ဗီတာမင် D က အရိုးနဲ့ကြွက်သားကျန်းမာရေးအတွက် အရေးကြီးတဲ့အပြင် ကယ်လ်စီယမ်နဲ့ဖော့စဖိတ်ဓာတ်တွေကို အစားအစာကနေ စုပ်ယူနိုင်ဖို့ ကူညီပေးပါတယ်။  

ဗီတာမင် D ပါဝင်တဲ့ အစားအစာက နည်းနည်းလေးပဲရှိတာကြောင့် သူ့ကို အစားအသောက်ကနေ အလုံအလောက်ရရှိနိုင်ဖို့ မလွယ်ပါဘူး။ ဗီတာမင် D ဖြည့်စွက်ထားတဲ့ နို့မှုန့်တွေမှာပဲပါရှိတတ်ပြီး အများအားဖြင့်တော့ နေရောင်ခြည်ကနေ ရရှိနိုင်ပါတယ်။

အရိုးနဲ့ကြွက်သားပြဿနာတွေဖြစ်နေပြီဆိုရင် ဗီတာမင် D ချို့တဲ့ခြင်းကြောင့်ဖြစ်နိုင်သလို အူကင်ဆာ၊ နှလုံးရောဂါ၊ သွေးတိုး၊ ကိုယ်ခံအားပြဿနာနဲ့ ဆီးချိုသွေးချိုရောဂါ စတာတွေနဲ့လည်း ဆက်နွှယ်နေနိုင်ပါတယ်။

ဗီတာမင် D ချို့တဲ့တဲ့ လက္ခဏာတွေက ဘာလဲ

ဗီတာမင် D ဓာတ်နည်းတဲ့သူတွေမှာ လက္ခဏာသိပ်မပြတတ်ပါဘူး။ ဒါပေမယ့် ကလေးတွေမှာဆိုရင်တော့ အရိုးနဲ့ကြွက်သားနာကျင်မှုတွေခံစားရတတ်ပါတယ်။ ဗီတာမင် D အရမ်းနည်းလွန်းရင် အရိုးတွေကိုပျော့ပျောင်းစေပြီး ကလေးတွေမှာ ခြေခွင်တာတွေဖြစ်စေနိုင်ပါတယ်။ ဗီတာမင် D နည်းရာကနေ ကယ်လ်စီယမ်ပါနည်းလာပြီး ကလေးတွေမှာ ကြွက်တက်တာ၊ တက်တာ တွေဖြစ်လာစေနိုင်ပါတယ်။

ဗီတာမင် D ချို့တဲ့တဲ့ ကလေးတွေဟာ အသက်ရှူရခက်တဲ့ပြဿနာလည်းရှိတတ်ပါတယ်။ အရိုးတွေကပျော့နေတာကြောင့် ခြေထောက်ခွင်တာလိုမျိုး အရိုးတွေကွေးတာတွေဖြစ်နိုင်ပါတယ်။ခြေထောက်နဲ့ကြွက်သားအားနည်းမှုကြောင့် မကြာခဏနာကျင်ကိုက်ခဲမှုခံစားရပါတယ်။ ဗီတာမင် D ချို့တဲ့ တဲ့ကလေးတွေမှာ ဖွံ့ဖြိုးကြီးထွားမှုလည်း အားနည်းပါတယ်။ ကိုယ်အလေးချိန်လည်း ရှိသင့်သလောက်မရှိဘဲ ကြီးထွားမှုနှေးပါတယ်။

သွားပေါက်တာလည်း နောက်ကျတတ်တယ်။ အသက်ရှူလမ်းကြောင်းပိုးဝင်တာလိုမျိုး ရောဂါကူးစက်ခံရတာဖြစ်လွယ်တယ်။ သွေးထဲမှာ ကယ်လ်စီယမ်ပါချို့တဲ့လာရင် အရိုးပျော့ခြင်းက ပိုဆိုးလာနိုင်ပြီး ဆေးရုံတင်ကုသရတဲ့အထိ ဖြစ်စေနိုင်ပါတယ်။

ဗီတာမင် D ချို့တဲ့ခြင်းကို ကာကွယ်နိုင်ဖို့က

ဒီဓာတ်ကြွယ်ဝတဲ့ ဆယ်လ်မွန်ငါး၊ တူနာငါး၊ ရှီတာကီမှို စတာတွေကို ကျွေးပေးသင့်တယ်။ ဗီတာမင် D ဖြည့်စွက်ထားတဲ့ အစာအာဟာရတွေ တိုက်မယ်၊ကျွေးမယ်။ ဥပမာ ဗီတာမင် D ထပ်ပေါင်းထားတဲ့ နို့၊ ဒိန်ချဉ်၊ ကွေကာ စတာတွေ။ ဗီတာမင် D ပါတဲ့ ကလေးအားဆေးတွေ ဆရာဝန်နဲ့တိုင်ပင်ပြီး တိုက်လို့ရပါတယ်။

ကလေးကို သိပ်မပြင်းတဲ့ နေရောင်ခြည်အောက်မှာ ကစားခိုင်းပါ။ အိမ်တွင်းပဲမအောင်းခိုင်းပါနဲ့။ ဗီတာမင်ဓာတ်တွေ အစုံပါဝင်တဲ့ အစာအာဟာရတွေပြင်ဆင်ပါ။ ဒါမှ ခန္ဓာကိုယ်မှာမလုံလောက်တဲ့အခါ အဲဒီအာဟာရကနေ ဖြည့်ကူပေးနိုင်မှာပါ။ ဗီတာမင် D ကို အစားအသောက်ကနေရရှိနိုင်တဲ့ အရင်းအမြစ်က နည်းလွန်းပေမယ့် အဆီများတဲ့ငါးက အကောင်းဆုံးအရင်းအမြစ်ပါ။ ကြက်ဥနဲ့အသားတွေကနေလည်း အနည်းအကျဉ်းတော့ရရှိနိုင်ပါတယ်။

Source:hellosayarwon

အူအတက်နှင့် ပါကင်ဆန်ရောဂါ ဖြစ်နိုင်ချေ