ဖြစ်ပွားနိုင်ချေမြင့်မားစေတဲ့ အန္တရာယ်ဆိုတာဟာ ရောဂါတစ်ခု (ဥပမာ ကင်ဆာရောဂါ) ဖြစ်ပွားနှုန်းများစေတဲ့ အကြောင်းအရာတွေပဲ ဖြစ်ပါတယ်။

ဖြစ်ပွားနှုန်းများစေတဲ့အရာ တွေဟာ သင့်မျိုးရိုး၊ နေထိုင်စားသောက်မှု ပုံစံ၊ အခြားအခြေအနေတွေ ရှိခြင်း အစရှိတာတွေ ဖြစ်နိုင်ပါတယ်။ ပြုပြင်ပြောင်းလဲနိုင်တဲ့ ဖြစ်ပွားနှုန်းများစေတဲ့အရာ တွေ ရှိပါတယ် (ဥပမာ ဆေးလိပ်ဖြတ်ခြင်း)။ ဒါပေမယ့် မျိုးရိုးနဲ့ အသက်အရွယ် စတာတွေကိုတော့ ပြောင်းလဲနိုင်ခြင်း မရှိပါဘူး။

ဒါပေမယ့် ဖြစ်ပွားနှုန်းများစေတဲ့အရာ တစ်ခု (သို့) အမြောက်အမြား ရှိခြင်းဟာ သင့်မှာ အသည်းကင်ဆာဖြစ်ကိုဖြစ်မယ်လို့ မဆိုလိုပါဘူး။ အသည်းကင်ဆာ ဝေဒနာရှင်အချို့မှာ ဖြစ်ပွားနှုန်းများစေတဲ့အရာ လုံးဝမရှိခြင်း (သို့) နည်းပါးခြင်းတွေလည်း ဖြစ်နိုင်ပါတယ်။ အသည်းကင်ဆာ ဖြစ်ပွားနှုန်းများစေတဲ့ အချက်တွေ ရှိပါတယ်။

လိင်နဲ့ အသက်

သင်ဟာ ယောက်ျားလေးဆိုရင် အသည်းကင်ဆာ ဖြစ်ပွားနှုန်း ပိုများနိုင်ပါတယ်။ အသည်းကင်ဆာဟာ အမျိုးသားတွေမှာ အမျိုးသမီးတွေထက် ပိုအဖြစ်များပါတယ်။ အမျိုးသားတွေမှာ အသည်းကင်ဆာ ဖြစ်ပွားနှုန်းဟာ ၈၁ ယောက်မှာ တစ်ယောက်နှုန်း ဖြစ်ပြီး အမျိုးသမီးတွေမှာတော့ ၁၉၆ ယောက်မှာ တစ်ယောက် ဖြစ်ပါတယ်။ အသည်းကင်ဆာ အမျိုးအစားတစ်မျိုးဖြစ်တဲ့ fibrolamellar ကတော့ အမျိုးသမီးတွေမှာ ပိုအဖြစ်များပါတယ်။ အသည်းကင်ဆာ ဖြစ်နှုန်းဟာ အသက်ကြီးလာတာနဲ့အမျှ မြင့်တက်လာပါတယ်။

အဝလွန်ခြင်း

အဝလွန်ခြင်းဟာ အသည်းအဆီဖုံးခြင်းကို ဖြစ်စေပြီး ဒါကတော့ အသည်းခြောက်ခြင်းကို ထပ်မံဖြစ်စေပါတယ်။ အရက်လုံးဝ (သို့) အနည်းငယ်သောက်သူတွေမှာ အသည်းအဆီဖုံးရာကနေတစ်ဆင့် အသည်းခြောက်ခြင်းတိုင်အောင် ဖြစ်နိုင်ပါတယ်။ ဒီအခြေအနေကို အဝလွန်သူတွေမှာလည်း တွေ့ရတတ်ပါတယ်။ ဒီရောဂါကို NASH (non-alcoholic steatohepatitis) လို့ ခေါ်ပြီး သူဟာ ပြင်းထန်နိုင်ကာ အသည်းခြောက်ခြင်းကို ဖြစ်စေနိုင်ပါတယ်။

ဆီးချို အမျိုးအစား ၂

ဆီးချို အမျိုးအစား ၂ ရှိသူတွေဟာ အဝလွန်ခြင်း (သို့) ကိုယ်အလေးချိန်များခြင်းတွေ ဖြစ်နိုင်တာမို့ အသည်းပြဿနာတွေ ဖြစ်နိုင်ပါတယ်။ ဒီလူတွေမှာ အခြားအချက်တွေဖြစ်တဲ့ အရက်အလွန်အကျွံသောက်ခြင်းနဲ့ နာတာရှည် အသည်းရောင်ခြင်းတွေရှိနေခဲ့ရင် ရောဂါဖြစ်ပွားနှုန်း ပိုမိုမြင့်မားနိုင်ပါတယ်။

အာဆင်းနစ်

အာဆင်းနစ် ပါဝင်တဲ့ ရေတွင်းထဲက ရေတွေဟာ အချိန်အကြာကြီး ထိတွေ့မှုရှိရင် အသည်းကင်ဆာကို ဖြစ်စေပါတယ်။ ဒါဟာ အာရှ အရှေ့ပိုင်း နိုင်ငံတွေမှာ ပိုအဖြစ်များပါတယ်။

ကပ်ပါးပိုးဝင်ခြင်း

ကပ်ပါး ရောဂါပိုးဝင်ခြင်းတစ်မျိုးဖြစ်တဲ့ schistosomiasis ဟာ အသည်းပျက်စီးခြင်းကိုဖြစ်စေပြီး အသည်းကင်ဆာနဲ့ ဆက်စပ်မှု ရှိပါတယ်။ ကပ်ပါးကောင် ရောဂါပိုးကူးစက်ခြင်းတွေဟာ အာရှ၊ အာဖရိကနဲ့ တောင်အမေရိက နိုင်ငံတွေမှာ ပိုအဖြစ်များပါတယ်။

ဆေးလိပ်သောက်ခြင်း

ဆေးလိပ်သောက်ခြင်းဟာ ကျန်းမာရေးကို ဆိုးရွားစွာ ထိခိုက်စေပါတယ်။ ဆေးလိပ်ဟာ အသည်းကင်ဆာရောဂါကို ဖြစ်စေနိုင်ပါတယ်။ ဆေးလိပ်ဖြတ်ခြင်းဟာ အသည်းကင်ဆာ ဖြစ်ပွားနှုန်းကို လျှော့ချပေးနိုင်ပေမယ့် သင့်အသည်းထဲမှာ ဆေးရွက်ကြီးတွေ စုပြုံနေမယ်ဆိုရင် ဆေးလိပ်မသောက်ဖူးသူတွေထက်တော့ အသည်းကင်ဆာဖြစ်ပွားနှုန်း မြင့်ဆဲဖြစ်မှာ ဖြစ်ပါတယ်။ အသည်းကင်ဆာ ဖြစ်ပွားသူတွေရဲ့ ၂၃ ရာခိုင်နှုန်းဟာ ဆေးလိပ်သောက်ခြင်းနဲ့ ဆက်စပ်နေတာကို အင်္ဂလန်နိုင်ငံ မှာ တွေ့ရပါတယ်။

ကိုယ်ဝန်တားဆေး

ရှားပါးတဲ့အခြေအနေတွေမှာ ကိုယ်ဝန်တားဆေးတွေဟာ အသည်းမှာ ကင်ဆာမဟုတ်တဲ့ ရိုးရိုးအကျိတ်တွေကို ဖြစ်စေနိုင်ပါတယ်။ ဒီအကျိတ်တွေဟာ ကင်ဆာဖြစ်စေလားဆိုတာကိုတော့ သိရှိခြင်း မရှိပါဘူး။

Oestrogen-progestogen (အီစထရိုဂျင်-ပရိုဂျက်စတရုန်း) ဟော်မုန်းတားဆေးတွေဟာ လေ့လာမှုတွေအရ အသည်းကင်ဆာ ဖြစ်စေတယ်လို့ ဆိုပါတယ်။

လတ်တလော ကိုယ်ဝန်တားဆေးတွေဟာ အီစထရိုဂျင် ပုံစံအမျိုးမျိုး၊ ပမာဏအမျိုးမျိုးနဲ့ အီစထရိုဂျင် တွေကို အခြားဟော်မုန်းတွေနဲ့ ပေါင်းစပ်ထုတ်လုပ်ထားတာဖြစ်ပါတယ်။ ဒီဆေးအသစ်တွေက အသည်းကင်ဆာ ဖြစ်ပွားနှုန်းကို မြင့်တက်စေလားဆိုတာကိုတော့ သိရှိခြင်း မရှိပါဘူး။

source:Dr.Phyu Mon Latt(hellosayarwon)

Read:မိတ်ကပ်မပါဘဲလည်း လှနေချင်တယ်ဆိုရင်