အခုလို မိုးရာသီမျိုးမှာ မိုးရေထဲမှာအလုပ်လုပ်နေရသူတွေ၊ အလုပ်သွား၊ အလုပ်ပြန် bus ကားစီးနေတဲ့လူတွေမှာ အအေးမိတုပ်ကွေး ဗိုင်းရပ်စ်ပိုးဟာ အလွယ်တကူ ကူးစက်ခံရနိုင်ပါတယ်။

အခုတလောလည်း ဖျားနာတဲ့သူတွေ အများကြီးတွေ့နေရပါတယ်။ ဒီလိုမျိုး ကိုယ်ခံအားကို ထိခိုက်စေနိုင်တဲ့ရောဂါပိုးတွေများနေတဲ့ ပတ်ဝန်းကျင်မှာ ရှင်သန်လှုပ်ရှားနေရသူတွေအနေနဲ့ ဖျားတာနာတာကို ကြုံတွေ့ရမှာကတော့ အသေအချာပါပဲ။ ဒီတော့ ဖျားနာတဲ့အခါမှာ ဘယ်လိုမျိုး အမြန်သက်သာအောင်လုပ်မလဲဆိုတဲ့ နည်းလမ်း (၉)ခုကို ဖော်ပြလိုက်ပါတယ်။

နည်းလမ်း (၉)ခု

အရမ်းမဆိုးလာခင်မှာ ကြိုတင်ကာကွယ်ပါ။

ခန္ဓာကိုယ်မှာ ဖျားနာတဲ့ ဝေဒနာကို စတင်ခံစားရပြီလို့ထင်တာနဲ့ ကြိုတင်ကာကွယ်မှုတွေ လုပ်ပါ။ ကိုယ်ခံအားကောင်းစေမယ့် အစားအစာတွေစားပါ။ ဗီတာမင်စီသောက်ပါ။ ရေများများသောက်ပါ။ နောက်တစ်ချက်က ခန္ဓာကိုယ်မှာ ကိုယ်ခံအားကောင်းစေဖို့အတွက် ကောင်းကောင်းအနားယူပေးပါ။ ဒီလိုတွေလုပ်ပေးတာက အဖျားကိုပိုမဆိုးလာအောင်လုပ်ပေးနိုင်တဲ့အပြင် မြန်မြန်လည်းသက်သာစေပါတယ်။

နေထိုင်ရာပတ်ဝန်းကျင်က သန့်ရှင်းနေပါစေ

နေမကောင်းတဲ့အခါ တစ်ကိုယ်ရေသန့်ရှင်းကအရေးကြီးသလို နေထိုင်ရာပတ်ဝန်းကျင်နဲ့အသုံးအဆောင်တွေကလည်း အရေးကြီးပါတယ်။ ပတ်ဝန်းကျင်ကို သန့်ရှင်းအောင်ထားခြင်းဖြင့် ဘက်တီးရီးယားတွေကို နှိမ်နှင်းကာကွယ်ပြီး ဖြစ်စေမယ့်အပြင် စိတ်ကြည်လင်လန်းဆန်းစေတာကြောင့် အဖျားမြန်မြန်သက်သာစေမှာ အသေအချာပါ။

ရေနွေးနဲ့ဆားခပ်နွေးနွေးလေးသုံးပြီး အာလုပ်ကျင်းပေးပါ

အဖျားပိုးကြောင့် လည်ချောင်းနာတာ၊နှာခေါင်းပိတ်တာတွေဖြစ်တာက နောက်ဆက်တွဲ ဘက်တီးရီးယားတွေကြောင့်ဖြစ်ရတာပါ။ ဒီလိုဖြစ်တဲ့အခါ ရေနွေးပူပူထဲကို ဆားထည့်ပြီးခပ်နွေးနွေးလေးဖြစ်လာတဲ့အခါ ဆားရည်နဲ့အာလုပ်ကျင်းပေးပါ။ ဒီလိုလုပ်ပေးတာက နှာခေါင်းနဲ့လည်ချောင်းထဲက ဘက်တီးရီးယားတွေကို ဖယ်ရှားပေးရာရောက်ပါတယ်။

ပြည့်ပြည့်ဝဝအနားယူပါ

နေမကောင်းဖြစ်တဲ့အခါ အရင်ဆုံးလုပ်ရမှာတစ်ခုက ပြည့်ပြည့်ဝဝအနားယူပေးဖို့ပါ။ ဒီလိုလုပ်ပေးတာက ကိုယ်ခံအားစနစ်က အအေးမိတုပ်ကွေးရောဂါပိုးတွေကိုတိုက်ဖျက်ရာမှာ အများကြီးအထောက်အကူရစေပြီး အဖျားကို မြန်မြန်သက်သာစေပါတယ်။

ရေနွေးနွေးလေးနဲ့ရေချိုးပေးပါ

အအေးမိဖျားနာဖြစ်တဲ့အခါ တော်တေ်ာများများက ရေမချိုးနဲ့ရေမထိနဲ့ အဖျားတာရှည်မယ်လို့ပြောကြတာကြားဖူးကြမှာပါ။ ဒီအယူအဆက အပြည့်အဝမမှန်ပါဘူး။ နေမကောင်းတဲ့အခါ နှာခေါင်းပိတ်တာမျိုး၊ တုပ်ကွေးကြောင့် ညီးစီစီဖြစ်တာမျိုးခံစားရမယ်ဆိုရင် ရေခပ်နွေးနွေးလေးနဲ့ ရေချိုးလိုက်ပါ။ ရေနွေးငွေ့ကြောင့် ခန္ဓာကိုယ်က သွေးလှည့်ပတ်မှုကောင်းသွားပြီး လန်းဆန်းသွားစေမှာပါ။

ချည်သားအဝတ်အစားလေးတွေဝတ်ဆင်ပေးပါ

နေမကောင်းတဲ့အခါ အင်္ကျီအထူကြီးတွေ ဝတ်မိတာမျိုးရှိနိုင်ပါတယ်။ ဒီလိုမလုပ်သင့်ပါဘူး။ ချွေးထွက်လွန်ပြီး အားအင်ကုန်ခမ်းတာ၊ ချွေးထွက်များပြီး ချွေးနဲ့အအေးပတ်တာမျိုးတွေဖြစ်နိုင်ပါတယ်။ ဒါကြောင့် နေမကောင်းတဲ့အခါ နွေးနွေးထွေးထွေးနေရမယ်ဆိုပေမယ့် အရမ်းထူတဲ့ အဝတ်အစားတွေမဝတ်ဆင်ဘဲ သက်တောင့်သက်သာရှိတဲ့ ချည်သားအင်္ကျီလက်ရှည်လေးတွေကိုပဲဝတ်ဆင်ပေးသင့်ပါတယ်။

အာဟာရပြည့်ဝအောင်စားသုံးပေးပါ

နေမကောင်းဖြစ်တဲ့အခါ အစာမကြေမှာကိုစိုးရိမ်ပြီး မစားတာမျိုးမလုပ်ပါနဲ့။ အာဟာရပြည့်ဝအောင်စားသုံးပေးမှ ကိုယ်ခံအားစနစ်ကောင်းမွန်ပြီး ဖျားနာမှုကိုဖြစ်စေတဲ့ ဘက်တီးရီးယားတွေကို တိုက်ထုတ်ပေးနိုင်မှာပါ။ ဒါကြောင့် အဖျားမြန်မြန်သက်သာချင်တယ်ဆိုရင်တော့ အာဟာရပြည့်ဝအောင်စားသုံးပေးဖို့လည်း မမေ့ပါနဲ့။

ရေဓာတ်ပြည့်ဝအောင်နေပါ

အအေးမိဖျားနာနေတဲ့အချိန်မှာမြန်မြန်သက်သာအောင်လုပ်ဆောင်နိုင်မယ့် နောက်ထပ်နည်းလမ်းတစ်ခုက ခန္ဓာကိုယ်ကိုရေဓာတ်ပြည့်ဝနေစေဖို့ပါ။ ခန္ဓာကိုယ်မှာ အဖျားဝင်လာတဲ့အခါ ရေဓာတ်ခမ်းခြောက်မှုက အလွယ်တကူဖြစ်လာပါတယ်။ နေထိုင်မကောင်းတဲ့အခါ အစားသိပ်မစားဖြစ်တော့သလို ရေတွေသိပ်မသောက်ဖြစ်တော့ပါဘူး။ တကယ်တော့ဖျားတဲ့အခါ ရေများများသောက်ပေးမှ ခန္ဓာကိုယ်က လုပ်ငန်းစဉ်တွေကို ပုံမှန်အတိုင်းလုပ်ဆောင်နိုင်မှာဖြစ်သလို ဝမ်းမချုပ်အောင်ကာကွယ်ပေးနိုင်ပြီး ခန္ဓာကိုယ်ထဲက ရောဂါတွေ၊ဘက်တီးရီးယားတွေကို တိုက်ထုတ်ပေးနိုင်မှာဖြစ်ပါတယ်။ နေမကောင်းတဲ့အခါ အခြားဘာမှမသောက်နိုင်ရင်တောင် ရေများများသောက်ပေးပါ။

တစ်ကိုယ်ရေသန့်ရှင်းရေးကို ဂရုစိုက်ပါ

နေမကောင်းပေမယ့်လည်း တစ်ကိုယ်ရေသန့်ရှင်းရေးကို လျစ်လျူရှုထားလို့မဖြစ်ပါဘူး။ တစ်ကိုယ်ရေသန့်ရှင်းမှုကို ဂရုမစိုက်ဘဲထားလိုက်မယ်ဆိုရင် ဘက်တီးရီးယားတွေ ပြန့်နှံ့ပြီး အဖျားတာရှည်စေနိုင်ပါတယ်။ ဒါကြောင့်နေထိုင်မကောင်းတဲ့အခါ ဘက်တီးရီးယားတွေပြန့်ပွားကူးစက်တာမဖြစ်စေဖို့အတွက် တစ်ကိုယ်ရေသန့်ရှင်းရေးကို ဂရုစိုက်ပါ။ အနည်းဆုံးတော့ ခြေလက်တွေကို သန့်စင်အောင်ထားပါ။

ဒီလိုတွေလုပ်နေပေမယ့် အဖျားက မသက်သာဘူးဆိုရင်တော့ ဆရာဝန်နဲ့ပြသကြည့်ဖို့လိုပါမယ်။ နောက်တစ်ခုက ခန္ဓာကိုယ်မှာ ကိုယ်ခံအားကောင်းနေဖို့ပါ။ ကိုယ်ခံအားကောင်းနေမယ်ဆိုရင် အဖျားအလွယ်တကူမဝင်ရောက်နိုင်ပါဘူး။ ကိုယ်ခံအားကောင်းနေဖို့က အာဟာရပြည့်ဝအောင်စားသုံးဖို့လိုသလို အိပ်ချိန်ပြည့်ဝနေဖို့ကလည်း အရေးကြီးပါတယ်။

health products directory

Source: hello sayarwon

Read; ကလေးတွေ ဘာလို့လက်မစုပ်ကြတာလဲ..??