လူတော်တော်များများပြောလေ့ရှိတာက ဆန်လုံးညိုက ရိုးရိုးဆန်အဖြူထက် ပိုပြီးအာဟာရပြည့်ဝတယ်လို့ ဆိုပါတယ်။

နောက်ပြီး ပေါင်မုန့်ဖြူဖြူဖွေးဖွေးလေးတွေက စားချင်စရာကောင်းအောင် ဆွဲဆောင်နိုင်ပေမယ့် ပေါင်မုန့်ကြမ်းလောက် အာဟာရမပြည့်ဝဘူး၊ ကယ်လိုရီတွေလည်း ပိုများတယ်လို့ ပြောကြပါတယ်။ ဒါကြောင့် အဲဒီအပြောတွေ တကယ်ဟုတ်လားမဟုတ်လားဆိုတာ အောက်မှာတစ်ချက်လောက် ဖတ်ကြည့်လိုက်ရအောင်။

ဆန်လုံးညိုနဲ့ဆန်လုံးဖြူ

ကယ်လိုရီပမာဏ အတူတူပဲဖြစ်ပါတယ်။ ချက်ပြီးသား ထမင်းဖြူတစ်ခွက်မှာ ကယ်လိုရီပမာဏ ၂၀၀ ခန့်ပါဝင်ပြီး ဆန်လုံးညိုကိုချက်လိုက်ရင်လည်း အဲဒီလောက်ကယ်လိုရီရှိတာပါပဲလို့ အမေရိကန်ပြည်ထောင်စု စိုက်ပျိုးရေးဌာနက ပြောပါတယ်။

ဒါဆိုအကျိုးကျေးဇူးအနေနဲ့ကျတော့ရော.။
အဲဒီမှာကွာသွားတာက ဆန်လုံးညိုက ရိုးရိုးဆန်အဖြူထက် အမျှင်ဓာတ်ပါဝင်မှုပမာဏ ၆ ဆ မြင့်မားတာပါပဲ။ ဒါ့အပြင် မဂ္ဂနီဆီယမ်၊ ဇင့်တို့လို သတ္တုဓာတ်တွေကလည်း ရိုးရိုးဆန်အဖြူထက် ပိုမိုပါဝင်ပါတယ်တဲ့။

ပေါင်မုန့်ဖြူနဲ့ ပေါင်မုန့်ညို (ပေါင်မုန့်ကြမ်း)

သူတို့လည်း ဒီအတိုင်းပါပဲ။ ကယ်လိုရီပါဝင်မှု ပမာဏချင်း မကွာပါဘူး။ ပေါင်မုန့်တစ်အောင်စမှာ ကယ်လိုရီ ၈၀ လောက် ပါတယ်လို့ဆိုထားပါတယ်။
သူလည်း ထုံးစံအတိုင်းပါပဲ။ ပေါင်မုန့်ကြမ်းက ချွတ်ထားတဲ့ပေါင်မုန့်အဖြူထက် အမျှင်ထက် ၃ ဆ ကြွယ်ဝပြီး ပရိုတိန်းဓာတ်လည်း ၂ ဆ ပိုမိုပါတယ်။ ဒါကြောင့် ပေါင်မုန့်ကြမ်းကိုစားပြီးတဲ့အခါ ဗိုက်ဝသွားတယ်လို့ ခံစားရစေတာ ဖြစ်ပါသတဲ့။

အဖြူရောင်ပါစတာ၊ ဂျုံပါစတာနဲ့ ပဲပါစတာ

ပလာတာမဟုတ်ပါဘူးနော်။ အီတလီခေါက်ဆွဲ ပါစတာကို ပြောတာပါ။ ပါစတာမှာတော့ အမျိုးအစားအများကြီး ရှိပါတယ်။ အခုပြောပြပေးမှာကတော့ ဂျုံနဲ့လုပ်တဲ့ပါစတာရယ်၊ ပဲနဲ့လုပ်တဲ့ ပါစတာရယ်၊ ရိုးရိုးပါစတာအဖြူရောင်ရယ်ကို ပြောမှာပါ။

ဘယ်ပါစတာကိုပဲဖြစ်ဖြစ် ချက်လိုက်မယ်ဆိုရင် တစ်ခွက်စာမှာ ကယ်လိုရီ ၂၀၀ လောက်ပါဝင်ပါတယ်။ ဒါပေမဲ့ ဂျုံနဲ့ပြုလုပ်တဲ့ပါစတာကတော့ ချွတ်ထားတဲ့ပါစတာအဖြူထက်စာရင် အမျှင်ဓာတ် ၃ ဆ ပါဝင်တယ်လို့ဆိုပါတယ်။ ဒါပေမဲ့ ပဲနဲ့လုပ်တဲ့ပါစတာတွေကတော့ ပိုလို့တောင် အမျှင်ဓာတ်ကြွယ်ဝပါသတဲ့။ ဒါ့အပြင် ပရိုတိန်းလည်း ၂ ဆ ကြွယ်ဝပါတယ်တဲ့။

သေချာမြင်သာအောင် ပြောရရင်တော့
ပါစတာအဖြူမှာ ပရိုတိန်း ၇ ဂရမ်၊ ဖိုင်ဘာ ၂ ဂရမ်
ပါစတာညိုမှာ ပရိုတိန်း ၇ဂရမ်၊ ဖိုင်ဘာ ၆ ဂရမ်
ပဲနဲ့လုပ်တဲ့ ပါစတာမှာတော့ ပရိုတိန်း ၁၅ ဂရမ်၊ ဖိုင်ဘာ ၁၀ ဂရမ် ပါဝင်ကြပါတယ်။

Source:mingalarbarmorning

Read:ခန္ဓာကိုယ်အတွင်း အဆိပ်အတောက်တွေ ရှင်းချင်တယ်ဆိုရင်