ရင်သားနာကျင်ခြင်း Breast Pain/ mastalgia မှာ အမျိုးသမီးထု အကြားတွင် အဖြစ်များတတ်ပြီး ရင်သားကိုထိမိလျှင် နာကျင်ခြင်း၊ အပူနှင့်ထိုးသကဲ့သို့ စူးကနဲဖြစ်ခြင်း၊ တစ်ဆစ်ဆစ်နှင့်ကိုက်ခြင်းတို့ ခံစားရလေ့ရှိသည်။

ရင်သားနာကျင်ခြင်းမှာ တောက်လျှောက်ဖြစ်နေနိုင်သလို တစ်ခါတရံမှဖြစ်လေ့ရှိတာမျိုးလည်းဖြစ်နိုင်သည်။

ရင်သားနာကျင်ခြင်းမှာ မသိမသာ ခံစားရနိုင်သလို ဆိုးဆိုးရွားရွားလည်း ခံစားရနိုင်သည်။ ရာသီမလာခင် ၂ရက်၃ရက်အလိုတွင် ခံစားရလေ့ရှိသော ရင်သားနာကျင်ခြင်းမှာ အများအားဖြင့် မသိမသာသာ ခံစားရနိုင်သည်။ ရာသီမတိုင်ခင်နှင့် ရာသီလာနေစဉ်အတွင်း ရင်သားနာကျင်ခြင်းမှာ ပိုမို ပြင်းထန်လေ့ရှိပြီး ရင်သား၂ဖက်လုံးခံစားရနိုင်သည်။ ရာသီနှင့် မပက်သက်ဘဲ လ ကြာရှည်စွာ နာကျင်ခြင်းလည်းဖြစ်နိုင်သည်။ အများအားဖြင့် ရင်သားနာကျင်ခြင်းသည် ကင်ဆာကြောင့်ဖြစ်လေ့မရှိပေ။ သို့ရာတွင် ရာသီစက်ဝန်း၂ခုထပ်ပို၍ မသက်သာသေးပါက(သို့)သွေးဆုံးပြီးတာတောင် ခံစားနေရသေးပါက ဆရာဝန်နှင့် သေချာပြသစစ်ဆေးသင့်သည်။

လက္ခဏာများ

ရင်သားနာကျင်ခြင်းအများစုကို ရာသီစက်ဝန်းနှင့်အတူနာကျင်ခြင်းနှင့် ရာသီစက်ဝန်းနှင့် ဆက်စပ်မှုမရှိခြင်းဟူ၍ ခွဲခြားပြီး ပြောနိုင်သည်။

(၁) ရာသီစက်ဝန်းနှင့်အတူ နာကျင်ခြင်း

တဆစ်ဆစ် လေးလံကိုက်ခဲသည်။ တစ်ခါတရံ ရင်သားအကျိတ်ဖြစ်တတ်သည်။အများအားဖြင့် ရင်သား၏ အပေါ်ထိပ်စွန်းပိုင်းတွင်ဖြစ်လေ့ရှိပြီး လက်မောင်းရင်းထိ နာကျင်တတ်ကာ ရင်သား၂ဖက်လုံးလည်းဖြစ်နိုင်သည်။ရာသီမလာခင် ၂ပတ်ခန့်ကြိုတင်ကာ နာကျင်တတ်ပြီး ရာသီရက်နှင့်နီးလာလေလေ ပိုမိုပြင်းထန်တတ်သည်။ ရာသီပြီးသွားပါက အလိုလို သက်သာသွားတတ်သည်။ သွေးမဆုံးခင် အမျိုးသမီးများတွင် ပိုမိုဖြစ်ပွားတတ်သည်။

(၂) ရာသီစက်ဝန်းနှင့် ဆက်စပ်မှုမရှိနာကျင်ခြင်း

ဆွဲဆုပ်ထားသကဲ့သို့၊ မီးပူနှင့်ထိုးသကဲ့သို့ နာကျင်ခြင်း ၊ ဆက်တိုက်ကြာရှည်စွာဖြစ်နိုင်သလို ဖြစ်လိုက်ပျောက်လိုက်လည်းဖြစ်နိုင်သည် ၊ အများအားဖြင့် ရင်သားတစ်ဖက်တည်းသာဖြစ်တတ်ပြီး တစ်နေရာတည်းမှ နာကျင်နေတတ်သည်။ သို့ရာတွင် ရင်သားတစ်ခုလုံးအနှံ့လည်း နာကျင်စေတတ်သည်။ သွေးဆုံးပြီး အမျိုးသမီးများတွင် ပိုမိုဖြစ်ပွားတတ်သည်။

ရင်သားပြင်ပမှနာကျင်ခြင်း

နာကျင်ခြင်းကို ရင်သားမှစ၍ ခံစားရလေ့ရှိသော်လည်း ရောဂါမှာတခြားနေရာမှဖြစ်နေတတ်သည်။ ဥပမာအားဖြင့် ရင်ဘတ်ရှိကြွက်သားများကို ပြင်းထန်စွာအလုပ်လျှင် ရင်ဘတ်နှင့်နံရိုးအိမ် နာကျင်လာကာ ရင်သားထိ ပြန့်နှံ့ကာ နာကျင်သွားနိုင်သည်။

ဖြစ်ပွားရသော အကြောင်းရင်းများ

(၁) ဟော်မုန်းအပြောင်းအလဲများ ၊ (၂) ရင်သားအနေအထား ( ရင်သားထိခိုက်ဒဏ်ရာရရှိထားသူ၊ ရင်သားခွဲစိတ်ဖူးသူနှင့် အခြားအခြေအနေများကြောင့် ရင်သားနာကျင်နိုင်သည် ) ၊ (၃) ဆဲလ်ထဲရှိ Fatty acids များ မူမမှန်ခြင်း ၊ (၄) သားဥကြွေဆေးများနှင့် သားဆက်ခြားဆေးလုံးများကဲ့သို့ ဟော်မုန်းဆေးများ၊ စိတ်ကျရောဂါဆေးများ ၊ (၅) ရင်သားအရွယ်အစားပေါ် မူတည်ခြင်း ( ရင်သားကြီးသူများတွင် ရာသီစက်ဝန်းနှင့် ဆက်စပ်မှုမရှိဘဲ နာကျင်နေတတ်သည် ) ၊ (၆) ရင်သားခွဲစိတ်မှု ခံယူထားခြင်း

ဖြစ်နိုင်ချေများသူများ

သွေးမဆုံးသေးသောအမျိုးသမီးများတွင် သွေးဆုံးပြီးသော အမျိုးသမီးများထက် ပိုမိုဖြစ်ပွားလေ့ရှိသည်။ နောက်ဆက်တွဲ ပြဿနာများကတော့ ဖြစ်ပွားရသည့်အကြောင်းရင်းပေါ် မူတည်၍ နောက်ဆက်တွဲပြဿနာများဖြစ်ပွားနိုင်သည်။

ဆရာဝန်နှင့် သွားရောက်ပြသသင့်သော အချက်များ
တစ်ပတ်ထပ်ကျော်၍ နာကျင်နေလျှင် ၊ ရင်သားတစ်နေရာတည်းမှ ဆက်တိုက်နာကျင်နေလျှင် ၊ အချိန်ကြာလာသည်နှင့်အမျှ ပိုပိုဆိုးလာလျှင် ၊ နေ့စဉ်လူနေမှုဘဝကိုပါ အနှောင့်အယှက်ဖြစ်လာလျှင် ၊ ရင်သားနာကျင်မှုတစ်ခုတည်းကိုသာ ခံစားရလျှင် ရင်သားကင်ဆာဖြစ်ပွားနိုင်ချေနည်းသော်လည်း ဆရာဝန်နှင့်တိုင်ပင်ဆွေးနွေးပြီး သေချာအောင်ပြုလုပ်သင့်သည်။

စစ်ဆေးမှုများ

(၁) ရင်သားကို စမ်းသပ်စစ်ဆေးခြင်း

ရင်သားနှင့် အနီးအနားရှိ အကျိတ်များ ပြောင်းလဲမှုရှိမရှိ စစ်ဆေးခြင်း

(၂) ရင်သားဓာတ်မှန်ရိုက်ခြင်း Mammogram ၊ ရင်သားအကျိတ်ပေါ်ခြင်း(သို့) ရင်သားအရေပြားမူမမှန်ခြင်း(သို့) တစ်နေရာတည်းမှ ဆက်တိုက်နာကျင်နေခြင်းတို့တွင် စစ်ဆေးသင့်သည်။

(၃) အာထရာဆောင်း( တယ်လီဗွီးရှင်းဓာတ်မှန် Ultrasound )

(၄) ရင်သားမှ အသားစယူခြင်း

ကုသခြင်း

ဖြစ်စေသောအကြောင်းရင်းများကို ရှောင်ကျဉ်ခြင်း ( ရင်သားကို ပင့်တင်ပေးသော ဘရာစီယာကို ဝတ်ဆင်ပေးခြင်း ) ၊ အကိုက်အခဲပျောက်ဆေးများ သုံးစွဲခြင်း ၊ သားဆက်ခြားဆေးများကို ဆရာဝန်နှင့်တိုင်ပင်ဆွေးနွေးခြင်း ၊ ရာသီသွေးဆုံးလက္ခဏာများထိန်းသည့်ဆေးများကို လျှော့ချခြင်း ၊ ဆရာဝန်ညွှန်ကြားသည့်အတိုင်းဆေးသောက်ခြင်း။

ရင်သားနာကျင်ခြင်းကို သက်သာစေမည့် နည်းလမ်းများကို တစ်ခါသာ အသုံးပြုကြည့်သင့်သည်။ လပေါင်းများစွာအသုံးပြုသည့်တိုင် ရင်သားနာကျင်နေဆဲဖြစ်ပါက ဆေးကိုရပ်ပြီး ဆရာဝန်နှင့်သေချာပြသတိုင်ပင်သင့်သည်။

အိမ်တွင်းကုထုံးများ

ရင်သားကို အပူ၊အအေးဖြင့် ကပ်ပေးခြင်း ၊ ရင်သားကို ကောင်းမွန်စွာပင့်တင်ပေးသော ဘရာစီယာကို ဝတ်ဆင်ခြင်း ၊ ကိုယ်လက်လှုပ်ရှားလေ့ကျင့်ခန်းလုပ်နေစဉ် လေ့ကျင့်ခန်းဘရာစီယာကို ဝတ်ဆင်ခြင်း ၊ အလွန်အမင်းရင်သားနာကျင်လျှင်ဖြစ်ပေါ်သည့် စိတ်ဖိစီးမှုကို ထိန်းချုပ်နိုင်ရန် ပြင်ဆင်ခြင်း ၊ ကဖင်းဓာတ်ပါဝင်သော အစားအစာများကို လျှော့စားခြင်း ၊ အဆီဓာတ်နည်းသော အစားအစာများနှင့် ကစီဓာတ်ပါသောအစားအစာများကိုသာ စားခြင်း ၊ Acetaminophen သို့မဟုတ် Ibuprofen ကဲ့သို့ အကိုက်အခဲပျောက်ဆေးများကို သောက်ခြင်း ( အသည်းထိခိုက်ခြင်းနှင့် အခြားဘေးထွက်ဆိုးကျိုးများကို ဖြစ်စေနိုင်သောကြောင့် ကြာရှည်စွာသောက်ရန် အတွက်မူ ဆရာဝန်ညွှန်ကြားချက်ပါမှ သောက်သင့်သည် )။ ရာသီနှင့် ဆက်စပ်မှုရှိမရှိ သိရှိရန် နာကျင်သောရက်များကို ပြက္ခဒိန်ဖြင့် သေချာမှတ်ထားခြင်း။

ကာကွယ်ခြင်း

Evening Primose Oil - ဆဲလ်ထဲရှိ Fatty acids ကို ထိန်းညှိပေးပြီး ရင်သားနာကျင်ခြင်းကို သက်သာစေသည်။ Vitamin E - ရာသီသွေးဆုံးကာနီး အမျိုးသမီးများတွင် ဗိုက်တာမင် E သောက်ခြင်းဖြင့် ရာသီလာနေစဉ် ရင်သားနာကျင်ခြင်းကို သက်သာစေသည်။

Ref: Mayo clinic (Dr.YadanarPhooWaiAung)

Read: မျက်နှာတစ်ခြမ်းလေဖြတ်ခြင်း