အမေရိကန်အစိုးရ အစားအစာနှင့် ဆေးဝါးလုံခြုံရေး အေဂျင်စီ (FDA) သည် ကမ္ဘာပေါ်၌ စျေးအကြီးဆုံးဆေးအဖြစ် သတ်မှတ်နိုင်သော (Hemagenix) အမည်ရှိ ဆေးဝါးသစ်တစ်မျိုးကို လူနာများတွင် အသုံးပြုခွင့်ပေးရန် သဘောတူလိုက်ပြီဖြစ်ကြောင်း ယူပီအိုင်သတင်းဌာနက ရေးသားတင်ပြထားပါသည်။
Hemagenix ဆေးသည် ဟေမိုဖီလီယာ-ဘီ (Hemophilia-B) ခေါ် မျိုးဗီဇဖောက်ပြန်မှုရောဂါတစ်မျိုးအတွက် အသုံးပြုနိုင်မည့် မျိုးဗီဇကုထုံးဖြစ်သည်။ Hemagenix ကုထုံးအတွက် ဆေးတစ်လုံးလျှင် အမေရိကန် ဒေါ်လာ ၃.၅သန်း ထိကုန်ကျနိုင်ဖွယ်ရှိရာ ကမ္ဘာပေါ်၌ စျေးအကြီးဆုံးဆေးအဖြစ် ၎င်းဆေးကို သတ်မှတ်နိုင်သည်။
သို့ရာတွင် အဆိုပါဆေးကိုတစ်လုံးတည်း ထိုးနှံထားရုံမျှဖြင့် ဟေမိုဖီလီယာ-ဘီ ရောဂါလူနာများအနေဖြင့် အကြိမ်ကြိမ်ကုသမှုခံယူရမည့် အရေးကိုရှောင်ရှားနိုင်မည်ဖြစ်ကြောင်း FDA ၏ ကြော်ညာချက်၌ ဖော်ပြထားသည်။ ဟေမိုဖီလီယာ-ဘီရောဂါသည် မျိုးရိုဗီဇာဖောက်ပြန်မှုကြောင့် ဖြစ်ပွားတတ်သည့် သွေးမတိတ်ရောဂါတစ်မျိုးဖြစ်ပြီး လူပေါင်း ၄၀၀၀၀လျှင် တစ်ဦးနှုန်းရှိတတ်သည့် ရောဂါဖြစ်သည်။
ဟေမိုဖီလီယာ-ဘီ ရောဂါသည် ကြပ်ကြပ်မတ်မတ်ကုသခြင်းမရှိပါက အသက်အန္တရာယ်ရှိသော နာတာရှည်ရောဂါ ဖြစ်သွားတတ်ကြောင်းသိရသည်။
Ref: ရတနာပုံ