What's New




Saturday, 29 August 2020 15:19

ကိုဗစ်ကြားမှာ နေရပေမဲ့ ရောဂါပိုးမကူးခဲ့တဲ့ တောင်ကိုရီးယား စတားဘတ်မှ ဝန်ထမ်း ၄ ဦး

တောင်ကိုရီးယား Starbucks ကော်ဖီဆိုင်မှာ ရောဂါကူးတဲ့ ကိစ္စရပ်မှာ ထိုဆိုင်အတွင်းရှိ လူပေါင်း ၅၆ ယောက် ကိုဗစ်ကူးစက်သွားပေမည့် နှာခေါင်းစည်းကို လုံခြုံစွာ သုံးထားသူ ဆိုင်ဝန်ထမ်း ၄ ယောက်ကတော့ ရောဂါကူးစက်မခံခဲ့ရပါဘူး။အစိုးရ နဲ့ အာဏာပိုင်တွေပြောကြားချက်ကတော့ ဩဂုဏ်လ ၈ ရက်က ဆိုလ်းမြို့ နဲ့ ၂၅ မိုင်အကွာ ပါဂျု မြို့မှာ ဖြစ်ပွားခဲ့တာပဲဖြစ်ပါတယ်။


 

ထို့အပြင် ကိုရီးယား ရဲ့ Arirang သတင်းစာ ပြောကြားချက်အရ အဆိုပါ ကိုဗစ် ရောဂါပိုးရှိတဲ့ လူက ဆိုင်အဲယားကွန်း ရဲ့ အရှေ့မှာ ထိုင်ခဲ့ပြီး သူ့ထံမှ ဆိုင်တစ်ခန်းလုံးကို ရောဂါပိုး ကူးစက်တယ်သိရပါတယ်။ပြည်တွင်း အစီအရင်ခံစာအရ အဆိုပါ ကိုဗစ် ရောဂါရှိတဲ့ အမျိုးသမီးဟာအသက် ၃၀ လောက်ရှိပြီဖြစ်ပြီး ကော်ဖီဆိုင်ရဲ့ ဒုတိယထပ်မှာ ၂ နာရီလောက် ထိုင်သွားတယ်လို့ သိရပါတယ်။

 

တောင်ကိုရီးယားရဲ့ ကူးစက်ရောဂါနဲ့ အနာရောဂါ လေ့လာရေး တက္ကသိုလ် Ansan ဆေးရုံ ရဲ့ ပါမောက္ခဖြစ်သူ Choi Won-suk, ပြောကြားချက်ကတော့ ကိုဗစ်ရောဂါပိုးရှိသူက လေအေးပေးစက်အရှေ့မှာ ထိုင်ရာမှ လေမှ တစ်ဆင့် ရောဂါပိုးကို သယ်ဆောင်လာတာဖြစ်ပြီး ပျံနှံတယ်ဆိုကာ ပြောကြားသွားပါသည်။

 

တောင်ကိုရီးယားရှိ ရောဂါထိန်းချုပ်ရေးနှင့်ကာကွယ်ရေးစင်တာမှ တာဝန်ရှိသူ Jeong Eun-kyeong ပြောကြားချက်အရ တချို့ အပြင်ထွက်တဲ့လူဟာ မျက်နှာဖုံးနှာခေါင်းစည်းကို မဝတ်ဆင်ကြပါဘူး , နောက်တစ်ခုက ဆိုင်တွေက လေအေးပေးစက်တွေ ဖွင့်ထားပြီး လေလှည့်လည်နေသည့်တိုင် လေသန့်စင်မှုနဲ့ လေဝင်လေထွက် မရှိပါဘူး ၊ အကယ်၍ လေကနေ မကူးစက်ဘူး ဆိုရင်တောင် အမှုန်အမွှား ကနေတစ်ဆင့် ပျံနှံကူးစက်တာမျိုး လက်က တစ်ဆင့် ကူးစက်တာမျိုးရှိနိုင်ပါတယ်ဆိုတာ ပြောကြားခဲ့ပါတယ်။

 

နားလည်ကျွမ်းကျင်သူများရဲ့ ပြောကြားချက် အရ Starbucks ကော်ဖီဆိုင်မှ ကိုဗစ်ကူးစက်မှုကိစ္စရပ်သည် မျက်နှာကို ကာကွယ်မှုရှိခြင်း၊ နှာခေါင်းစီး ဝတ်ဆင်ခြင်းက ရောဂါပိုးမကူးစက်စေနိုင်ကြောင်း သက်သေပြသွားပါတယ်။ တောင်ကိုရီးယားမှာ ရှိတဲ့ Changwon ဆေးရုံမှ ဆရာဝန် Ma Sang Hyuk ပြောကြားချက်အရ '' နှာခေါင်းစည်းက တကယ့်ကို နေရာကောင်းတစ်ခု ရသွားပါပြီ '' ဟု Bloomberg ကို ပြောကြားသွားပါသည်။

 

မျက်နှာဖုံးတွေက ၁၀၀ ရာခိုင်နှုန်း ကာကွယ်မှု့ မပေးနိုင်ပါဘူး သို့ပေမယ့်အတော်လေး ထိရောက်ရှိတာတွေ့ရပါတယ်။ ယခုလ အစောပိုင်းက ထွက်ရှိထားတဲ့ ရောဂါကာကွယ်ရေး နည်းလမ်းတွေအရ လူတွေကို နှာခေါင်းစည်းကို အပြင်ထွက်တာနဲ့ အချိန်ပြည့် ဝတ်ဆင်ခိုင်းထားသည် ဥပမာ ကော်ဖီဆိုင်သွားလည်း ကော်ဖီသောက်တဲ့ အချိန်က အစ ဝတ်ထားသင့်သည်။ကော်ဖီဆိုင်ပိုင်ရှင်တွေ အနေနဲ့ ကတော့ သူတို့အတွက် အသားမကျ သေးတာမို့ အဆိုပါ နည်းလမ်းတွေအတိုင်း လိုက်နာကျင့်သုံးရန် ခက်ခဲနေတယ်သိရပါသည်။

 

Ref : Daily News 

Read times
Rate this item
(0 votes)