COVID သည် လွန်ခဲ့သော နှစ်နှစ်ခွဲခန့်က US တွင် ပျံ့နှံ့ခဲ့ပြီး ထိုအချိန်တွင် မတူညီသော ကာကွယ်မှုအစီအမံများစွာကို ပြဋ္ဌာန်းခဲ့သည်။
ပြီးခဲ့သည့်နှစ်တွင် နိုင်ငံတစ်ဝှမ်း ကာကွယ်ဆေးထိုးနှံမှုနှုန်းကို မြှင့်တင်ရန်နှင့် ကူးစက်ပျံ့နှံ့မှု မြင့်မားသော COVID မျိုးကွဲများကြားတွင် ဗိုင်းရပ်စ်ကူးစက်မှုကို တားဆီးရန် ကြိုးပမ်းမှု ကျယ်ကျယ်ပြန့်ပြန့် အကောင်အထည်ဖော်ခဲ့သည်။
Google နှင့် Tyson Foods ကဲ့သို့သော နာမည်ကြီးကုမ္ပဏီများသည် ၎င်းတို့၏ဝန်ထမ်းများအား ကာကွယ်ဆေးထိုးရန် စတင်တောင်းဆိုလာခဲ့ကြသည်။ မိုးလုံလေလုံနေရာများတွင် ဝင်ရောက်ရန် New York နှင့် Washington, DC ကဲ့သို့သော မြို့ကြီးများတွင် ကာကွယ်ဆေးထိုးအထောက်အထားပြသခြင်း များသည် မဖြစ်မနေ လိုအပ်လာသည်။ သို့သော် ယနေ့ခေတ်တွင် ဤကဲ့သို့သော လုပ်ပိုင်ခွင့်များ နည်းပါးနေသေးသည် ။
အဆိုပါ ကာကွယ်ဆေးထိုးအထောက်အထားပြသခြင်းကို ဇန်န၀ါရီလ 2022 တွင် သမ္မတ Joe Biden အဆိုပြုသော ပြည်ထောင်စု ကာကွယ်ဆေးဆိုင်ရာ လုပ်ပိုင်ခွင့်ကို တရားရုံးချုပ်က ပယ်ချခဲ့သည်။ ထို့နောက် Omicron ထက် COVID ရောဂါဖြစ်ပွားမှုသည် စတင်ကျဆင်းလာသောကြောင့် ဖေဖော်ဝါရီတွင် မြို့ကြီးများတွင် ကာကွယ်ဆေး အထောက်အထားပြသခြင်းများ စတင်ကျဆင်းလာသည်။
ယခုအခါ ရောဂါထိန်းချုပ်ရေးနှင့် ကာကွယ်ရေးဗဟိုဌာန (CDC) မှ နောက်ဆုံးအချက်အလက်များ အရ နိုင်ငံတစ်ဝှမ်းတွင် ကူးစက်မှု၊ ဆေးရုံတက်ကုသမှုနှင့် သေဆုံးမှုများ ကျဆင်းလာ သည်ကို ပြသထားသောကြောင့် COVID ကာကွယ်ဆေးဆိုင်ရာ လုပ်ပိုင်ခွင့်များသည် ယခင်ကထက် ရှားပါးလာသည်။ အချို့သော ပြည်နယ်များ ကိုဗစ်ကာကွယ်ဆေးထိုးထားသော အထောက်အထားပြသ စစ်ဆေးခြင်းကို လုံးဝကို တားမြစ်ပိတ်ပင်ထားပါတယ်လို့ National Academy for State Health Police (NASHP) မှ သိရသည်။
လာမည့်ပညာသင်နှစ်တွင် ကျောင်းတက်ရန်အတွက် 12 နှစ်နှင့်အထက်ကျောင်းသားများကို COVID ကာကွယ်ဆေးထိုး ရန် လိုအပ်သည်ဟု ဝါရှင်တန်ပို့စ်သတင်းစာ က ဇူလိုင် 31 တွင်ဖော်ပြခဲ့သည်။ ယခုလအတွင်း ကာကွယ်ဆေးထိုးရန် ပြင်ဆင်နေပါသည်။ "ကျွန်ုပ်တို့၏ ရည်မှန်းချက်မှာ ကလေးများအားလုံး ကျောင်းတစ်ရက် မလွတ်စေရန်ဖြစ်သည်" ဟု DC ကျန်းမာရေးဌာန၏ Health Care Access Bureau အကြီးအကဲ Asad Bandealy က သတင်းစာရှင်းလင်းပွဲတွင် ပြောကြားခဲ့သည်။
အရေးကြီးသော ကျောင်းအပြန်ခရီး ဘေးကင်းရေးအတွက် အိမ်ဖြူတော်က ကာကွယဆေးထိုးဖို့ တွန်းအားပေးလာသည်။ အသက် 5 နှစ်နှင့်အထက်ရှိသူတိုင်းသည် ၎င်းတို့၏မူလတန်း စီးရီးများပြီးပါက အားဖြည့်ဆေးထိုးရန် အရည်အချင်းပြည့်မီသည်" ဟု Biden အုပ်ချုပ်ရေးအဖွဲ့က သြဂုတ် 16 ရက်ထုတ်ပြန်ချက်တွင် ရေးသားထားသည်။
Source : Best Life Online .com
Aung Win (Myanmar Health Products Guide)
