အနံ့ပျောက်ပြီး ကိုဗစ်-၁၉သံသယကြောင့် ၁၄ ရက်ပြည့်လို့ အိမ်မှာ Q နေစဉ် ဘာမှမဖြစ်ဘူး ဆိုလျှင် ထွက်လို့ရပါပြီ။ မိမိအခန်းကို နေ ရောင်ပြပါ။ လေဝင်လေထွက်ကောင်းအောင်ထားပါ။

သိပ်လုပ်ချင်ရင် အိပ်ယာခင်း ခေါင်းအုံးစသည်ကို လျှော်ပြီး အခန်းကို Dettol စသည့် ဆပ်ပြာဖြင့် သန့်ရှင်းရေးလုပ်ပါ။ ကိုယ်တိုင်လုပ်ပါ။ အခြားသူကို မခိုင်းပါနှင့်။ ကြိတ်ကုမယ့်သူများ အတွက်ရော ဆေးကုသရေး ဝန်ထမ်း များ မနိုင်ဝန်ထမ်း နေရခြင်းမှ ဝန်ထုတ်ဝန်ပိုးလျော့ကျစေရေး အတွက် အကြံပေးခြင်း ဖြစ်ပါတယ်။

လူတိုင်း အနံ့ပျောက်မယ်၊ ဖျားမယ်၊ Positive သမားနဲ့ Contact နီးနီးစပ်စပ် ရှိခဲ့မယ်ဆိုရက် ဒီလိုအနေအထားတွေမှာ ဘာပဲဖြစ်ဖြစ် ကိုယ့်ဟာကိုယ် အိမ်မှာ ၁၄ ရက် Q ဝင်သင့်ပါတယ်။ဘယႅိဳ Q မလဲ ….အိမ်မှာ အခန်းသီးသန့်ရှိရင် ခွဲနေပါ၊ အခြားဘယ်သူမှ အခန်းထဲ မဝင်ပါစေနဲ့။အခန်းသီးသန့်မရှိရင် လေဝင်လေထွက်ကောင်းတဲ့နေရာမှာ ကန့်ပြီးနေပါ။ ပြတင်း ပေါက် အမြဲဖွင့်ထားပါ။ အနီးကို ဘယ်သူမှ မလာပါစေနဲ့။ကိုယ်တိုင် Mask ကိုဖြစ်နိုင်ရင် အမြဲတပ်ထားပါ။ အနားကို ဘယ်သူမှ မလာရင်၊ အလုံပိတ်အခန်းဆိုရင် မတပ်လို့ ရပါတယ်။

နေ့စဉ်စားသောက်စရာကို အခန်းဝ ချထားခိုင်းပြီး လူကိုပြန်သွားခိုင်းပါ။ လူမရှိမှ ထွက်ယူပါ။ စားပြီးပန်းကန်ထည့်ရန် အခန်းဝတွင် ဆပ် ပြာရည်ထည့်ကာ အမြုပ်ထအောင်လုပ်ထားသော ဇလုံတစ်ခုထားပေးပါ။ ဇလုံထဲသို့ စားပြီး ပန်းကန်ခွက်ယောက်များကို တန်းထည့်ပါ။ နာရီဝက်ကျော်မှာ အိမ်မှသူများ လာယူပါစေ။ဝတ်ထားသောအဝတ်များကိုထည့်ရန် နှစ်ရက်တစ်ခါခန့် အခန်းဝတွင် ဆပ်ပြာရည်ထည့်ကာ အမြုပ်ထအောင်လုပ်ထားသော ပုံးတစ်ခုထားပေးပြီး အဆိုပါပုံးအတွင်းသို့ အဝတ်များ တန်းထည့်ပါ။

နာရီဝက်ကျော်မှ အိမ်မှသူများ လာယူပါစေ။အိမ်သာ ရေချိုးခန်းသွားမယ်ဆို အိမ်သားတွေကို အကုန်ရှောင်နေခိုင်းပါ။ ကိုယ်ဖြတ်သွားချိန် ဘယ်သူမှ အနားမလာပါစေနဲ့။ Mask တပ်သွားပါ။ လမ်းတွင် ဟိုကိုင်ဒီကိုင်မလုပ်ပါနှင့်။နေ့စဉ် စီဗစ် 500mg (MPF BPI ဆိုလျှင် ၅ လုံး) အထိ သောက်နိုင်ပါသည်။အားဆေးများအား ကြောက်လန့်တကြား အလွန်အကျွံမသောက်ပါနှင့်။ အရမ်းသောက်ချင်လျှင် ကြိုက်ရာတစ် မျိုးကိုသာ တစ်နေ့တစ်လုံးသာ သောက်ပါ။ အမျိုးစုံ ၄-၅မျိုးကို တစ်လုံးစီမသောက်ပါနဲ့၊ တစ်မျိုးတည်းကိုလဲ တစ်နေ့ ၂လုံး ၃ လုံးမ သောက်ပါနဲ့။ အားဆေးသောက်ခြင်းကို အားမပေးပါ။ပါရာစီတမော ဖြစ်နိုင်လျှင် မသောက်ဖို့ တိုက်တွန်းပါသည်။

အဖျားရှိလျှင်တောင် အဖျားမကြီးလျှင်မသောက်ပါနှင့်။ ပါရာစီတမောဝင်လျှင် အသည်းက ပိုအလုပ်လုပ်ရပါသည်၊ အစာအိမ်ထိပါသည်။ ကိုဗစ်ကြောင့် ခန္ဓာကိုယ် ဗျာများနေချိန်တွင် အခြားအလုပ်များ ဖြစ်နိုင်သလောက်မပေးပါနှင့်။ ပါရာစီတမောသည် ကိုယ်ပူ ခေတ္တကျ စေတာဖြစ်ပြီး ကိုဗစ်ကိုမပျောက်စေ မသက်သာစေနိုင်ပါ။အခြားဘာဆေးလိုလဲဆို ဘာဆေးမှ မလိုပါ။ ၇၀ ရာခိုင်နှုန်းကျော်မှာ လုံးဝမ ဖျားဘဲ လူကောင်းအတိုင်းသာ ကိုဗစ်ပျောက်သွားသောကြောင့်ဖြစ်သည်။

အားရှိစေရန်အတွက် ကြက်ဥ၊ အသားငါး၊ ဟင်းသီးဟင်းရွက် မျှတစွာစားသုံးပါ။ ကိုယ်အလေးချိန်တက်လောက်အောင် မစားပါနှင့်။ အသီး အရွက်များများစားပါ၊ ကိုယ်ခံအားတက်စေမည့် ဗီတာမင်နှင့် အခြားဓါတ်များသည် အသီးအရွက်များတွင်အဓိကပါသည် အားဆေးမလိုပါ။ နေ့စဉ် ကိုယ်လက်လှုပ်ရှား လေ့ကျင့်ခန်းလုပ်ပါ။ ၂နာရီခန့်ကြာအောင် နားလိုက် လုပ်လိုက်ဖြင့် ချွေးပြိုက်ပြိုက်ထွက်သည်အထိလုပ်ပါ။ လေ့ကျင့်ခန်းသည် ဗိုင်းရပ်စ်ကို တိုက်ထုတ်နိုင်သော ကိုယ်ခံအားပိုကောင်းလာစေသည်။

အသက်ရှူလေ့ကျင့်ခန်းမှန်မှန်လုပ်ပါ။ အဆုံးအထိ ရှူသွင်းပြီး ဖြေးညှင်းစွာ ရှူထုတ်သည်ကို ၁၅ မိနစ် နာရီဝက်ခန့် နေ့စဉ်လုပ်ပေးပါ။ ဆေးလိပ်အရက်သောက်သူများ ဖြတ်ထားပါ။နွေးနွေးထွေးထွေးနေပါ။ အအေးမခံပါနှင့်၊ အဲကွန်းရှေ့ ပန်ကာရှေ့ တိုက်ရိုက်လေထိသည့် နေရာ မနေပါနှင့်၊ မအိပ်ပါနှင့်။ အေးစက်ခြင်းသည် ကိုယ်ခံအားကိုကျစေသည်။ ရေချိုးလျှင် ရေနွေးဖြင့်ချိုးလျှင်ပိုကောင်းသည်။ ညအိပ် လျှင် ရင်ဘတ်ကို စောင်တင်ပြီးအိပ်လျှင် နွေးနွေးထွေးထွေးထားလျှင်ပိုကောင်းသည်။

ဖျားလျှင် တန်းပြီး ဆေးရုံသွားရမလားဆို မလိုပါဘူးခင်ဗျာ။ဘယ်အချိန် ဆေးရုံသွားရမလဲဆို ကိုယ်ပူချိန် အရမ်းတက်သွားလျှင်၊ အသက်ရှူ ကြပ်လာရင်ဆေးရုံကို ဖုန်းဆက်ခေါ်ပါ။အသက်ရှူကြပ်လျှင် ဆေးရုံကားမလာခင် ဘာမှ လျှောက်မလုပ်ပါနှင့် မှောက်ရက် နေပါ။ မှောက် နေလျှင် သက်သာပါသည် တကမ္ဘာလုံး ထိုနည်းသာသုံးပါသည်။မိမိမှာ ဆီးချို သွေးတိုး နှလုံး အသည်း ကင်ဆာ စသည့်ရောဂါကြီးများ အခံရှိလျှင်၊ ဆေးလိပ်အလွန်အကျွန်သောက်သူဖြစ်လျှင်၊ အသက် ၇၀ အထက်ဖြစ်လျှင် အိမ်မှာ မနေသင့်ပါ၊ အနံ့ပျောက်သည်နှင့် ဆေးရုံသို့ တန်းသွားပါ။အိမ်မှာ အသက်ရ၀ အထက် လူကြီး၊ ရောဂါအခံရှိသည့်လူကြီးရှိလျှင် မကူးစေရန် ပိုပြီးသတိထားပါ။

Ref – ဒေါက်တာကျော်ကျော်စိုင်း (M.B.,B.S. IM1)