အသီးအနှံတွေဟာ ကျန်းမာရေးအတွက် ကောင်းမွန်တယ် ဆိုတာကို လူတိုင်းသိပြီး ဖြစ်မှာပါ။ ကိုယ်ခံစွမ်းအားကို တိုးမြင့်ပေးတာ အသားအရေကို လှပစေတာ စတဲ့ အကျိုးတွေကို အသီးအနှံတွေကရပါတယ်။

ဒီတခါမှာတော့ ဘယ်အသီးအနှံတွေက ကျန်းမာရေးအတွက် အကောင်းမွန်ဆုံး ဖြစ်မလဲ ဆိုတာကို ဖော်ပြပေးချင်ပါတယ်။

(၁) ပန်းသီး

နံပတ် ၁နေရာမှာ ရှိနေတာကတော့ ပန်းသီးပါ။ သာမန်ပန်းသီးတလုံးမှာ ကယ်လိုရီ ရှစ်ဆယ်ပါဝင်ပြီး အမျှင်ဓာတ် ၃ ဂရမ်ပါဝင်တယ်လို့ သိရပါတယ်။ ဒါ့အပြင် ဗီတာမင် B1,B2,B6, ဗီတာမင် C နဲ့ ဗီတာမင် E တို့ပါဝင်ပါတယ်။ သကြားဓာတ်လည်း ကြွယ်ဝစွာပါဝင်ပြီး ကယ်လ်စီယမ်၊ ပိုတက်စီယမ်၊ မဂ္ဂနီစီယမ် စတဲ့ ဓာတ်တွေလည်း ပါဝင်ပါသေးတယ်။

(၂) တရုတ်ဆီးသီး

တရုတ်ဆီးသီးက ဒုတိယနေရာမှာ ရှိနေတာ အံ့သြစရာပါ။ မက်မွန်သီးနဲ့ ဆင်ဆင်တူတဲ့ တရုတ်ဆီးသီးမှာ ကိုလက်စရော ၅၀ ပါဝင်ပါတယ်။ ဒါတွေအပြင် အဓိကပါဝင်တဲ့ အရာကတော့ ဗီတာမင် A ပါ။ တကယ်လို့ သင်ဟာ တနေ့ကို တရုတ်ဆီးသီး သုံးလုံးစားမယ်ဆိုရင် တနေ့တာလိုအပ်တဲ့ ဗီတာမင်အားလုံးရဲ့ ၃၅ ရာခိုင်နှုန်းကို ရရှိတယ်လို့ ဆိုပါတယ်။

(၃) ငှက်ပျောသီး

ငှက်ပျောသီးကတော့ နံပါတ် သုံးနေရာမှာ ရှိနေပါတယ်။ ငှက်ပျောသီးမှာ ပိုတက်စီယမ်ကြွယ်ဝစွာ ပါဝင်ပြီး ပိုတက်စီယမ်က နှလုံးနဲ့ ကြွက်သားကောင်းမွန်ဖို့ အတွက် လုပ်ဆောင်ပါတယ်။ ဒါ့ကြောင့် လေ့ကျင့်ခန်းမလုပ်မီ နဲ့ လုပ်အပြီးမှာ ငှက်ပျောသီးကို စားသင့်ပါတယ်။ ဒါတွေတင်မကသေးပါဘူး။ ငှက်ပျောသီးမှာ ဗီတာမင် B3, B6, A နဲ့ C တို့လည်း ပါဝင်ပါသေးတယ်။

(၄) ဘလက်ဘယ်ရီ

ဘလူးဘယ်ရီလိုပဲ ဘလက်ဘယ်ရီဟာလည်း ကျန်းမာရေးအတွက် ကောင်းမွန်ပါတယ်။ ကယ်လိုရီ ၇၀ သာ ပါဝင်တာ ကြောင့် ဘလူးဘယ်ရီထက် ကယ်လိုရီပါဝင်မှုနည်းတယ်လို့ ဆိုနိုင်ပါတယ်။ အမျှင်ဓာတ်ကြွယ်ဝစွာ ပါဝင်တာကြောင့် ဗိုက်ပြည့်လွယ်လို့ ကိုယ်အလေးချိန် လျော့နေသူတွေအတွက် သင့်တော်တဲ့ အသီးလည်း ဖြစ်ပါတယ်။

(၅) သရက်သီး

ရာသီစာဖြစ်တဲ့ သရက်သီးဟာ ကျန်းမာရေးအတွက် အရမ်းကောင်းတဲ့ အသီးတခုပါ။ သာမန်သရက်သီးအမှည့် တလုံးမှာ ၁၃၅ ကယ်လိုရီ ပါဝင်ပြီး ချိုမြတဲ့ အရသာကို ပေးပါတယ်။ သရက်သီးဟာ သဘာဝအချိုဖြစ်တာကြောင့် သကြားဓာတ် အနည်းငယ်သာ ပါဝင်လို့ ဆီးချိုသမားတွေအတွက် သင့်တော်တဲ့ အသီးအနှံထဲမှာ ပါဝင်ပါတယ်။ ဗီတာမင် C လည်း ပါဝင်တာကြောင့် သရက်သီးပေါ်တဲ့ ရာသီမှာ သရက်သီးကို မဖြစ်မနေ နေ့တိုင်းနီးပါး စားကြဖို့ တိုက်တွန်းချင်ပါတယ်။

Source:burma.irrawaddy

Read: သင့်ကျန်းမာရေးအခြေအနေကို အိမ်မှာပဲ စစ်ဆေးကြည့်နိုင်မယ့် နည်းလမ်းများ