ဒီနေ့ခေတ်ကြီးတိုးတက်ပြောင်းလဲလာတာနဲ့အမျှ အသစ်အသစ်သောနည်းပညာတွေလည်း ခေတ်နဲ့လျော်ညီစွာ ထွက်ပေါ်လာလို့နေပါတယ်။နည်းပညာအသစ်တွေ တိုးတက်လာခြင်းက တစ်ဖက်မှာ ကောင်းကျိုးရှိစေသလို တစ်ဖက်မှာလည်း ဆိုးကျိုးတွေ များစွာဖြစ်ပွားစေပါတယ်။
ဒီနေ့ခေတ်မှာ နည်းပညာကြောင့်ဖြစ်တဲ့ ဆိုးကျိုးတွေက လူကြီးတွေအပေါ်မှာသာ သက်ရောက်ရုံတင်မကဘဲ ကလေးသူငယ်တွေအထိပါ သက်ရောက်လို့လာပါပြီ။ ကလေးငယ်တွေ နည်းပညာပစ္စည်းတွေပေါ်မှာ အချိန်ကုန်ဆုံးချိန် တဖြည်းဖြည်း များလာတာနဲ့အမျှ ကလေးတွေရဲ့ ကြီးထွားမှုဖြစ်စဉ်တွေလည်း ထိခိုက်လာပါတယ်။ မိဘတွေအနေနဲ့ ကလေးငယ်တွေရဲ့နည်းပညာပစ္စည်းသုံးစွဲမှုအပေါ်ကို စောင့်ကြည်ထိန်းချုပ်ပေးသင့်ပါတယ်။ နည်းပညာပစ္စည်းတွေကြောင့် ကလေးငယ်တွေရဲ့ ဘယ်လိုကြီးထွားမှုဖြစ်စဉ်တွေကို ထိခိုက်စေလဲဆိုတာကို မိဘတွေ သိရှိထားနိုင်စေဖို့ အောက်မှာ ဖော်ပြပေးလိုက်ပါတယ်။
ဦးနှောက်လုပ်ငန်းစဉ်နှေးကွေးလာစေပါတယ်
ဒီနေ့ခေတ်မှာ ကလေး၊လူကြီးမရွေး ဖုန်းနဲ့ လက်နဲ့မခွာဘဲ အသုံးပြုလာကြပါပြီ။ အထူးသဖြင့် ကလေးတွေကျောင်းက ပြန်လာတာနဲ့ ဖုန်းကို အချိန်ပြည့်နီးပါးအသုံးပြုတဲ့အတွက် လေ့ကျင်ခန်းလုပ်ဖို့ အချိန်မရှိသလောက်နီးပါးဖြစ်လာပါတယ်။ လေ့ကျင်ခန်းမပြုလုပ်ဘဲ နည်းပညာပစ္စည်းတွေပေါ်မှာ အချိန်နှစ်မြှုပ်နေခြင်းက ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးကို များစွာထိခိုက်လာစေနိုင်ပြီး ကလေးတွေရဲ့ ဖွံ့ဖြိုးမှုဖြစ်စဉ်တွေကိုပါ နှောင့်နှေးလာစေပါတယ်။ ဒါအပြင် အလွန်အကျူးသုံးစွဲမိရင် ဦးနှောက်ရဲ့လျင်လျင်မြန်မြန် နားလည်သဘောပေါက်နိုင်ခြင်းကို ထိခိုက်လာပြီး စာဖတ်ရခက်လာတဲ့အထိ ဖြစ်စေနိုင်ပါတယ်။ပြင်ပလှုပ်ရှားမှုနဲ့ လေ့ကျင်ခန်းတွေက ကလေးငယ်တွေရဲ့ရုပ်ပိုင်းဆိုင်ရာ ဥာဏ်ရည်ပိုင်းဆိုင်ရာ ကြီးထွားဖွံ့ဖြိုးမှုအတွက် များစွာအရေးပါသလို အကောင်းမြင်စိတ်တွေလည်း ဖြစ်ပေါ်လာစေနိုင်ပြီး ကိုယ့်ကိုယ်ကိုယုံကြည်မှုတွေလည်း ပိုရှိလာစေနိုင်ပါတယ်။
သိမှုဖွံ့ဖြိုးရေးနှောင့်နှေးစေပါတယ်
နည်းပညာပစ္စည်းတွေကို အချိန်အကြာကြီး အသုံးပြုမယ်ဆိုရင် နှစ်နှစ်ကနေသုံးနှစ်အရွယ်ကလေးတွေရဲ့ သိမှုဖွံ့ဖြိုးရေးကို ထိခိုက်စေပါတယ်။ ဒီအရွယ်ဟာ ကလေးငယ်တစ်ယောက်ရဲ့အဖွံ့ဖြိုးဆုံးအချိန် အမြင်အာရုံ၊ အကြားအာရုံ၊ကြွက်သားတွေနဲ့ဦးနှောက်ပိုင်းဆိုင်ရာ ဖွံ့ဖြိုးတိုးတက်နေတဲ့ အရွယ်ဖြစ်ပါတယ်။ ဒီလိုအချက်တွေ ဖွံ့ဖြိုးစေဖို့အတွက် အပြင်မှာ များများဆော့ကစားပေးတာမျိုး ပတ်ဝန်းကျင်ကနေများများသင်ယူလေ့လာတာမျိုးသာ ဖြစ်သင့်ပါတယ်။ဒီလိုအချိန်မှာ ဖုန်းတွေ၊ Tablet တွေနဲ့သာ လုံးပန်းနေရင် သာမန်ကလေးတွေလို ကြီးထွားဖွံ့ဖြိုးလာမှာ မဟုတ်တော့ပါဘူး။
အမြင်အာရုံကိုထိခိုက်စေခြင်း
အခုခေတ် ကလေးတော်တော်များများက ရုပ်မြင်သံကြားစက်တွေ၊ ကွန်ပျုတာမျက်နှာပြင်၊ ဖုန်းမျက်နှာပြင်ကို အကြည့်များလွန်းတဲ့အတွက် အမြင်အာရုံနဲ့ဆိုင်တဲ့ ရောဂါတွေကို ငယ်ငယ်ရွယ်ရွယ်နဲ့ တွေ့ကြုံနေရပါပြီ။ အဲလိုစက်ပစ္စည်းတွေကနေ ရေဒီယိုသတ္တိရောင်ခြည်တွေ ထွက်ရှိတဲ့အတွက် ကလေးတွေရဲ့ ဖွံ့ဖြိုးဆဲ အမြင်အာရုံတွေကို ထိခိုက်စေနိုင်ပါတယ်။ ဒါအပြင်မျက်စိကအာရုံအရမ်းစိုက်တဲ့အခါ မျက်စိညောင်းခြင်းကနေ ဒဏ်ဖြစ်တဲ့အထိဖြစ်စေကာ မှုန်ဝါးလာပြီး မျက်ရည်ပူတွေကျလာကာ နာကျင်ကျိန်းစပ်ခြင်း အစရှိတဲ့ အန္တရာယ်တွေ ဖြစ်စေနိုင်ပါတယ်။ အဆိုးရွားဆုံးအနေနဲ့တော့ အနီးမှုန်တဲ့အထိ ဖြစ်လာစေနိုင်ပါတယ်။ Non-Screen ဖြစ်တဲ့အမျိူးအစားတွေကို ရွေးချယ်သုံးပေးမယ်ဆိုရင်တော့ မျက်လုံးကိုကာကွယ်ပေးတဲ့အတွက် အနီးမှုန်ခြင်းက ယာယီလောက်သာဖြစ်ပွားစေနိုင်မှာဘဲ ဖြစ်ပါတယ်။
source:"akhayar"