COVID-19 ရောဂါကြိုတင်ကာကွယ်ကုသရေးအတွက် ကြိုးပမ်းဆောင်ရွက်လျက်ရှိသည့် လူနာတင်ယာဉ် များအတွက် ၂၀၂၀ ပြည့်နှစ် စက်တင်ဘာ ၂၉ ရက်မှ အောက်တိုဘာလကုန်အထိ တစ်နေ့လျှင် စက်သုံးဆီ ၂၅ လီတာစီ အခမဲ့ပံ့ပိုးကူညီသွားမည်ဖြစ်ကြောင်း ဧရာဝတီဖောင်ဒေးရှင်းထံမှ သိရသည်။

Denko , PT Power , Max Energy , ရွှေဗျိုင်းဖြူစက်သုံးဆီဆိုင်များနှင့် ဧရာဝတီဖောင်ဒေးရှင်းတို့ ပူးပေါင်း စီစဉ်မှုဖြင့် ရန်ကုန်တိုင်းဒေသကြီးအတွင်းရှိ ဖော်ပြပါ စက်သုံးဆီအရောင်းဆိုင်များတွင် ထုတ်ယူနိုင်မည် ဖြစ်သည်။

စက်သုံးဆီအခမဲ့ထုတ်ယူလိုသည့် လူနာတင်ယာဉ်များအတွက် အဖွဲ့အစည်းအမည်၊ လူနာတင်ယာဉ် အမှတ်၊ တာဝန်ခံယာဉ်မောင်းအမည်၊ ဆက်သွယ်ရန်ဖုန်းနှင့် လိပ်စာ၊ မော်တော်ယာဉ်၏ဓာတ်ပုံတို့နှင့်အတူ Ayeyarwady Center ၏ Messenger သို့မဟုတ် Viber ၀၉၈၈၇၆၀၇၅၀၀ တို့မှတစ်ဆင့် စာရင်းပေးသွင်း ရမည်ဖြစ်သည်။

လျှောက်ထားသူများကို ၂၄ နာရီအတွင်း စက်သုံးဆီ အခမဲ့ထုတ်ယူခွင့်ကတ်များကို ပြန်လည်ဆက်သွယ်၍ ဧရာဝတီစင်တာစီမံခန့်ခွဲမှုရုံး မြန်မာနိုင်ငံဘောလုံးအဖွဲ့ချုပ်ဂိတ်(၂)တွင် လာရောက်ထုတ်ယူရမည်ဖြစ်သည်။ အသေးစိတ်သိရှိလိုပါက ဖုန်း ၀၉၈၈၇၆၀၇၅၀၀ သို့ ဆက်သွယ်မေးမြန်းနိုင်ကြောင်း သိရသည်။

(အောင်သူရ)(City News)