သံဓာတ်ချို့တဲ့ခြင်းသည် သွေးအားနည်းရသည့် အကြောင်းအရင်းအမျိုးမျိုးအနက် အဓိကဖြစ်ပါသည်။

သံဓာတ်ချို့တဲ့လျှင် သွေးအားနည်းပြီးကလေးများအားအင်ကုန်ခမ်း၍ ချည့်နဲ့ကာပညာကိုကောင်းစွာ သင်ကြား နိုင်မည်မဟုတ်ပါ။ အမျိုးသမီးများတွင်မောပန်းရင်တုန်ပြီး အိမ်မှုကိစ္စများကိုကောင်းစွာမပြုလုပ်နိုင်ပါ။ ထို့အတူ လူကြီးများသည်လည်း အလုပ်ကောင်းစွာမပြုလုပ်နိုင်ဘဲ ရောဂါထူပြောမည်ဖြစ်ပါသည်။ သွေးအားနည်းခြင်းပြင်း ထန်လာပါက အသက်အန္တရာယ်ပင်ကြုံတွေ့နိုင်ပါသည်။ ထို့ကြောင့်သံဓာတ်ပြည့်ဝပြီး သွေးအားကောင်းစေရန် အာဟာရပြည့်ဝသောအစားအစာများကို စားသောက်ရပါမည်။

သွေးအားနည်းရောဂါလက္ခဏာ

လူကြီး၊ လူငယ် ကျား၊ မ မရွေးသွေးအားနည်းပါးခြင်းကြောင့် မောပန်းခြင်း၊ ရင်တုန်ခြင်း၊ အားအင်ကုန် ခမ်းခြင်း၊ နှုတ်ခမ်း၊ လျှာ၊ မျက်ခွံနှင့် အရေပြားတွင်ဖြူဖတ်ဖြူရော်ဖြစ်နေခြင်းများ ခံစားရတတ်ပါသည်။ သွေးအား နည်းခြင်းကိုသေချာစွာ မကုသဘဲထားပါကနှလုံးထိခိုက်ပြီး အသက်အန္တရာယ်ကြုံတွေ့နိုင်ပါသည်။

ကိုယ်ဝန်ဆောင်မိခင်များ သွေးအားနည်းခြင်း

ကိုယ်ဝန်ဆောင်မိခင်များသွေးအားနည်းပါက အားအင်ချိနဲ့ခြင်း၊ ကျန်းမာရေးချို့တဲ့ခြင်းနှင့် ပေါင်မပြည့် သောကလေးများမွေးဖွားတတ်ခြင်းများ ဖြစ်တတ်ပါသည်။ ထို့အပြင် ကိုယ်ဝန်ဆောင်နေစဉ် မီးဖွားစဉ်နှင့်မီးဖွား ပြီးကာလများ၌ သွေးအားနည်းပါက အသက်အန္တရာယ်ကြုံတွေ့နိုင်ပါသည်။ ထို့ကြောင့် ကိုယ်ဝန်ဆောင်စဉ်သွေးအားမနည်းစေရန် သံဓာတ်၊ အာဟာရကြွယ်ဝသောအစားများကို စားရပါမည်။ သံဓာတ်နှင့်ဖော်လစ်အက်ဆစ်များပါဝင်သည့် ဆေးပြားများကိုနေ့စဉ်မှန်မှန်မှီဝဲစားသုံးရန် လိုအပ်ပါ သည်။

ကလေးငယ်များသွေးအားနည်းခြင်း

ကလေးငယ်များ သွေးအားနည်းပါကအားအင်ချိနဲ့ခြင်း၊ ကျန်းမာရေးချို့တဲ့ခြင်းကြောင့် မကြာခဏဖျား နာခြင်းနှင့် ခန္ဓာကိုယ်ပုံမှန်မကြီးထွားနိုင်ခြင်းများ ဖြစ်ပေါ်တတ်ပါသည်။ ထို့အပြင် ကျောင်းသင်ခန်းစာများအား အာရုံစူးစိုက်နိုင်ခြင်းမရှိသောကြောင့် ပညာရေးနှောင့်နှေးတတ်ပါသည်။ နိမ့်ကျတတ်ပါသည်။ ထို့ကြောင့် ကလေးများသွေးအားနည်းခြင်းမဖြစ်စေရန် သံဓာတ်အာဟာရကြွယ်ဝသောအစားများကို ကျွေးရပါမည်။ နှစ်စဉ်သန်ချဆေး မှန်မှန်တိုက်ကျွေးရပါမည်။

Read More : အစားအစာထဲမှာပါတဲ့ ဒီဓာတုပစ္စည်း ၅ မျိုးက အူမကြီးကင်ဆာဖြစ်စေပါတယ်

ပဲအမျိုးမျိုးနှင့် အစိမ်းရောင်အရွက်များ (ဥပမာ – ဟင်းနုနယ်ရွက်၊ မုန့်ညင်းရွက်၊ ကန်စွန်းရွက်၊ ကင်းပုံ ရွက်နှင့်ချဉ်ပေါင်ရွက်၌ ပါဝင်သောသံဓာတ်ကို အစာလမ်းကြောင်းမှအလွယ်တကူ မစုပ်ယူနိုင်သောကြောင့်ရော နှောချက်ခြင်းပြုလုပ်ပြီး စားပေးရပါမည်။ ပဲဟင်းချက်သောအခါတွင် အမဲသား၊ ဆိတ်သားစသည့်အသားတစ်မျိုး မျိုး (သို့) ငါး၊ ငါးခြောက်အနည်းငယ်မျှဖြစ်စေ ရောနှော၍ချက်ပြုတ်စားသောက်ရပါမည်။

ဟင်းရွက်များကြော်သည့်အခါတွင်လည်း အသား၊ ငါး၊ ဥတစ်မျိုးမျိုးကိုအနည်းငယ်ဖြစ်စေ၊ ရောနှော၍ ကြော်ချက်စားသောက်ရပါမည်။ အသား၊ ငါးမှသံဓာတ်ကို ရရှိရုံသာမကအရွက်များမှ သံဓာတ်ကိုစုပ်ယူနိုင်စွမ်း လည်းပို၍ကောင်းလာပါမည်။ အချဉ်ဓာတ်သည် ဟင်းသီးဟင်းရွက်များနှင့် ပဲအမျိုးမျိုးမှသံဓာတ်ကိုလွယ်ကူစွာ စုပ်ယူနိုင်အောင်ကူညီပေးပါမည်။ ဟင်းသီးဟင်းရွက်များကို ချဉ်ရည်ဟင်းချက်စားရပါမည်။ အချဉ်တည်၍လည်း စားသုံးနိုင်ပါသည်။

ပဲကိုအပင်ဖောက်၍စားသုံးနိုင်ပါသည်။ ပဲတီချဉ်ပြုလုပ်၍ စားသုံးခြင်းဖြင့်သံဓာတ်စုပ်ယူမှုပိုကောင်းပါ သည်။ ပဲသီး၊ မြင်းခွာရွက်စသည်တို့ကိုသုပ်၍ စားသည့်အခါတွင်လည်းသံပုရာရည်ညှစ်၍ စားပေးရပါမည်။ ထ မင်းစားပြီးနောက် မာလကာသီးနှင့်အချဉ်ဓာတ်ကြွယ်ဝသော အသီးတစ်မျိုးမျိုးကိုစားသုံးပေးရပါမည်။ ထမင်း စားပြီးနှစ်နာရီခန့်ကြာမှသာ လက်ဖက်ရည်အချိုရည်သောက်ခြင်း၊ ရေနွေးကြမ်းဖန်ဖန်သောက်ခြင်းနှင့် လက် ဖက်သုပ်စားခြင်းတို့ပြုလုပ်ပေးရပါမည်။

ဒေါက်တာမြင့်သန်းထွန်း (ပြည်သူ့ကျန်းမာရေး)