျဖစ္ျခင္း၊ မူးေဝျခင္း၊ အိပ္ငိုက္ျခင္း၊ စိတ္ရႈပ္ေထြးျခင္း၊ ေရငတ္ျခင္းတို႔ကို ခံစားရနိုင္ပါတယ္။ ေန႔တစ္ေန႔ရဲ့ မည္သည့္အခ်ိန္တြင္မဆို ျဖစ္နိုင္ေသာ္လည္း မ်ားေသာအားျဖင့္ ညဘက္တြင္ အရက္အလြန္အကၽြံေသာက္ၿပီး ေနာက္တစ္ေန႔ မနက္တြင္ ျဖစ္ေလ့ရွိပါတယ္။
ရံုးပတီသီးဟာ လူတိုင္းသိတဲ့အတိုင္း က်န္းမာေရးေကာင္းက်ိဳးေတြ အမ်ားၾကီးရွိတဲ ့အသီးအနွံ တစ္မ်ိဳးပါ။
ပန္းသီးအခြံေတြက ၀ါးစားရတာမေကာင္းဘူး၊အခြံခြာစားမယ္ဆုိတဲ႔သူေတြရွိသလို ေရစင္စင္ေဆးျပီးအခြံမခြာပဲစားတဲ႔သူေတြရွိပါတယ္။
Grand Hantha International Hospital ႏွင့္ MMDA တို႕ ျပဳလုပ္တဲ့ ဆီးခ်ိဳႏွင့္ ေဟာ္မုန္းေရာဂါဆိုင္ရာ ပညာေပး ေဟာေျပာပြဲ တစ္ခုလည္း ျဖစ္ပါတယ္။
