သွားပိုးစားရောဂါသည် အများ အားဖြင့် အသက်ငယ်ရွယ်သူများတွင် ပိုမိုဖြစ်ပွားလေ့ရှိပြီး သွားဖုံးရောဂါမှာမူ များသောအားဖြင့် အသက်အရွယ်ကြီးရင့်သူတို့တွင် ပိုမိုဖြစ်ပွားလေ့ရှိသည်။
သွားပိုးစားရောဂါသည် လူအချို့ထင်မြင်နေကြသကဲ့သို့ သွားကိုပိုးကောင်က ကိုက်စားခြင်း မဟုတ်ချေ။ သွားချေးလွှာ (Bacterial Plaque) ဟုခေါ်သော သာမန်မျက်စိဖြင့် မမြင်နိုင်သော ဘက်တီးရီးယားပိုးများ ပါဝင်သည့် စေးကပ်ပျော့ပြောင်းသော အလွှာပါးသည် အဓိကအားဖြင့် သွား၏၀ါးသောမျက်နှာပြင်ရှိအချိုင့်များ၊ အစင်းများ သွားတစ်ချောင်းနှင့်တစ်ချောင်းကြားနေရာများ၊ သွားနှင့်သွားဖုံးဆုံရာနေရာများတွင် တွယ်ကပ်နေတတ်သည်။
ယင်းသွားချေးလွှာထဲရှိ အချို့ဘက်တီးရီးယားပိုးများနှင့် ချိုပြီးစေးကပ်သောအစာများ အထူးသဖြင့် သကြားဓာတ်များပါဝင်သော အစားအစာတို့ ပေါင်းစပ်မိပြီး အချဉ်ပေါက်ဓာတ်ပြုရာမှ အက်စစ်ပျော့ တစ်မျိုးထွက်လာသည်။ ထိုအက်စစ်ကသာ သွားနှင့်ထိတွြေ့ပီး အချိန်ကြာလာသည်နှင့်အမျှ သွားတွင် အပေါက်ငယ်များ ဖြစ်ပေါ်လာစေကာ သွားပိုးစားရောဂါ စတင်ဖြစ်ပေါ်လာသည်။ သွားပိုးစားခြင်းကို အချို့ပညာရှင်များက ပိုးစားခြင်းမဟုတ်၍ သွားဆွေးမြေ့ခြင်း (Dental Decay) ဟုခေါ်ဆိုကြသည်။
သွားပိုးစားရောဂါဖြစ်ပွားပုံအဆင့်ဆင့်
ကြွေသွားလွှာတွင်သွားပိုးစားခြင်း ။ ။ သွားပိုးစားခြင်းဖြစ်စဉ်သည် ပထမဦးစွာ သွား၏ အပြင်ဘက်ဆုံး အလွှာဖြစ်သည့် ကြွေသွားလွှာတွင် အမဲစက် အမဲပျောက်များ စတင်ဖြစ်ပေါ်ပြီး ထိုမှအပေါက်ငယ် အသွင်ပြောင်းလျှက် ပိုမိုကြီးလာနိုင်သည်။ ဤအလွှာအတွင်း သွားပိုးပေါက်ဖြစ်လျှင် ဝေဒနာမခံစားရသော်လည်း ထိုသွားပိုးပေါက်ထဲသို့ အစာ များဝင်နိုင်ပါသည်။ ယင်းသို့သွားပိုးပေါက်ကို သတိပြုမိလာပါက သွားဘက်ဆိုင်ရာဆရာဝန်ထံတွင် ကြိုတင်စစ်ဆေးမှုကုသမှုကို ခံယူပါ။ အကယ်၍ သွားပိုးစားရောဂါ ဆက်လက်ပျံ့နှံ့လာပါက အောက်ရှိ ဆင်စွယ်နှစ်လွှာကို ရောက်သွားနိုင်သည်။
ဆင်စွယ်နှစ်လွှာတွင်သွားပိုးစားခြင်း ။ ။ ဤအလွှာတွင် သွားပိုးစားခြင်းဖြစ်လျှင်မူ အပူ၊ အအေး အစာများစားသုံးလျှင်သွားကျင်မှုဝေဒနာကို စတင်၍ခံစားရသည်။ သွားဘက်ဆိုင်ရာဆရာဝန်နှင့် အမြန်ဆုံး ပြသ၍ ကုသမှုကို ခံယူသင့်သည်။ ဤအခြေအနေတွင် ကုသမှုကို မခံယူပါက အောက်ဘက်ရှိ မွှသွားလွှာကို သွားပိုးစားရောဂါ ဆက်လက်ပျံ့နှံ့သွားနိုင်သည်။
မွှသွားလွှာအတွင်း သွားပိုးစားခြင်း ။ ။ ဆင်စွယ်နှစ်လွှာသို့ ရောက်ရှိနေသော သွားပိုးစားခြင်း ဖြစ်စဉ်သည် အချိန်မီကုသမှု မခံယူလျှင် မွှသွားလွှာဟုခေါ်သော သွေးကြောများရှိရာသို့ ပျံ့နှံ့ပြီး ပြင်းထန်သော သွားကိုက်ဝေဒနာကို ခံစားရပေမည်။
သွားပိုးစားခြင်း၏နောက်ဆက်တွဲဖြစ်စဉ်များ
မွှသွားလွှာအထိရောက်ရှိသွားသော သွားပိုးစားခြင်းဖြစ်စဉ်ကို မကုသဘဲထားရှိပါက အချိန် ကြာလာသည်နှင့်အမျှ သွားတွင်ရှိသော အာရုံကြောများ ပုပ်သွားပါမည်။ ထိုဖြစ်စဉ်တွင် အာရုံကြောများ သေဆုံးပုပ်သိုးသွားခြင်းကြောင့် သွားကိုက်ခြင်း၊ သွားနာခြင်းဝေဒနာကို ခံစားချင်မှ ခံစားရပေမည်။ ကြာလျှင် သွားသည် မူလအရောင်မှ တဖြည်းဖြည်းအရောင်ပြောင်းပြီး ညိုမဲသွားနိုင်သည်။ ထိုမှတဆင့် ရောဂါပိုးများ ပျံ့နှံ့မှုကြောင့် ပါးစပ်၊ မျက်နှာအစိတ်အပိုင်းတစ်ခုလုံး ရောင်ရမ်းပြီး အစာမစားနိုင်ခြင်း၊ အလုပ် အကိုင်ပျက်ခြင်း၊ အအိပ်ပျက်ခြင်း စသည့် အခြားမလိုအပ်သော ဆိုးကျိုးများ ရရှိလာနိုင်သည်။
ရောဂါပိုးများ ပျံ့နှံ့မှုကြောင့် သွားမြစ်ထိပ်ပြည်တည်နာ ဖြစ်နိုင်ပြီး၊ ထိုမှတဆင့် ရောဂါပိုး များသည် သွေးကြောများထဲသို့ ရောက်ရှိနိုင်ကာ ခန္ဓာကိုယ်အတွင်း ဆက်လက်ပျံ့နှံ့၍ အသက် အန္တရာယ်ကို ထိခိုက်နိုင်သည်အထိ မလိုလားအပ်သော နောက်ဆက်တွဲဆိုးကျိုးများကို ရရှိနိုင်သည်။
မိမိကိုယ်တိုင် သွားပိုးစားရောဂါကို စစ်ဆေးခြင်း
သွားနှင့်ခံတွင်းရောဂါအများစုသည် ရုတ်တရက်ပေါ်ပေါက်လာသော ရောဂါများမဟုတ်ပါ။ သွားပိုးစားရောဂါသည် သာမန်မျက်စိဖြင့်မြင်နိုင်သည့် အခြေအနေရောက်ရန် အနည်းဆုံး တစ်နှစ်ခန့် ကြာတတ်သည်။ သွားနှင့်ခံတွင်းရောဂါများသည် ဖြစ်ကာစတွင် နာကျင်မှုဝေဒနာ မခံစားရသဖြင့် သတိမမူမိခြင်းဖြစ်သည်။
ထိုရောဂါများမှ ကင်းဝေးစေရန် အဓိကသော့ချက်မှာ မိမိခံတွင်းကို စနစ်တကျကိုယ်တိုင် စစ်ဆေးစောင့်ရှောက်မှုပေးနိုင်မှသာ ဘ၀တစ်သက်လုံးတွင် အထိရောက်ဆုံး၊ ကုန်ကျမှုအနည်းဆုံး နှင့် အကျိုးအရှိဆုံး ကာကွယ်မှုကို ရရှိနိုင်မည်ဖြစ်သည်။ အသက်အန္တရာယ်ပေးနိုင်သည့် ခံတွင်း ကင်ဆာရောဂါမျိုးပင်လျှင် အချိန်မီသိရှိပါက ထိရောက်စွာကုသနိုင်လေသည်။
မိဘများသည်လည်း ကလေးများ၏ သွားအရေအတွက်နှင့်သွားအရောင်ကို မှန်မှန်စစ်ဆေးပေးရန် လိုအပ်သည်။
မိမိကိုယ်တိုင် သွားပိုးစားရောဂါကို စစ်ဆေးရာတွင် ပါးစပ်ကိုသေချာစွာ ရေနှင့်အာလုပ်ကျင်းပြီးမှ မိမိသွားများကို မှန်ရှေ့၌ လုံလောက်သော အလင်းရောင် ရသည့်နေရာတွင် မှန်မှန်စစ်ဆေးပါ။ လိုအပ်ပါက အခြားသူများ၏ အကူအညီကို ရယူပါ။
အစာဝါးသည့် မျက်နှာပြင်များတွင် အမဲစက် အမဲကြောင်းလေးများတွေ့လျှင် သွားပိုးစား ရောဂါဟု သံသယဖြစ်နိုင်ပါသည်။
ရှေ့သွားများတွင် သွားနှစ်ချောင်းကြားမှ စတင်ပြီး သွားပိုးစားတတ်ပါသည်။ ဤသို့သံသယ ဖြစ်ဖွယ်များတွေ့ရှိပါက သွားဘက်ဆိုင်ရာဆရာဝန်ကို အမြန်ဆုံးပြသသင့်သည်။ ထို့ပြင်သွားများ တွင် အခေါင်းပေါက်ဖြစ်၍ အစာဝင်နေလျှင် မနာကျင်မီ သွားဘက်ဆိုင်ရာဆရာဝန်ထံပြသပြီး အချိန်မီကုသ မှုခံယူပါက သွားပိုးစားရောဂါကို ရပ်တန့်စေပြီး သွားနှုတ်ပစ်ရခြင်းမှ ကာကွယ်နိုင်ပါသည်။
Source: My doctor
Read: ခန္ဓာကိုယ်တွင် ဖြစ်တတ်သော အမဲကွက်ပြဿနာများအတွက်
