What's New



×

Warning

JUser: :_load: Unable to load user with ID: 62

Saturday, 16 October 2021 09:32

မြန်မာအပါအဝင် ပြည်ပအတွက် ကိုဗစ်ကာကွယ်ဆေး အိန္ဒိယ ပြန်ပို့နေ

ကိုဗစ်ကာကွယ်ဆေးတွေကို မြန်မာအပါအဝင် ပြည်ပနိုင်ငံတွေဆီ အိန္ဒိယနိုင်ငံက ပြန်လည်တင်ပို့နေပြီလို့ အိန္ဒိယနိုင်ငံခြားရေးဌာန ပြောခွင့်ရက ပြောကြားခဲ့ပါတယ်။

"အိမ်နီးချင်းနိုင်ငံတွေကို စ ပို့မှာပါ။ တိုင်းပြည်တော်တော်များများက တောင်းဆိုထားကြပါတယ်။တချို့ က အမှာစာပို့ထားကြပါတယ်။ ကာကွယ်ဆေးတွေကို နိုင်ငံတော်တော်တော်များများကို ပို့ပေးခဲ့ပေမဲ့ ပြည်တွင်း လိုအပ်ချက်ကို အဓိကထားခဲ့ရပါတယ်။ ဝန်ကြီးချုပ် Narendra Modi နယူးယောက် ကုလသမဂ္ဂ အထွေထွေညီလာခံမှာ ပြောခဲ့သလို အခု ၄ နိုင်ငံကိုတော့ မကြာသေးခင်ကစပြီး ကာကွယ်ဆေးတွေ ပို့နေပါတယ်" လို့ အိန္ဒိယ နိုင်ငံခြားရေးဌာနပြောခွင့်ရ Arindam Bagchi က ပြောပါတယ်။ မြန်မာ၊ နီပေါလ်၊ အင်္ဂလားဒေ့ရှ်နဲ့ အီရန်နိုင်ငံတွေဆီ ကာကွယ်ဆေးတွေ စ ပို့ပေးနေတာဖြစ်ပါတယ်။

လူဦးရေသန်း ၁,၄၀၀ ရှိတဲ့ အိန္ဒိယနိုင်ငံမှာ သန်း ၉၆၀ ကျော်ကို ကာကွယ်ဆေး ထိုးပြီးထားပြီး အရွယ်ရောက်ပြီးသား အသက်အရွယ်တွေရဲ့ ၇၀% ကာကွယ်ဆေးတလုံး ထိုးပြီးနေပြီ ဖြစ်ပါတယ်။ ကုလသမဂ္ဂရဲ့ ကာကွယ်ဆေး ညီတူညီမျှရရှိရေး COVAX အစီအစဉ်အောက်မှာ အဓိက ကာကွယ်ဆေး ဖြန့်ဖြူးပေးနိုင်တဲ့နိုင်ငံဖြစ်ဖို့ အိန္ဒိယက မျှော်လင့်ထားပါတယ်။

ဧပြီလကတည်းက ပြည်တွင်းမှာ ကိုဗစ်ရောဂါ ကူးစက် ပျံ့နှံ့လာတာကြောင့် အိန္ဒိယက တင်ပို့မှု ရပ်ဆိုင်း ထားခဲ့တဲ့အတွက် တိုင်းပြည်တော်တော်များများ ကာကွယ်ဆေး လုံလုံလောက်လောက် မရတော့ဘဲ လူသန်းပေါင်းများစွာ ကာကွယ်ဆေးထိုးဖို့ နောက်ကျခဲ့ရပါတယ်။

ဗီအိုအေ

Read times
Rate this item
(0 votes)