စင်ကာပူတွင် စတုတ္ထမြောက် မျောက်ကျောက်လူနာ အတည်ပြု
ဇွန်လမှစ၍ ယနေ့အထိ စင်ကာပူတွင် မျောက်ကျောက်လူနာ ၄ ဦးအတည်ပြုထားပြီးဖြစ်သည်။
စတုတ္ထမြောက်လူနာကို သောကြာနေ့ (ဇူလိုင် ၈) တွင် အတည်ပြုခဲ့သည်။ ၎င်းလူနာသည်အသက် ၃၀ ၊ အိန္ဒိယလူမျိုး၊ အမျိုးသားဖြစ်ပြီးမကြာသေးခင်က ဂျာမနီမှ ပြန်ရောက်လာသူ ဖြစ်သည်။
ဇွန် ၃၀ တွင် ပေါင်ခြံမှာ အနာဖု ပေါက်သဖြင့် ဆေးကုသမှု ခံယူခဲ့သည်။ ဇူလိုင် ၇ ရက်တွင် ဖျားသဖြင့် ဆေးကုသမှုခံယူရာ ကူးစက်ရောဂါကု ဆေးရုံ တက်ရပြီး ဆေးစစ်ချက်တွင် အတည်ပြု ရလဒ် ရရှိခဲ့သည်။
စင်ကာပူတွင် အတည်ပြုခဲ့သည့် လူနာ ၄ ဦးစလုံး အမျိုးသားများ ဖြစ်ပြီး ၃ ဦးမှာ ပြည်ပမှ ပြန်ရောက်လာသူများဖြစ်ပြီး တစ်ဦးမှာ ပြည်တွင်းကူးစက်မှု လူနာ ဖြစ်ပါသည်။
ယခုအခါ ၅၉ နိုင်ငံတွင် မျောက်ကျောက်လူနာ ဦးရေ ၆,၀၀၀ ကျော် အတည်ပြုပြီးပြီဖြစ်သည်။
#MyanmarHealthGuide
Telegram Channel
