အထူးသတိပြုရမည့် ဗီဇပြောင်း ကိုရိုနာဗိုင်းရပ်စ်နှင့် စပ်လျဉ်း၍ ကျန်းမာရေးနှင့်အားကစားဝန်ကြီးဌာနမှ အသိပေးကြေညာချက် ထုတ်ပြန်ထားပါသည်။
ပိုမိုလျင်မြန်စွာကူးစက်သည့် ဗီဇပြောင်းကိုရိုနာဗိုင်းရပ်စ်ဖြစ်နေကြောင်း ဗြိတိန်နိုင်ငံတွင် တွေ့ရှိခဲ့ပြီး မြန်မာနိုင်ငံတွင်လည်း SARS-Cov-2 ဗိုင်းရပ်စ်ပိုး၏မျိုးဗီဇတစ်ခုလုံးကို ဆက်လက် စစ်ဆေးသွားမည်ဖြစ်ကြောင်း ဖော်ပြထားသည် ကြေညာချက် အပြည့်အစုံကို ဖော်ပြအပ်ပါသည်။
အထူးသတိပြုရမည့် ဗီဇပြောင်း ကိုရိုနာဗိုင်းရပ်စ်
(၂၀၂၀) ပြည့်နှစ်၊ ဒီဇင်ဘာလ (၂၁) ရက်နေ့
COMID-19 ကိုဖြစ်ပွားစေသော SARS-Cov-2 ဗိုင်းရပ်စ်ပိုးသည် ဗိုင်းရပ်စ်ပိုးတို့၏ သဘောသဘာဝအရ ဗီဇပြောင်းလဲမှုသစ်ဖြစ်ကာ အင်္ဂလန်နိုင်ငံ အရှေ့တောင်ပိုင်းတွင် ရောဂါကူးစက်ပျံ့နှံ့မှုများ တွေ့ရှိနေကြောင်း (၂၀၂၀) ပြည့်နှစ်၊ ဒီဇင်ဘာလ (၁၄) ရက်၌ အဆိုပါနိုင်ငံမှ ထုတ်ပြန်ကြေညာခဲ့ပါသည်။
အဆိုပါ ဗီဇပြောင်းဗိုင်းရပ်စ်ကို "val - 202012/01' ဟုခေါ်ဝေါ်ထားပြီး အခြား SARS-Cov-2 ဗိုင်းရပ်စ်ပိုးများထက် ပိုမိုကူးစက်ပျံ့နှံ့လွယ်သည်ကို တွေ့ရှိရကြောင်း သိရှိရပါသည်။
သို့ရာတွင် အဆိုပါ ဒီဇပြောင်းဗိုင်းရပ်စ်ကြောင့် ရောဂါပြင်းထန်မှုပိုမိုလာသည်ဆိုသော အထောက်အထား မတွေ့ရှိရသေးကြောင်း သိရှိရပါသည်။
အဆိုပါ SARS-Cov-2 ဗိုင်းရပ်စ်ပိုး၏ဗီဇပြောင်းလဲမှုအသစ်အား ပညာရှင်ပေါင်းစုံက ပူးပေါင်းကာ စုံစမ်းစစ်ဆေး စမ်းသပ်မှုများ ဆက်လက်ပြုလုပ်လျက်ရှိပါသည်။
ကျန်းမာရေးနှင့်အားကစားဝန်ကြီးဌာန၊ ဆေးသုတေသနဦးစီးဌာနသည် မြန်မာနိုင်ငံတွင် တွေ့ရှိရသည့် SARS-CoV-2 ဗိုင်းရပ်စ်ပိုး၏ “မျိုးဗီဇတစ်ခုလုံး (whole enorme sequence) ကို လေ့လာသော သုတေသနပြုမှုများ ကို ဆောင်ရွက်နိုင်ခဲ့ပြီး မြန်မာနိုင်ငံ၌ လက်ရှိကူးစက်ဖြစ်ပွားနေသော SARS-Cov-2 ဗိုင်းရပ်စ်ပိုး၏မျိုးဗီဇတစ်ခုလုံးကိုလည်း ဆေးသုတေသဦးစီးဌာနမှ ဆက်လက်စစ်ဆေး လေ့လာသွားမည် ဖြစ်ပါသည်။
ကမ္ဘာပေါ်တွင် ထိုကဲ့သို့ ပိုမိုလျင်မြန်စွာကူးစက်သည့် ဗီဇပြောင်းကိုရိုနာဗိုင်းရပ်စ်ကို တွေ့ရှိနေရသဖြင့် ပြည်သူလူထုအနေဖြင့် COVID-19 ရောဂါကာကွယ်ရေး စည်းကမ်းများကို ယခုထက်ပို၍ တိကျစွာ လိုက်နာကြရန် လိုအပ်ပါသည်။
ကျန်းမာရေးနှင့်အားကစားဝန်ကြီးဌာန