နှင်းခူ၏ယေဘုယျသဘောနှင်းခူသည် အရေပြားကို ထိခိုက်စေသော ဓာတ်မတည့်ခြင်း အခြေအနေတစ်မျိုးဖြစ်သည်။
အရေပြားရောင်ရမ်းခြင်းဖြစ်၍ အသားအရေရောင်ရမ်းနာ ဟုလည်းခေါ်ဆိုနိုင်သည်။ အသားအရေ ရောင်ရမ်းနာ အမျိုးမျိုးရှိသည့်အနက် နှင်းခူဟုဆိုလျှင် လူအများနားလည်လက်ခံကြသည်မှာ ဓာတ်မတည့်ခြင်းကြောင့်ဖြစ် သောအရေပြားရောင်ရမ်းနာ (Atopic Dermatitis) ဖြစ်ပါသည်။ ဤဓာတ်မတည့်ခြင်းသည် အခြားရာသက်ပန် ဓာတ်မတည့်ခြင်းနှင့် သက်ဆိုင်သော ရောဂါများဖြစ်သည့် ပန်းနာရောဂါ (Asthma)၊ ဓာတ်မတည့်ခြင်းကြောင့် ဖြစ်သော နှာစေး၊ ချောင်းဆိုးရောဂါ (Allergic rhinitis) တို့နှင့် သက်ဆိုင်တတ်ပါသည်။
နှင်းခူသည် အလွန်အဖြစ်များသော အရေပြားရောဂါ တစ်မျိုးဖြစ်သည်။ လူမျိုးမရွေး၊ အသက်ကြီးငယ်မရွေး ဖြစ်နိုင်ပါသည်။ မွေးကင်းစကလေးငယ်များတွင်လည်း ဖြစ်နိုင်ပါသည်။ အရွယ်ရောင်ပြီးသူများ၏ တစ်မှနှစ်ရာခိုင်နှုန်းနှင့် ကလေးငယ်များ၏ ၂၀ ရာခိုင်နှုန်းသည် နှင်းခူရောဂါ ခံစားနေကြရပါသည်။ နှင်းခူရောဂါသည် များသောအားဖြင့် ငယ်ရွယ်စဉ်ကပင် စတင်ဖြစ်ပေါ်လေ့ရှ်ိပြီး ရောဂါခံစားနေရသူအများစုသည် အသက် ၅ နှစ်မပြည့်မီ ပထမအကြိမ် ရောဂါလက္ခဏာများကို ခံစားရလေ့ရှိပါသည်။
အချို့သူများအဖို့ နှင်းခူရောဂါသည် အချိန်ကြာလာသည်နှင့်အမျှ သက်သာလာတတ်ပါသည်။ အများစုအဖို့ နှင်းခူရောဂါသည် နာတာရှည် (သို့) ထပ်ခါထပ်ခါ ဖြစ်တတ်သောရောဂါမျိုး ဖြစ်ပါသည်။ တစ်ကြိမ်တစ်ခါတည်းသာ နှင်းခူဖြစ်ခြင်းမျိုး ရှိနိုင်သော်လည်း များသောအားဖြင့် နှင်းခူသည် ဘဝတစ်လျှောက်လုံး ပေါ်လိုက်၊ ပျောက်လိုက် (သို့) တောက်လျှေက်ြရှိနေတတ်ပါသည်။ ယားယံခြင်းကိုကုတ်ခြင်း၊ ပွတ်ခြင်းဖြင့် ဖြေဖျောက်ခြင်းသည် နှင်းခူကို ပို၍ဆိုးစေရုံသာရှိပါသည်။ နှင်းခူကုသမှုများသည် အချိန်လိုအပ်ပြီး အခါခပ်သိမ်း ပြီးပြည့်စုံသော ထိရောက်မှုမပေးနိုင်ချေ။
နှင်းခူဖြစ်စေသောအကြောင်းအရင်းများ
အတွေ့ရများသော နှင်းခူဖြစ်စေသည့်အကြောင်းအရင်းမှာ- ဆပ်ပြာအမျိုးမျိုး ၊ သန့်စင်ဆေးရည်များ ၊ ရာသီဥတု (ပူခြင်း၊ အေးခြင်း၊ စိုထိုင်းခြင်း၊ ခြောက်သွေ့ခြင်း) ၊ ပတ်ဝန်းကျင်ရှိဓာတ်မတည့်ခြင်းများကို ဖြစ်စေနိုင်သောအရာများ ၊ ကျောက်မျက်ရတနာများ ၊ ကိုယ်လိမ်းအလှဆီများ ၊ အစားအစာ ကိုင်တွယ်ခြင်း ၊ အဝတ်အစား ၊ ချွေးထွက်ခြင်း ၊ လက်အိတ်များ ၊ - ပွတ်တိုက်ခြင်း ၊ ဗက်တီးရီးယားပိုးမွှားများ ၊ စိတ်ခံစားမှုနှင့် စိတ်ဖိစီးမှုဒဏ်များ စသည်တို့ပါဝင်ပါသည်။ ပတ်ဝန်းကျင်ရှိ ဖယ်ရှားမရသော ပြင်ပပစ္စည်းများ၏ လှုံ့ဆော်မှုကြောင့်ဖြစ်သော ပြင်းထန်သည့် ဓာတ်မတည့်ခြင်းများသည် ဆိုးရွားသော နှင်းခူပုံစံများကို ဖြစ်ပေါ်စေပါသည်။
နှင်းခူကုသမှု
အိမ်တွင် မိမိကိုယ်မိမိ စောင့်ရှောက်ခြင်း
ဓာတ်မတည့်ခြင်းကို ဖြစ်စေသည့် အကြောင်းအရင်းကို ဖယ်ရှားခြင်းသည် အလွယ်ကူဆုံးနှင့် အထိရောက်ဆုံး ကုသမှုဖြစ်ပါသည်။ ၄င်းသည် အဝတ်အစား လျှော်ဖွပ်ရာတွင်သုံးသော သန့်စင်ဆေးရည် ပြောင်းလဲခြင်းကဲ့သို့ ရိုးစင်လွယ်ကူသော အရာဖြစ်နိုင်သကဲ့သို့ ရာသီဥတုမတူသော နေရာသို့ ပြောင်ရွှေ့နေထိုင်ရခြင်း၊ အလုပ်ပြောင်းရခြင်းတို့ကဲ့သို့ ခက်ခဲသောအရာလည်း ဖြစ်နိုင်ပါသည်။
အရေပြားခြောက်သွေ့ခြင်းကိုရေနွေး (ရေပူမဟုတ်ပါ) ရေပန်းဖြင့် ရေချိုးခြင်းအားဖြင့် တားဆီးနိုင်ပါသည်။ ကိုယ်ခန္ဓာသန့်စင်ဆေးရည် (သို့) ဆပ်ပြာအနုစား သုံးနိုင်ပါသည်။ သေချယာစွာ ခြောက်သွေ့အောင်သုတ်ပြီး အရေပြားစိုစွတ်မှုထိန်းပေးသော Lotion များ တစ်ကိုယ်လုံးလိမ်းသင့်ပါသည်။ မွှေးရနံ့ပါသော (သို့) လှုံ့ဆော်စေသည့် ပစ္စည်းများပါသော Lotion များ မသုံးသင့်ပါ။ ကြမ်းသော၊ ခြစ်မိနိုင်သော ကိုယ်ကျပ်အဝတ်အစားများ မဝတ်သင့်ပါ။ အနာကို မကုတ်ပါနှင့်။ မကုတ်ဘဲ မနေနိုင်လျှင် အနာကိုပတ်တီးစည်းထားပါ။ လက်အိတ်စွပ်ထားခြင်းဖြင့် ညအခါ အိပ်ပျော်နေရင်း ကုတ်ခြစ်မိခြင်းကြောင့် အရေပြားဒဏ်ရာရခြင်းကို လျှော့ချနိုင်ပါသည်။ ချွေးထွက်စေသော အရာမှန်သမျှသည် အနာကိုလှုံ့ဆော်နိုင်ပါသည်။ နှင်းခူဆိုးနေစဉ်တွင် ပြင်ထန်သော လေ့ကျင်ခန်းလုပ်ခြင်းကို ရှောင်ကြဉ်သင့်ပါသည်။ ဓာတ်မတည့်ခြင်း ဖြစ်စေသည့်အရာများကို မဖယ်ရှားနိုင်လျှင် (သို့) မသိလျှင် နောက်တစ်ဆင့်မှာ ဓာတ်မတည့်ခြင်းကြောင့်ဖြစ်သော ရောင်ရမ်းမှုကို လျှော့ချရန် ဖြစ်ပါသည်။
အပျော့စား စတီးရွိက်လိမ်းဆေး (Hydrocortisone) ကို အယားပျောက်စေသော လိမ်းဆေး (Calamine) နှင့် တွဲ၍ လိမ်းနိုင်ပါသည်။ အနာပျောက်သည်အထိနေ့စဉ် မကြာခဏလိမ်းရန်ဖြစ်ပါသည်။ အယားသက်သာစေရန် Diphenhydramine ကဲ့သို့သော ဆေးများသောက်နိုင်ပါသည်။
source:healthcare.com
Read: ကျောက်ကပ်ကိုအကျိုးပြုတဲ့ စူပါအစားအစာတွေကိုသိသလား
