What's New



×

Warning

JUser: :_load: Unable to load user with ID: 62

Saturday, 16 January 2021 12:21

WHO ကျွမ်းကျင်ပညာရှင်များအဖွဲ့ ဝူဟန့်မြို့တွင် စတင်၍ ကွာရန်တင်းဝင်နေ

ကမ္ဘာ့ကျန်းမာရေးအဖွဲ့ (WHO) ၏ နိုင်ငံတကာ ကျွမ်းကျင်ပညာရှင်အဖွဲ့တစ်ဖွဲ့သည် တရုတ်နိုင်ငံသို့ ဇန်နဝါရီ ၁၄ ရက်က ရောက်ရှိခဲ့ပြီး ဝူဟန့်မြို့ရှိ ဟိုတယ်တစ်ခုတွင် စတင်၍ ကွာရန်တင်း (quarantine) ဝင်လျက်ရှိကြောင်း နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကျောက်လိကျန်းက ဇန်နဝါရီ ၁၅ ရက်၌ ပြောကြားခဲ့သည်။

 

အဖွဲ့ဝင် ၁၃ ဦးပါဝင်သောအဖွဲ့သည် နိုဗယ်ကိုရိုနာဗိုင်းရပ်စ် မူလဇစ်မြစ်ကို ခြေရာခံရန်အတွက် တရုတ်နိုင်ငံမှ သိပ္ပံပညာရှင်များနှင့်အတူ ပူးတွဲ၍ သိပ္ပံနည်းလမ်းကျ သုတေသနပြုလုပ်သွားမည်ဖြစ်ကြောင်း ကျောက်က သတင်းစာရှင်းလင်းပွဲ၌ ပြောကြားခဲ့သည်။

 

nucleic acid စစ်ဆေးစမ်းသပ်မှု စောင့်ကြည့်မှု ပါဝင်သည့် တရုတ်နိုင်ငံ၏ စည်းမျဉ်းများသည် လက်ရှိဖြစ်ပွားနေသော ကမ္ဘာ့ကပ်ရောဂါ အခြေအနေအပေါ်နှင့် အခြားသော နိုင်ငံများမှ စီစဉ်ထားမှုများနှင့်အညီ အခြေခံဖော်ထုတ်ထားခြင်းဖြစ်ကြောင်း၊ ရည်ရွယ်ချက်အနေဖြင့် ကူးစက်ရောဂါ ကာကွယ် ထိန်းချုပ်ရေး သေချာမှုရှိစေရန် တရုတ်နိုင်ငံနှင့် ပြည်ပမှ တာဝန်ရှိသူများ အစီအစဉ်တကျ ဖလှယ်မှုအပေါ် အာမခံချက်ရှိစေရန်ဖြစ်ကြောင်း ကျောက်က ပြောခဲ့သည်။

 

“ဒါက တရုတ်နိုင်ငံရဲ့ ခက်ခက်ခဲခဲရရှိထားတဲ့ ကူးစက်ရောဂါ ကာကွယ်ထိန်းချုပ်ရေး အောင်မြင်မှုတွေကို ထိန်းသိမ်းရန်အတွက်သာမကဘဲ တရုတ်နိုင်ငံကို လာမယ့်သူတွေအကြား အပြန်အလှန်ကူးစက်မှု အန္တရာယ်ကို လျှော့ချဖို့နဲ့ တစ်ယောက်စီတိုင်းရဲ့ ကျန်းမာရေးနဲ့ ဘေးကင်းမှုကို ထိန်းသိမ်းဖို့အတွက်လည်းပဲ ဖြစ်ပါတယ်” ဟု ကျောက်က ပြောခဲ့သည်။

 

တရုတ်နိုင်ငံအနေဖြင့် ကူးစက်ရောဂါ ကာကွယ်ရေးဆိုင်ရာ ဆက်စပ်သော စည်းမျဉ်းများနှင့် လိုအပ်ချက်များကို တင်းကြပ်စွာ လိုက်နာသွားမည်ဖြစ်ကြောင်းနှင့် နိုင်ငံအတွင်း COVID-19 ဗိုင်းရပ်စ် မူလဇစ်မြစ်ခြေရာခံခြင်းဆိုင်ရာ ပူးပေါင်းဆောင်ရွက်မှုပြုလုပ်ရာတွင် WHO ကျွမ်းကျင်ပညာရှင်များအား ပံ့ပိုးမှုနှင့် အဆင်ပြေချောမွေ့မှုရှိရန် ထောက်ပံ့ပေးသွားမည်ဖြစ်ကြောင်း ကျောက်က ဆိုသည်။

(Xinhua)

Read times Last modified on Saturday, 16 January 2021 12:23
Rate this item
(0 votes)