ရုရှားနိုင်ငံ၏ ကူးစက်ရောဂါ နှင့် အဏုဇီဝဗေဒဆိုင်ရာ Gamaleya အမျိုးသားသုတေသနစင်တာက
COVID-19 အိုမီခရွန် ဗီဇပြောင်းမျိုးကွဲအား တိုက်ဖျက်ရန် ရည်ရွယ်သည့်လိုက်လျောညီစွာ ပြုပြင်ထားသော Sputnik ကာကွယ်ဆေး ပုံစံအသစ်တစ်မျိုးအား စတင်ဖော်စပ်နေကြောင်း နိုဝင်ဘာ ၂၉ ရက်တွင် ပြောကြားခဲ့သည်။
စင်တာက Sputnik V နှင့် Sputnik Light ကာကွယ်ဆေးများသည် ယုံကြည်ထားသည့်အတိုင်း အိုမီခရွန် ဗီဇပြောင်းမျိုးကွဲအား လျော့ပါးပျက်ပြယ်နိုင်ခြင်း ရှိ ၊ မရှိကိုလေ့လာနေကြောင်း ကြေညာချက်တွင် ဖော်ပြခဲ့သည်။
ပြုပြင်မွမ်းမံမှု လိုအပ်ပါက Sputnik အိုမီခရွန် ပုံစံအသစ်အား ၄၅ ရက်အတွင်း အမြောက်အများထုတ်လုပ်ရေး အဆင်သင့် ဖြစ်နိုင်ကြောင်း စင်တာက ပြောကြားခဲ့ပြီး Sputnik အိုမီခရွန် အားဖြည့်ကာကွယ်ဆေးထိုးနှံမှု ပမာဏအများအပြားကို လာမည့်နှစ်အစောပိုင်းတွင် နိုင်ငံတကာ ဈေးကွက်သို့ ဝင်ရောက်နိုင်ရန် မျှော်လင့်ထားကြောင်း ဆိုသည်။
(Xinhua)