What's New



×

Warning

JUser: :_load: Unable to load user with ID: 62

Thursday, 05 July 2018 16:19

ဆံပင် ကျွတ်နေရင် သတိထား

ဆံပင် ကျွတ်နေရင် သတိထား Google.com

တစ်နေ့တစ်နေ့ စိတ်ညစ်စရာတွေထဲမှာ ခေါင်းဖီးလိုက်တိုင်း ခေါင်းကို သပ်လိုက်တိုင်း ဆံပင်တွေ ကျွတ်ထွက်နေတာလည်း ပါပါတယ်။

ဆံပင်ဆိုတာ ကျွတ်တတ်တဲ့အမျိုးပါ။ ပုံမှန်မှာလည်း ဆံပင်တွေဟာ ကျွတ်လိုက် ပြန်ပေါက်လိုက်နဲ့ လုံးလည်ချာလည် ဖြစ်နေတာပါ။ ဒါပေမယ့် ပုံမှန်ထက် ပိုကျွတ်လာတဲ့အခါမှာတော့ လူကို အနည်းနဲ့အများ စိတ်ဒုက္ခတွေ ဖြစ်စေတတ်ပါတယ်။

ပုံမှန်အားဖြင့် တစ်နေ့ကို ဆံပင် ၅၀ ကနေ ၁၀၀ ချောင်း လောက် ကျွတ်တတ်ပါတယ်။ ဆံပင်တစ်ချောင်းဟာ စပေါက်ပြီး ၂ နှစ်ကနေ ၆ နှစ်အတွင်းမှာ ကျွတ်ထွက်တတ်ပါတယ်။ အဲလို ကျွတ်ထွက်တတ်တဲ့ ဆံပင်တွေ ရှိသလို အမြဲ အသစ်အနေနဲ့ ပြန်ပေါက်နေတဲ့ ဆံပင်လေးတွေလည်း ရှိပါတယ်။ ဒါကြောင့်မို့ မှန်ကြည့်ရင် ဆံပင်လေးတွေ ထိုးထိုးထောင်ထောင်ထွက်နေတာမျိုးကို မြင်ရတာပါ။ ဒါပြင် လူတစ်ဦးချင်းစီရဲ့ မျိုးရိုးဗီဇတွေ နေထိုင်စားသောက်မှု ပုံစံတွေနဲ့လည်း သက်ဆိုင်ပါသေးတယ်။

တကယ်လို့ ဆံပင်အသစ် ပြန်ဖြစ်တာလည်း နည်းတယ်၊ ကျွတ်တာလည်း များလာရင်တော့ ဆံပင်ပါးတာ ထိပ်ပြောင်တာမျိုးတွေ ဖြစ်လာနိုင်ပါတယ်။ များသောအားဖြင့် အသက်ကြီးတဲ့အခါ အထူးသဖြင့် အသက် ၄၀ နား နီးရင် ဆံပင်ပါးလာတာက ဒါကြောင့်ပါ။ မျိုးရိုးဗီဇကြောင့်လည်း ဆံပင်ကျွတ်ခြင်းတွေ ဖြစ်ပေါ်တတ်ပါတယ်။

နောက်ထပ် ဆံပင်ကျွတ်ခြင်းကို ဖြစ်စေနိုင်တဲ့အချက်တွေကတော့

၁။ စိတ်ဖိစီးမှု များခြင်း

Image result for စိတ်ဖိစီးမှု
စိတ်ဖိစီးခြင်းက အိုမင်းရင့်ရော်ခြင်းကို ဖြစ်စေရုံသာမကဘဲ ဆံပင်လည်း ကျွတ်စေနိုင်ပါတယ်။ ဘာဖြစ်လို့လဲဆိုတော့ စိတ်ဖိစီးလာတဲ့အခါ စိတ်ညစ်လာတဲ့အခါ လူတွေက အမှတ်မဲ့ ခေါင်းက ဆံပင်တွေကို ဆွဲဆုတ်ထားတတ်ကြပါတယ်။ တင်းကြပ်စွာ ဆုတ်ထားခြင်းဖြင့် ဆံပင်ကျွတ်ခြင်းတွေကို ဖြစ်စေနိုင်ပါတယ်။ ဒါ့အပြင် ဆံပင်တစ်ချောင်း ဖြစ်ဖို့အတွက် အဆင့် ၃ ဆင့် ရှိပါတယ်။ စိတ်ဖိစီးမှုတွေဟာ အဲဒီအဆင့်တွေ မဖြစ်လာအောင်လည်း ဟန့်တားတတ်ပါတယ်။ ဒါကြောင့် ပုံမှန်ထက်လည်း ဆံပင်ပိုကျွတ်သလို ပုံမှန်လောက်လည်း ဆံပင် ပြန်မပေါက်တော့တဲ့အတွက် ဆံပင်ပါးခြင်းတွေကို ဖြစ်လာစေပါတယ်။ ဒါပေမယ့် စိတ်ပူစရာမလိုပါဘူး။ စိတ်ဖိစီးတာတွေ ပျယ်သွားတဲ့အခါမှာ ပုံမှန်အတိုင်း ပြန်ဖြစ်သွားပါလိမ့်မယ်။

၂။ ဟော်မုန်းများကြောင့် ဆံပင်ကျွတ်ခြင်း

Image result for progestogen
မဟော်မုန်းဖြစ်တဲ့ အီစတိုဂျင်(Oestrogen)ကော၊ကျားဟော်မုန်းဖြစ်တဲ့ တက်စတိုစတီရုန်း(Testrosterone)ရောက ဆံပင်ကျွတ်ခြင်း ဆံပင်ပေါက်ခြင်းတွေနဲ့ ဆက်စပ်လျှက် ရှိပါတယ်။ များသောအားဖြင့် မဟော်မုန်းတွေက ဆံပင်တွေကို သန်စွမ်းစေတဲ့ အာနိသင်ရှိလို့ ဟော်မုန်းနည်းသွားစေတဲ့ ဒါမှမဟုတ် ဟော်မုန်းပြောင်းလဲသွားစေတဲ့ အခြေအနေတွေဖြစ်တဲ့ ကိုယ်ဝန်ရှိတဲ့အချိန်တို့ သွေးဆုံးပြီးချိန်တို့ဆို ဆံပင်ကျွတ်လေ့ ရှိပါတယ်။ဒါပေမယ့် ကျားဟော်မုန်း များလာတဲ့အခါမှာဆိုရင်တော့ ရှေ့နဖူး တဖက်တချက်က ဆံပင်တွေကျွတ်ပြီး နဖူးပြောင်ခြင်း(Antero lateral Baldness)ကိုဖြစ်စေပါတယ်။

၃။ အာဟာရ ချိုတဲ့ခြင်း

Related image
ဆံပင်တွေ ပိုရှည်ဖို့ အသစ်အသစ်တွေ ဖြစ်ဖို့အတွက် အသားဓာတ်၊ ကစီဓာတ်တွေကို အသုံးပြုရပါတယ်။ လုံလောက်တဲ့ အသားဓာတ်မရခြင်းတွေဟာ ဆံပင်တွေကို ကျွတ်ထွက်တာမျိုး အသစ်ထွက်ဖို့ကို နှောင့်နှေးစေတာမျိုးတွေ ဖြစ်တတ်ပါတယ်။ ဒါကြောင့် အသား၊ ငါး၊ ပဲ၊ ဥအမျိုးမျိုးကို အာဟာရ မျှတအောင် စားသုံးပေးသင့်ပါတယ်။

၎။ ဆံပင်အလှပြင်ခြင်း

Related image

ဆံပင်ကို မကြာခဏ ကောက်လိုက်ဖြောင့်လိုက် ဆေးဆိုးလိုက် လုပ်တာတွေကလည်း ဆံပင်ကျွတ်ခြင်းတွေကို ဖြစ်စေနိုင်ပါတယ်။ ဒါ့အပြင် တချို့က ဆံပင်ကို မြင်းမြီးလို ခပ်မြှင့်မြှင့် စည်းနှောင်တာ အတင်းဆွဲချည်တာမျိုးတွေ လုပ်တတ်ပါတယ်။ ဒီလိုတွေ လုပ်ခြင်းကြောင့်လည်း ဆံပင်ကျွတ်ခြင်းတွေကို ဖြစ်ပေါ်စေနိုင်ပါတယ်။

၅။ ရောဂါရှိခြင်း

Related image
တချို့သော ရောဂါတွေဟာ ဆံပင်ကျွတ်ခြင်းကို ဖြစ်စေနိုင်ပါတယ်။ ဥပမာ လည်ပင်းက ဟော်မုန်းဓာတ် နည်းလွန်းနေတဲ့ ရောဂါတွေ၊ အရေပြား လေးဖက်နာ ရောဂါတွေ၊ သံဓာတ်ချို့တဲ့ခြင်းကြောင့်ဖြစ်တဲ့ သွေးအားနည်းရောဂါတွေဟာ ဆံပင်ကျွတ်ခြင်းတွေကို ဖြစ်စေနိုင်ပါတယ်။ ဆံပင်ကျွတ်တာဟာ သဘာဝကြောင့်လည်း ဖြစ်နိုင်သလို ရောဂါကြောင့်လည်း ဖြစ်နိုင်ကြောင်း သတိမူစေချင်ပါတယ်။

source:ondr.co

Read:ကလေးဖျားလို့ ဘိုင်အိုဂျက်ဆစ် ဆေးရည်တိုက်မယ်ဆိုရင် သိထားသင့်တဲ့အချက်များ

ကလေးဖျားလို့ ဘိုင်အိုဂျက်ဆစ် ဆေးရည်တိုက်မယ်ဆိုရင် သိထားသင့်တဲ့အချက်များ

Read times
Rate this item
(3 votes)