What's New



×

Warning

JUser: :_load: Unable to load user with ID: 62

Friday, 03 August 2018 11:01

အသည်းရောင်အသားဝါရောဂါပျောက်ကင်းစေတဲ့ ကြိတ်မှန်ပင်

အသည်းရောင်အသားဝါရောဂါပျောက်ကင်းစေတဲ့ ကြိတ်မှန်ပင် Google.com

ကြိတ်မှန်ပင်ဟာ ကျွန်တော်တို့မြန်မာနိုင်ငံမှာ နေရာအနှံ့ပေါများစွာပေါက်ရောက်သော အပင်ဖြစ်ပါတယ်။

အင်္ဂလိပ်လိုတော့ Trailing Eclipta သို့မဟုတ် Ink plant လို့ခေါ်ပါတယ်။ တနှစ်ခံပင်ပျော့အမျိုးအစားဖြစ်ပါတယ်။ကြိတ်မှန်ပင်ရဲ့ပင်စည်ဟာ နီညိုရောင်ရှိပြီး အမွှေးကြမ်းလေးတွေရှိပါတယ်။ အပွင့်အနေနဲ့တော့ အဖြူရောင်ပန်းပွင့်ကလေးတွေကို ဖူးပွင့်ပါတယ်။

ကြိတ်မှန်ပင်ဟာ ပဉ္စငါးပါးလုံး အသုံးဝင်တဲ့အပင်တစ်မျိုးဖြစ်ပါတယ်။ သူ့မှာ Coumarin,a-terthienyl-methanol,stigmasterol,bamyrin,amino acid စတဲ့ ဓါတ်တွေများစွာပါဝင်ပြီး ဘက်တီးရီးယားပိုးမွှားများ ပေါက်ရောက်မှုကို ဟန့်တားနိုင်သော အစွမ်း(Antibacterial Activity)၊ရောင်ရမ်းမှုတွေကို သက်သာစေနိုင်သောအစွမ်း(Anti-inflammatory activity)၊ဓါတ်မတည့်လို့ယားယံခြင်းကို သက်သာစေနိုင်သောအစွမ်း၊ဆံပင်ကိုထူလာစေပြီး နက်မှောင်သန်စွမ်းစေသောအစွမ်း စတဲ့အစွမ်းသတ္တိတွေ များစွာရှိပါတယ်။

ဒီလိုအစွမ်းသတ္တိတွေများစွာရှိတဲ့အတွက် ကြိတ်မှန်ပင်ကို တိုင်းရင်းဆေးအသုံးအနေနဲ့ ချောင်းဆိုးသွေးပါ၊ဝမ်းကိုက်သွေးပါ၊အရေပြားအနာ၊မီးယပ်နဲ့ဆိုင်သောရောဂါ၊အသည်းရောင်အသားဝါရောဂါ၊ဆံပင်ပါးတဲ့ဆံပင်အပေါက်နည်းတဲ့ပြသာနာစတဲ့ရောဂါပြသာနာတွေကိုကုသရာမှာ တခြားဆေးဘက်ဝင်ပစ္စည်းတွေနဲ့အချိုးကျရောနှောပြီး ထည့်သွင်းဖော်စပ်ကာ အသုံးပြုလေ့ရှိပါတယ်။

ကြိတ်မှန်ရွက်နဲ့ ပတ်သက်ပြီး အိမ်တွင်းဆေးမြီးတိုအသုံးအနေနဲ့လဲ အသုံးပြုလို့ရပါတယ်။ မီးပူကပ်မိတာ၊ရေနွေးပူလောင်တာ တွေဖြစ်ပါက ကြိတ်မှန်ရွက်ကို ပင်စိမ်းရွက်နဲ့ဆတူရောထောင်းကာ ထွက်လာတဲ့သတ္ထုရည်ကို တနေ့နှစ်ကြိမ်လိမ်းပေးနိုင်ပါတယ်။ ယားလို့ကုတ်ရာကနေ အရေပြားပေါ်မှာအမာရွတ်တွေကျန်ရင်လည်း ထိုနည်းအတိုင်းလိမ်းပေးနိုင်ပါတယ်။

ဆံပင်က ဆေးမဆိုးဘဲ နီကျင်ကျင်ဖြစ်တာ၊ဆံပင်တွေကျွတ်တာ၊ဆံပင်ပါးတာ၊ဆံပင်အဖျားတွေနှစ်ခွဖြစ်တာတွေအတွက် ကြိတ်မှန်ရွက်ကို မြင်းခွာရွက်၊ကွမ်းရွက်တို့နဲ့ အညီအမျှရောထောင်းပြီး ရလာတဲ့အရည်ကို ရေလေးနည်းနည်းနဲ့ရောကာ နေ့စဉ်လိမ်းပေးပါက ဆံပင်ကျွတ်တာ၊ပါးတာ၊အဖျားနှစ်ခွဖြစ်တာတွေမရှိတော့ဘဲ ဆံသားဟာ ပိတုန်းရောင်လိုနက်မှောင် လာပါလိမ့်မယ်။
source:ondr.co

Read: အဆီပြန်တဲ့မိန်းကလေးတွေအတွက် မိတ်ကပ်လိမ်းခြယ်နည်း

အဆီပြန်တဲ့မိန်းကလေးတွေအတွက် မိတ်ကပ်လိမ်းခြယ်နည်း

Read times Last modified on Friday, 03 August 2018 11:08
Rate this item
(1 Vote)