What's New



×

Warning

JUser: :_load: Unable to load user with ID: 62

Friday, 08 October 2021 21:35

မြန်မာနိုင်ငံသို့ ကိုဗစ်ထိုးဆေး Covishield အိန္ဒိယတင်ပို့မည်

ကိုဗစ်ထိုးဆေး Covishield ၁ သန်း မြန်မာအပါအဝင် ၃ နိုင်ငံကို အိန္ဒိယတင်ပို့မည်ဟု သိရပါသည်။

အိန္ဒိယ ဆေးကုမ္ပဏီ Serum Institute(SII) က မြန်မာ၊ နီပေါနဲ့ ဘင်္ဂလာဒေ့ရှ် နိုင်ငံတွေက ကိုရိုနာဗိုင်းရပ်စ် ကပ်ရောဂါတိုက်ဖျက်ရေးအတွက် ကိုဗီရှီးလ် Covishield ဆေးအလုံးပေါင်း ၁ သန်း တင်ပို့ပေးဖို့ရှိကြောင်း အိန္ဒိယ သတင်းတွေမှာ ဖေါ်ပြထားပါတယ်။

AstraZeneca / Covishield ကိုဗစ် ၁၉ ကာကွယ်ဆေး ထုတ်လုပ်တဲ့ ပူနေးအခြေစိုက် Serum Institute အိန္ဒိယဆေးကုမ္ပဏီက အခုလို ဆေးတင်ပို့ပေးမယ်ဆိုရင် မြန်မာအပါအဝင် ဒေသတွင်း နိုင်ငံတွေမှာ ကိုဗစ်ကာကွယ်ဆေးထိုးလုပ်ငန်း ပိုအားကောင်းလာနိုင်ပါတယ်။ လက်ရှိအချိန်အထိဒီဆေးကုမ္ပဏီ SII ကနေ တင်ပို့ပေးနေတဲ့ ကိုဗီရှီးလ် ကိုဗစ် ၁၉ ကာကွယ်ဆေးက အလုံးပေါင်း သန်း ၇၈၀ ရှိနေပြီဖြစ်ပြီး ၊ အောက်တိုဘာလထဲမှာ ဆေးအလုံးရေ သန်းပေါင်း ၂၁၅ သန်းလောက် တင်ပို့ပေးနိုင်ဖို့ လျာထားတာ ဖြစ်ကြောင်းလည်း အိန္ဒိယ သတင်းမှာ ဖေါ်ပြထားပါတယ်။

ကိုဗီရှီးလ် ကာကွယ်ဆေးထုတ်တဲ့ Serum Institute ဆေးကုမ္ပဏီနဲ့ကိုဗက်စင် Covaxin ကိုဗစ် ၁၉ ကာကွယ်ဆေး ထုတ်တဲ့ Bharat Biotech ဆေးကုမ္ပဏီတွေက ကိုဗစ်ကာကွယ်ဆေး တတ်နိုင်သမျှ အများအပြား ထုတ်လုပ်ဖို့ ရည်မှန်းထားကြတာဖြစ်ပါတယ်။ အိန္ဒိယနိုင်ငံဟာစက်တင်ဘာလထဲမှာပဲ ကိုဗစ်ကာကွယ်ဆေး အလုံးပေါင်း သန်း ၂၅၀ ကျော် ထုတ်လုပ်နိုင်ခဲ့တာဖြစ်ပါတယ်။

ကမ္ဘာပေါ်မှာ ကာကွယ်ဆေး အများဆုံးထုတ်လုပ်တဲ့ အိန္ဒိယနိုင်ငံက ကိုရိုနာဗိုင်းရပ်စ် ကာကွယ်ဆေးကို အောက်တိုဘာလထဲမှာ ပိုမို ထုတ်လုပ်တင်ပို့ပြီး လှုဒါန်းမှာဖြစ်ကြောင်း စက်တင်ဘာ လကုန်ပိုင်းမှာ အိန္ဒိယကျန်းမာရေးဝန်ကြီးMansukh Mandaviya က ပြောကြားခဲ့တာပါ။ အိန္ဒိယဟာ ဧပြီလတုန်းက ကိုဗစ်ကူးစက်မှုနှုန်း တိုးမြင့်လာပြီးတဲ့နောက် ထုတ်လုပ်မှုတွေပါ ရပ်ဆိုင်းခဲ့ရတာဖြစ်ပြီး မကြာသေးခင်ကမှ ပြန်ပြီး တိုးမြှင့် ထုတ်လုပ်လာတာ ဖြစ်ပါတယ်။

ဗီအိုအေ

Read times
Rate this item
(0 votes)